Health Tips / સ્વાદિષ્ટ સરગવાનાં બી પણ છે આરોગ્યપ્રદ, દૂધની તુલનામાં શરીરને મળે છે ચાર ગણું કેલ્શિયમ અને બે ગણું પ્રોટીન

• સ્વાદિષ્ટ સરગવાનાં બી પણ છે આરોગ્યપ્રદ
• સરગવાનાં સૂકવેલાં બીજ અને પાનનું સેવન કરવાનું ચલણ વધ્યું 
• બીજને બાફીને, શેકીને અથવા પાણીમાં ઉકાળીને ખાઈ શકાય

આપણે જાણીએ છીએ કે સરગવાની શિંગનું શાક સ્વાદિષ્ટ હોય છે, પરંતુ કદાચ તમે એ નહીં જાણતા હો કે સરગવાની શિંગ ઉપરાંત તેનાં ફૂલ, પાન અને બીજ પણ બહુ ઉપયોગી અને આરોગ્યપ્રદ છે. વર્લ્ડ હેલ્થ ઓર્ગેનાઈઝેશન (WHO)એ તો સાઉથ આફ્રિકાના કેટલાક દેશોમાં કુપોષણથી પીડાતા લોકોના ડાયટમાં કોઈ પણ રીતે સરગવો ઉમેરવાની સલાહ ભારપૂર્વક આપી છે. છેલ્લા થોડા સમયથી ભારતમાં સરગવાનાં સૂકવેલાં બીજ અને પાનનું સેવન કરવાનું ચલણ વધ્યું છે. 

માર્કેટમાં સરળતાથી ઉપલબ્ધ ડ્રાઇડ સીડ્સ અને પાઉડરનો જુદા-જુદા આહારમાં અને ઔષધિ તરીકે વપરાશ વધ્યો છે.સરગવો અથવા ડ્રમસ્ટિકના વૃક્ષમાંથી મેળવવામાં આવતાં બીજને મોરિંગા સીડ્સ કહે છે. વિવિધ પ્રાંતમાં જુદા નામે ઓળખાતાં તાજાં અને કાચાં મોરિંગા બીજ એકદમ કોમળ હોય છે. સુકાઈ ગયા બાદ સખત બને ત્યારે કઠોળના દાણા જેવા દેખાય છે. ગ્રે વ્હાઇટ કલરનાં આ બીજને બાફીને, શેકીને અથવા પાણીમાં ઉકાળીને ખાઈ શકાય છે. 

મોરિંગા સીડ્સ પ્યોર ઓર્ગેનિક પ્રોડક્ટ છે. કેલ્શિયમ, આયર્ન, એમિનો એસિડ, મેગ્નેશિયમ, ઝિન્ક જેવાં પોષક તત્ત્વોથી ભરપૂર મોરિંગા સીડ્સમાં ખનિજ અને ફાઇબરનું પ્રમાણ પણ સારું એવું હોય છે, જે શરીરને અનેક રીતે ફાયદો કરે છે. એમાંથી ઓઇલ પણ બને છે. સરગવાની શિંગનું શાક બનાવો તો વધીને ત્રણ કે ચાર સ્ટિક ખાઈ શકીએ. વધુ ફાયદા મેળવવા સીડ્સ ખાવાનો ટ્રેન્ડ શરૂ થયો છે, એમાં પ્રમાણ ખૂબ વધી જાય છે.’

હકીકતમાં મોરિંગા સીડ્સ અને પાન બંનેનો સરખો જ ઉપયોગ થાય છે. સીડ્સને સ્નેક્સમાં ઉમેરીને ખાઈ શકાય, જ્યારે સીડ્સ અને પાનમાંથી બનાવેલો પાઉડર મેડિસિનનું કામ કરે છે. મોરિંગામાં ફાઇબર કન્ટેન્ટ વધારે હોવાથી પેટ ભરેલું રહે છે. વજન ઉતારવા માગતા હોય એવા લોકો પોતાના ડાયટમાં મોરિંગા સીડ્સનો સમાવેશ કરી શકે છે. બે મીલ વચ્ચે દસથી પંદર ગ્રામ સીડ્સને શેકી અથવા બાફીને ખાઈ શકાય. મોરિંગાનાં પાંદડાં અને બીજમાંથી દૂધની તુલનામાં ચાર ગણું વધુ કેલ્શિયમ અને બે ગણું પ્રોટીન મળે છે. 

કેલ્શિયમથી હાડકાં મજબૂત બને છે. એનું સેવન કરવાથી ભોજન સારી રીતે પચી જાય છે. ડાયાબિટીસના રોગીના શરીરમાં લોહીના દબાણને ઓછું કરવામાં મોરિંગાનાં બીજ સહાય કરે છે. એના પાનમાંથી ક્વાથ અને ચા બનાવીને પીવાથી રોગ પ્રતિકારકશક્તિ વધે છે અને ઊંઘ સારી આવે છે. તમારી ઓવરઓલ હેલ્થ અને ઇમ્યુનિટી બૂસ્ટર માટે એને સપ્લિમેન્ટ તરીકે લેવું જોઈએ.