- ક્રિપ્ટો કરન્સી પર કડક ફંદો
- પ્રાઇવેટ ક્રિપ્ટો કરન્સી ભારતમાં પ્રતિબંધિત થઈ શકે છે
- ક્રિપ્ટો કરન્સીમાં 15%નો ઘટાડો
ભારત સરકાર ક્રિપ્ટો કરન્સી પર કડક ફંદો કસવાની તૈયારીમાં છે. તમામ પ્રાઇવેટ ક્રિપ્ટો કરન્સી ભારતમાં પ્રતિબંધિત થઈ શકે છે. સરકાર સંસદના શિયાળુ સત્રમાં આ મુદ્દે બિલ લઈને આવી રહી છે. એવા સમાચાર આવતા જ મંગળવારે તમામ ક્રિપ્ટો કરન્સી જોરદાર ઝટકા સાથે નીચે પડી હતી.
ક્રિપ્ટો કરન્સીમાં 15%નો ઘટાડો
આ જાહેરાત બાદ મોટાભાગની ક્રિપ્ટો કરન્સીમાં 15%નો ઘટાડો આવ્યો છે. Bitcoin માં 15%, Ethereum માં 12%, Tether માં 6% અને USD કોઇન્સમાં 8% નો ઘટાડો થયો છે. ભારતમાં બિટકોઇન 15% ઘટીને 40,28,000 રૂપિયા અને એથરમની કિંમત 03,05,114 રૂપિયા છે. તો ટીથરની કિંમત 76 રૂપિયા છે. કારડાનોની કિંમત 137 રૂપિયા પહોંચી ગઈ હતી.
સરકાર લાવશે બિલ
તમામ ક્રિપ્ટો કરન્સી પર બેન લગાવવામાં સરકારનાં નિર્ણયને સંસદના શિયાળુ ક્ષત્રમાં 'ધ ક્રિપ્ટો કરન્સી એન્ડ રેગ્યુલેશન એક્ટ ઓફ ઓફિશિયલ ડિજિટલ કરન્સી બિલ 2021' (The Cryptocurrency & Regulation of Official Digital Currency Bill, 2021) તરીકે રજુ કરવામાં આવશે.
ડિજિટલ કરન્સી ચલાવવા માટે ફ્રેમ વર્ક
ક્રિપ્ટો કરન્સી ટેકનોલોજીના ઉપયોગથી રાહત આપવા માટે જ સરકારે આ બિલમાં રિઝર્વ બેન્ક ઓફ ઈન્ડિયા તરફથી સરકારી ડિજિટલ કરન્સી ચલાવવા માટે ફ્રેમ વર્ક કરવામાં આવશે. આ બિલને લઈને લોકસભા બુલેટિનમાં સરકાર તરફથી જાણકારી આપવામાં આવી હતી. જો કે નાણાં બાબતની સંસદીય સમિતિમાં ક્રિપ્ટો કરન્સીને લઈને ચર્ચાઓ થઈ હતી જેમાં પાબંદી સમયના નિયમો પર સૂચન આપવામાં આવ્યા હતા.
જોખમનાં કારણે સાવધાની
દેશમાં મોટા પાયે ક્રિપ્ટો કરન્સીમાં ઈન્વેસ્ટ્મેન્ટ થઈ રહ્યું છે. આ કરન્સીમાં ખાસ્સો ઉતાર ચડાવ થતો હોય છે. અને ક્રિપ્ટો કરન્સીનું ક્યાંથી સંચાલન થાય છે તેપણ નિશ્ચિત નથી હોતું. એવામાં સરકારે આ મામલે નિર્ણય લેવાનું નક્કી કર્યું તેને નિષ્ણાંતો સારું પગલું માની રહ્યા છે.
