ખેલદિલી / વકીલો અને ચીફ જસ્ટિસ વચ્ચે કાયદાકીય નહી ક્રિકેટનો જંગ, જાણો ચીફ જસ્ટિસે કેટલાં રન બનાવ્યાં

• ચીફ જસ્ટિસે કેટલા બોલમાં 18 રન બનાવ્યાં 
• વકીલો અને જજો વચ્ચે દર વર્ષે યોજાય છે આ મેચ
• નાગપુરની મુલાકાત દરમિયાન બન્યો હતો આ પ્રસંગ

આ બે ટીમો વચ્ચે યોજાઈ મેચ

ચીફ જસ્ટિસ શરદ બોબડે નાગપુરની બે દિવસની મુલાકાતે આવ્યાં હતાં.  આ દરમિયાન તેઓ રવિવારે ન્યાયપાલિકાનાં સભ્યો સાથે ક્રિકેટ રમ્યા હતાં.   આ ફ્રેન્ડલી મેચ ઓલ જજ- 11 અને ઉચ્ચ ન્યાયાલય બાર અસોસિએશન -11ની વચ્ચે રમાઈ હતી. જેમાં બોબડેએ ભાગ લીધો હતો. 

#WATCH Maharashtra: Chief Justice of India, Sharad Arvind Bobde played cricket with judges and lawyers in Nagpur today pic.twitter.com/FdNKnsfxjx

— ANI (@ANI) January 19, 2020

બોબડેએ કેટલાં બોલમાં કેટલાં ચોગ્ગા માર્યા

આ મેચ નાગપુર હાઈકોર્ટ બાર અસોસિએશન દ્વારા આયોજિત કરવામાં આવી હતી. 15 ઓવરની આ મેચ નાગપુરમાં સિવિલ લાઈન વિસ્તારમાં આવેલ વિદર્ભ ક્રેકેટ અસોસિએશનનાં મેદાનમાં યોજાઈ હતી. ચીફ જસ્ટિસ બોબડે આ મેચમાં ઓલ જજ-11 તરફથી રમી રહ્યાં હતા. તેઓએ આ મેચમાં 18 રન કર્યાં હતાં. આ મેચમાં તેમની ટીમમાંથી સૌથી વધારે રન હતાં. બોબડેએ 30 બોલમાં 3 ચોગ્ગા માર્યા હતાં.

કોણે આયોજીત કરી હતી આ મેચ

મેચમાં ચીફ જસ્ટિસની સામે રમી રહેલી ટીમ એટલે કે ઉચ્ચ ન્યાયાલય બાર અસોસિએશને જીત મેળવી હતી. ઉલ્લેખનીય છે કે નાગપુર હાઈકોર્ટ બાર અસોસિએશન દર વર્ષે એક વાર ફ્રેન્ડલી ક્રિકેટ મેચનું આયોજન કરે છે. આ વર્ષે ચીફ જસ્ટિસ ઓફ ઈન્ડિયાની હાજરીએ તેને વધારે ખાસ બની ગઈ હતી.