- ESICએ નિયમોમાં કેટલાક ફેરફાર કર્યા
- શ્રમિકોને મેડિકલ બેનેફિટસ આપવાના પ્રસ્તાવને મંજૂરી
- સેવાનિવૃત્ત કર્મચારીઓને મળશે લાભ
કર્મચારી રાજ્ય વીમા નિગમ (ESIC)એ શનિવારે નિયમોમાં કેટલાક ફેરફાર કર્યા છે. સેવાનિવૃત્ત વ્યક્તિઓને મેડિકલ બેનેફિટ આપવાનો નિર્ણય કર્યો છે. શ્રમ મંત્રાલયે જણાવ્યું છે કે, કેન્દ્રીય મંત્રી ભૂપેન્દ્ર યાદવની અધ્યક્ષતામાં યોજાયેલ ESICની 193મી બેઠકમાં આ નિર્ણય કરવામાં આવ્યો છે. ESICએ સેવાનિવૃત્ત શ્રમિકોને મેડિકલ બેનેફિટસ આપવાના પ્રસ્તાવને મંજૂરી આપી છે.
ESICએ મંજૂર કરેલ પ્રસ્તાવ અનુસાર આ કર્મચારીઓને મેડિકલ બેનેફિટ્સનો લાભ મળશે
- રિટાયર્ડ શ્રમિક વેતન સીમા વધુ હોવાને કારણે ESI યોજના કવરેજમાંથી બહાર થઈ ગયા હોય
- સેવાનિવૃત્ત કર્મચારીએ ઓછામાં ઓછા પાંચ વર્ષ સુધી કામ કર્યું હોય
- 1 એપ્રિલ 2012 પછી ઓછામાં ઓછા પાંચ વર્ષ સુધી વીમા યોગ્ય રોજગાર મેળવ્યો હોય અને 1 એપ્રિલ 2017 અથવા ત્યાર પછી દર મહિને 30,000 સુધી વેતન મળતું હોય અને સેવાનિવૃત્ત થયા હોય.
આ પોલિસીના ઉદ્દેશ્યને પૂરા કરવાના હેતુસર પૂર્વોત્તર રાજ્યમાં સેવા વિતરણ તંત્રને પ્રોત્સાહન આપવા માટે, ESICએ સિક્કિમ સહિત પૂર્વોત્તર રાજ્યોમાં ઔષધાલયો મેડિકલ ફેસિલિટી, રિજનલ ઓફિસની સ્થાપના માટે નિયમોમાં છૂટછાટ આપી છે. ESIલાભાર્થીઓને લાભ આપવા માટે ESIC બેઠકમાં આયુષ 2023 પર એક નવી પોલિસી મંજૂર કરવામાં આવી.
વધુ વાંચો: શું વાત છે, માત્ર 10 પૈસામાં એક કિમી દોડશે આ ટુ-વ્હીલર: કિંમત 70 હજાર
ESIC હોસ્પિટલમાં પંચકર્મ, ક્ષાર સૂત્ર અને આયુષ એકમોની સ્થાપનાની જાણકારી આપવામાં આવી છે. ઓગસ્ટ 2023માં કેન્સરના દર્દીઓને રાહત આપવાના હેતુસર ESICએ 30 હોસ્પિટલમાં કીમોથેરાપીની શરૂઆત કરવામાં આવી હતી. ESIC હેઠળ કર્મચારીઓને તેમના આશ્રિતોને કમ્પ્લીટ મેડિકલ કેયર આપવામાં આવે છે. જેમાં મેડિકલ અટેન્ડન્સ, સારવાર, દવાઓ, ઈન્જેક્શન, સ્પેશિયાલિસ્ટ, કન્સલ્ટેશન અને હોસ્પિટલાઈઝેશન શામેલ છે.
