મનોરંજન / અઘટિત બન્યું! કોમેડિયન કપિલ શર્મા પર આવી આફત, હવે શું થશે? ચાહકોમાં ફેલાઈ ચિંતા

કેનેડાના સરે શહેરમાં પ્રખ્યાત ભારતીય કોમેડિયન કપિલ શર્માના કાફે ‘કેપ્સ કાફે’ પર ફરી ગોળીબાર થવાની ઘટના સામે આવી છે. આ ઘટનાની જવાબદારી ગોલ્ડી ધિલ્લોન નામના ગેંગસ્ટરે લીધી છે, જે પોતાને લોરેન્સ બિશ્નોઈ ગેંગનો સભ્ય કહે છે. હાલ સુરક્ષા એજન્સીઓ અને મુંબઈ પોલીસ આ મામલાની તપાસ કરી રહી છે. સદનસીબે, આ ગોળીબારમાં કોઈને ઈજા થઈ હોવાના સમાચાર નથી.

આ સમગ્ર ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. 9 સેકન્ડના આ વીડિયોમાં કારમાં બેઠેલા કેટલાક લોકો કાફે તરફ અંધાધૂંધ ગોળીબાર કરતા જોવા મળે છે. અહેવાલ મુજબ, આ હુમલામાં 12 રાઉન્ડથી વધુ ગોળીબાર કરવામાં આવ્યો હતો. સ્થાનિક પોલીસએ તાત્કાલિક તપાસ શરૂ કરી છે અને આસપાસના CCTV ફૂટેજ પણ એકત્ર કરી રહી છે. ગોલ્ડી ધિલ્લોન અને તેની ગેંગે સોશિયલ મીડિયા મારફતે એક સંદેશ પણ આપ્યો છે, જેમાં તેઓએ લખ્યું છે – “જય શ્રી રામ, સત શ્રી અકાલ. બધા ભાઈઓને રામ રામ. ગોલ્ડી ધિલ્લોન અને લોરેન્સ બિશ્નોઈ ગેંગ આજે કપિલ શર્માના કેપ્સ કાફે, સરેમાં થયેલા ગોળીબારની જવાબદારી લે છે. અમે તેને ફોન કર્યો હતો, પરંતુ તેણે રિંગ સાંભળી નહોતી, જેના કારણે અમારે કાર્યવાહી કરવી પડી. જો તે ફરીથી ફોન કરવા પર રિંગ સાંભળશે નહીં, તો મુંબઈમાં ટૂંક સમયમાં આગળની કાર્યવાહી કરવામાં આવશે.”

પહેલા પણ થઇ હતી ગોળીબાળી

આ પહેલી વાર નથી જ્યારે કપિલ શર્માના કાફે પર હુમલો થયો હોય. 10 જુલાઈ 2025ના રોજ પણ કેનેડામાં ‘કેપ્સ કાફે’ પર ગોળીબાર થયો હતો, જેમાં નવ રાઉન્ડ ગોળીઓ ચલાવવામાં આવી હતી. તે સમયે ખાલિસ્તાની આતંકવાદી હરજીત સિંહ લડ્ડીએ આ ઘટનાની જવાબદારી લીધી હતી. તે બાદ, કાફેની ટીમે તેમના સત્તાવાર ઇન્સ્ટાગ્રામ અકાઉન્ટ પર એક નિવેદન આપ્યું હતું, જેમાં લખ્યું હતું કે – “અમે આ મુશ્કેલ સમયમાંથી પસાર થઈ રહ્યા છીએ, પરંતુ અમારું સ્વપ્ન ચાલુ રાખીશું.

લોરેન્સ બિશ્નોઈ કોણ છે?

લોરેન્સ બિશ્નોઈ કોણ છે તે અંગે પણ લોકોના મનમાં સવાલ થાય છે. લોરેન્સ બિશ્નોઈ ઉત્તર ભારતમાં ખુબ જ ખતરનાક ગેંગસ્ટર છે. તાજેતરમાં તે પંજાબી ગાયક સિદ્ધુ મૂસેવાલાની હત્યાને કારણે ચર્ચામાં રહ્યો હતો. આ ઉપરાંત, તેની ગેંગે મુંબઈના જાણીતા નેતા અને મહારાષ્ટ્રના પૂર્વ મંત્રી બાબા સિદ્દીકીની હત્યાની જવાબદારી પણ લીધી હતી. બાબા સિદ્દીકીની ધોળા દિવસે ગોળી મારીને હત્યા કરવામાં આવી હતી અને તેનો દાવો લોરેન્સ બિશ્નોઈએ ખુલ્લેઆમ કર્યો હતો.

આ પણ વાંચો : 'જે સલમાન સાથે કામ કરશે તે મરશે' લોરેન્સ ગેંગે કોમેડિયન કપિલ શર્માને આપી મોતની ધમકી

હાલ, કપિલ શર્માના કાફે પર થયેલા તાજેતરના હુમલાના કારણ અંગે કોઈ સત્તાવાર માહિતી સામે આવી નથી. પોલીસ, સુરક્ષા એજન્સીઓ અને ગુપ્તચર વિભાગ મળીને આ કેસની તપાસ કરી રહ્યા છે. સતત બે વખત થયેલા હુમલાથી કાફેની સુરક્ષા અંગે ગંભીર પ્રશ્નો ઊભા થયા છે અને સ્થાનિકોમાં ભયનું વાતાવરણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ