BMC / આવુ ગુજરાતમાં પણ થવું જોઈએ: ખાડા સાથે સેલ્ફી પાડો અને સમારકામ ન થાય તો...

• બૃહ્ન્નમુંબઈ નગરનિગમે શરુ કરી પોટહોલ ચેલેન્જ  
• ખાડા સાથે લોકો શેર કરશે સેલ્ફી 
• ખાડાનું 24 કલાકમાં સમારકામ ન થાય તો મળશે 500 ઇનામ

 ખાડા સાથેની સેલ્ફી  'ફિક્સઇટ એપ' પર શેર કરવાની રહેશે

બૃહ્ન્નમુંબઈ નગરનિગમ દ્વારા એક નવો પ્રયોગ શરુ કરવામાં આવ્યો છે. જેનું નામ આપવામાં આવ્યું છે પોટહોલ ચેલેન્જ. આ ચેલેન્જ શુક્રવારે શરુ થયો છે જે એક અઠવાડિયા સુધી ચાલે તેવી યોજના છે. જોકે BMC દ્વારા શરુ કરાયેલી આ યોજનાનો બધા જ રાજનીતિક દળ વિરોધ કરી રહ્યા છે. ઘણા રાજનીતિક દળોનું માનવું છે આમ કરીને BMC કરદાતાઓના પૈસા વેડફી રહી છે. શહેરન લોકોને નગર નિગમ દ્વરા આગ્રહ કરવામાં આવ્યો છે કે લોકો ખાડાઓ વિશેની માહિતી નગર નિગમની આધિકારિક એપ 'ફિક્સઇટ એપ' પર શેર કરે જેથી નગર નિગમને શહેરના ખાડાઓની માહિતી પણ મળી રહે અને લોકોની ભાગીદારી પણ વધારી શકાય. 

We accept the #PotholeChallenge2019 & we nominate YOU to help us win! Click a picture/selfie with a pothole, report on #FixItApp & we promise to fix it within 24 hrs. If not, you pocket Rs. 500! Report via https://t.co/eH6CsOifYF
Or visit: https://t.co/UQ4DbfpbHZ pic.twitter.com/lQPSkvFn6M

— माझी Mumbai, आपली BMC (@mybmc) November 1, 2019

કોર્પોરેટરોએ ઉઠાવ્યા સવાલ

નગર નિગમ દ્વારા આ પ્રયોગ હેઠળ નાગરિકો ઇનામ પણ મેળવી શકે છે. કોઈ પણ નાગરિક ખાડા સાથે તસવીર મૂકી શકે છે અને જો 24 કલાકમાં તે ખાડાનું સમારકામ કરવામાં ન આવે તો તસવીર શેર કરનાર વ્યક્તિને 500 રૂપિયાનું ઇનામ મળશે. કોર્પોરેટરોનું મનાવું છે કે આ યોજના એક હાસ્યાસ્પદ આઈડીયા છે. ખાડાઓનું સમારકામ કરવું એ નગરનિગમનું કામ છે, આવી યોજનાઓથી નગરનિગમ લોકોનું ધ્યાન ભટકાવવા માંગે છે. 

પોટહોલ ચેલેન્જ 7 નવેમ્બર સુધી ચાલશે

નગરનિગમ જે ઇનામ આપવાનું છે તેના પર પણ ઘણા સવાલ ઉઠવવામાં આવી રહ્યા છે. કોર્પોરેટરોએ કહ્યું કે આ યોજનાથી BMC લોકોમાં પૈસાની લ્હાણી કરી રહ્યું છે, આ સીધેસીધું કરદાતાઓના પૈસાની બરબાદી છે. BMCએ પોતાના આધિકારિક ટ્વિટર હેન્ડલથી જાણકારી આપી હતી કે પોટહોલ ચેલેન્જ 7 નવેમ્બર સુધી ચાલશે.

• જોકે આ ચેલેન્જની સાથે BMC દ્વારા ખાડા માટે પણ દિશા નિર્દેશ જાહેર કરવામાં આવ્યા છે. કોઈ પણ વ્યક્તિ વધુમાં વધુ બે જ ખાડા સાથેની સેલ્ફી મોકલી શકશે.આ સિવાય ખાડો ઓછામાં ઓછો ત્રણ ઇંચ ઊંડો અને એક ફૂટ પહોળો હોવો જોઈએ.