રાજનીતિ / ભાજપમાં સિંધિયાનો વિરોધ, કહ્યું તેમના કારણે જ કોંગ્રેસ છોડીને ભાજપમાં આવ્યો હતો અને હવે અહીં...

• કોંગ્રેસ છોડીને ભાજપમાં સામેલ થયેલા પૂર્વ ધારાસભ્ય પ્રેમચંદ ગુડ્ડુએ ફરી બળવો કર્યો
• ભાજપના નેતા પ્રેમચંદ ગુડ્ડુએ પાર્ટી છોડી દેવાના સંકેત પણ આપ્યા છે

ભાજપમાં રહેતા પહેલીવાર કોઇ નેતાએ સિંધિયાનો ખુલ્લેઆમ વિરોધ કર્યો છે. પ્રેમચંદ ગુડ્ડુએ પાર્ટી છોડી દેવાના સંકેત પણ આપ્યા છે. એક ન્યૂઝ ચેનલ સાથે વાત કરતા પ્રેમચંદ ગુડ્ડુએ જ્યોતિરાદિત્ય સિંધિયા પર હુમલો કર્યો છે. તેઓએ સાંવેર બેઠક પરથી તુલસી સિલાવટને ચૂંટણીમાં માત આપવા નક્કી કર્યું છે. ઉપચૂંટણીમાં સાંવેરથી ભાજપ સિંધિયાના નજીકના અને સરકારમાં જળ સંસાધન મંત્રી તુલસી સિલાવટને જ ટિકિટ આપશે. 

સિંધિયાને કારણે કોંગ્રેસ છોડી

સાંસદ અને ધારાસભ્ય રહેલા પ્રેમચંદ ગુડ્ડુએ કહ્યું કે હું સિંધિયાને કારણે કોંગ્રેસ છોડીને ભાજપમાં આવ્યો. કોંગ્રેસમાં રહેતા પણ ગુડ્ડુએ એકવાર સિંધિયા પર હુમલો કર્યો હતો. ગુડ્ડુએ કહ્યું કે તેમના ભાજપમાં આવ્યા બાદથી અહીં પણ સ્થિતિ એવી જ બની ગઇ છે.  પ્રેમચંદ ગુડ્ડુ સાંવેરમાં પણ ઉપચૂંટણીની તૈયારીમાં લાગી ગયા છે. તેઓએ સ્થાનિય નેતાઓ સાથે બેઠક પણ કરી. 

સિંધિયા પરિવાર પર હુમલો

પ્રેમચંદ ગુડ્ડુએ સિંધિયા પરિવાર પર હુમલો કરતા કહ્યું કે દગો આપવો તેમના પરિવારના ડીએનએમાં છે. જ્યારે કિલા મેદાનમાં રાણી લક્ષ્મીબાઇની પ્રતિમાના અનાવરણમાં મેં રાજસ્થાનના સીએમને બોલાવવાનો વિરોધ કર્યો હતો. ત્યારે હું યૂથ કોંગ્રેસનો અધ્યક્ષ હતો. ત્યારે માધવરાવ સિંધિયાએ કોંગ્રેસ છોડી દીધી હતી. જ્યારે પાર્ટીમાં તેમની વાપસી થઇ તો તેમણે દબાણ કરીને મને પદ પરથી હટાવી દીધો. પ્રેમચંદ ગુડ્ડુએ હુમલાવર વલણ અપનાવતા કહ્યું કે તેઓે વધારે દિવસ ભાજપમાં રહેવાના નથી.