વાયરલ / VIDEO: હદનો આંટો! નશામાં ધૂત ઓટો ડ્રાઈવરે રેલવે ટ્રેક પર ચલાવી રિક્ષા, જુઓ વીડિયો

Bihar Viral Video: બિહારના સીતામઢી-દરભંગા રેલ્વે સેક્શન પર મહેસૌલ ગુમટી નજીક શનિવારે ટ્રેન ડ્રાઈવરની સમજદારીથી એક મોટી દુર્ઘટના ટળી ગઈ. અહીં દારૂના નશામાં એક ઓટો ડ્રાઈવર રેલ્વે ટ્રેક પર જ પોતાની ઓટો રિક્ષા ચલાવવા લાગ્યો. જે સમયે ઓટો રેલ્વે ટ્રેક પર ચાલી રહી હતી, તે સમયે સામેથી એક ટ્રેન પણ આવી રહી હતી. જોકે, ટ્રેન ડ્રાઈવરે ઓટો જોતા જ તેણે ટ્રેન રોકી દીધી. જેના કારણે મોટી દુર્ઘટના ટળી ગઈ. માહિતી મળતા જ GRP પોલીસ પણ ઘટનાસ્થળે પહોંચી ગઈ અને ઓટો ડ્રાઈવરની ધરપકડ કરી લીધી. આ સમગ્ર ઘટનાનો વીડિયો પણ સામે આવ્યો છે.

વીડિયોમાં દેખાઈ રહ્યું છે કે રેલ્વે ટ્રેક પર એક ઓટો ચાલી રહી છે. જ્યારે કેટલાક લોકો તેને રોકવા માટે તેની પાછળ દોડી રહ્યા છે. જયારે ટ્રેન પણ સામેથી આવી રહી છે અને હોર્ન વગાડી રહી છે. પરંતુ ડ્રાઈવરે ઓટો જોતા જ ટ્રેનને બ્રેક મારી અને રોકી દીધી. જો ટ્રેન ડ્રાઈવરે યોગ્ય સમયે બ્રેક ન લગાવી હોત તો મોટો અકસ્માત થયો હોત.

સ્થાનિક લોકોએ જણાવ્યું કે એક વ્યક્તિ નશામાં ધૂત હતો અને રેલવે ટ્રેક પર જ ઓટો ચલાવવા લાગ્યો. જ્યારે લોકોએ તેને જોયો ત્યારે તેઓએ તેને રોકવાનો પ્રયાસ કર્યો. પરંતુ તેણે ઓટો રિક્ષા રોકી નહીં. આ દરમિયાન સામેથી એક ટ્રેન પણ આવી રહી હતી. જોકે, ટ્રેન ડ્રાઇવરે તત્પરતા દાખવી અને ટ્રેન રોકી. જેના કારણે મોટી દુર્ઘટના ટળી ગઈ.

આ પણ વાંચો: VIDEO: બે મોનિટર લિઝાર્ડ વચ્ચે જામ્યું યુદ્ધ, જોવા મળી WWE જેવી ફાઈટ

ઘટનાસ્થળે પહોંચેલા GRP એ જણાવ્યું કે રેલવે ટ્રેક પર ઓટો ચલાવનાર ડ્રાઇવરની ધરપકડ કરવામાં આવી છે. જ્યારે તે રેલવે ટ્રેક પર ઓટો રિક્ષા ચલાવી રહ્યો હતો ત્યારે તે નશામાં હતો. આ કેસમાં આગળની કાર્યવાહી કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ