રાજનીતિ / મહારાષ્ટ્રની રાજનીતિમાં મોટી ઉથલ પાથલ? શિવસેનાએ તમામ ધારાસભ્યોને કર્યા હોટલ ભેગા, જાણો કારણ

• રાજ્યસભાની ચૂંટણીને લઈને મહારાષ્ટ્રના રાજકારણમાં ગરમાવો  
• રાજ્યસભાની ચૂંટણી પહેલા શિવસેનાના ધારાસભ્યોને હોટલમાં શિફ્ટ કરાયા
• શિવસેના અને BJP ઉમેદવારોને મેદાનમાં ઉતારી લડત રસપ્રદ બનાવી 

મહારાષ્ટ્રમાં 10 જૂને યોજાનારી રાજ્યસભાની ચૂંટણી પહેલા શિવસેનાએ તેના ધારાસભ્યોને મલાડની એક હોટલમાં શિફ્ટ કર્યા છે. આ પહેલા મુખ્યમંત્રીના નિવાસ સ્થાને અપક્ષ અને શિવસેનાના ધારાસભ્યોની બેઠક યોજાઈ હતી. આ પછી ધારાસભ્યોને બસ દ્વારા હોટલમાં લઈ જવામાં આવ્યા હતા.

Maharashtra | Shiv Sena MLAs being shifted to a hotel in Malad, Mumbai ahead of the Rajya Sabha elections pic.twitter.com/BdZOI8CuBJ

— ANI (@ANI) June 6, 2022

રાજ્યસભાની ચૂંટણી પહેલા શિવસેનાના ધારાસભ્યોને હોટલમાં શિફ્ટ કરાયા

રાજ્યસભાની ચૂંટણી પહેલા શિવસેનાના ધારાસભ્યોને મુંબઈના મલાડની એક હોટલમાં શિફ્ટ કરવામાં આવી રહ્યા છે. તમને જણાવી દઈએ કે, કડક સુરક્ષા વચ્ચે બસો દ્વારા લઈ જવામાં આવ્યાં હતાં. શિવસેનાના વિધાનસભ્ય પ્રકાશ સુર્વેએ કહ્યું કે પાર્ટીના ધારાસભ્યોને મલાડથી ટ્રાઇડેન્ટ હોટલમાં શિફ્ટ કરવામાં આવી રહ્યા છે.  

રાજ્યસભાની ચૂંટણીને લઈને મહારાષ્ટ્રના રાજકારણમાં ગરમાવો  

ઉલ્લેખનીય છે કે, મહારાષ્ટ્રની છ બેઠકો માટે માત્ર છ ઉમેદવારો ઊભા થયા હોત તો ચૂંટણીની જરૂર જ ન પડી હોત. પરંતુ શિવસેના અને ભાજપ બંનેએ તેમની ક્ષમતા કરતા એક-એક ઉમેદવારને મેદાનમાં ઉતાર્યા છે. દરમિયાન, કોંગ્રેસે મહારાષ્ટ્ર બહારના ઉમેદવાર ઈમરાન પ્રતાપગઢીને લાવીને પોતાની પાર્ટીમાં મતભેદને આમંત્રણ આપ્યું છે. આ માટે બંને તરફથી કેટલાક પ્રયાસો પણ શરૂ થઈ ગયા છે. શુક્રવારે સવારે મહાવિકાસ આઘાડી વતી વરિષ્ઠ નેતા અને રાજ્ય સરકારમાં મંત્રી છગન ભુજબળ પણ આવી જ દરખાસ્ત સાથે વિધાનસભામાં વિરોધ પક્ષના નેતા દેવેન્દ્ર ફડણવીસના ઘરે પહોંચ્યા હતા. પરંતુ બંને પક્ષોએ એકબીજાના પ્રસ્તાવને ફગાવી દીધો હતો.

શિવસેના અને ભાજપે ઉમેગવારોને મેદાનમાં ઉતારી લડત રસપ્રદ બનાવી 

પરિણામે, હવે છ બેઠકો માટે સાત ઉમેદવારો વચ્ચે ચૂંટણી યોજાશે. ભાજપમાંથી બે, અને સત્તાધારી મહા વિકાસ આઘાડીના ત્રણ પક્ષો શિવસેના, કોંગ્રેસ અને એનસીપીમાંથી એક-એક, તમામ પક્ષો સરળતાથી જીતેલા મતો ધરાવે છે. પરંતુ શિવસેનાએ પોતાનો બીજો અને ભાજપે ત્રીજા ઉમેદવારને મેદાનમાં ઉતારીને લડતને રસપ્રદ બનાવી છે.