કોરોના વાયરસ / ભારત બાયોટેક આવતા વર્ષે લાવશે કોરોનાની વેક્સીન, કિંમતને લઈને કહી આ વાત

• ભારત બાયોટેક આવતા વર્ષે લાવશે કોરોનાની વેક્સીન
• કિંમતને લઈને કંપનીએ કરી નહીં કોઈ સ્પષ્ટતા
• કંપનીનું ફોકસ એક સફળ વેક્સીન તૈયાર કરવા પર

ભારત બાયોટેક ઈન્ટરનેશનલના કાર્યકારી નિર્દેશક સાઈ પ્રસાદે કહ્યું છે કે અત્યારે કંપની દેશના અનેક સ્થાનો પર ત્રીજા તબક્કાનું ટ્રાયલ કરી રહી છે. જો અમે પરીક્ષણમાં સફળ રહીશું તો કંપની 2021ના બીજા ત્રિમાસિકમાં તેને માર્કેટમાં લાવી શકે તેવી શક્યતા છે. કંપનીએ ત્રીજા તબક્કાની તૈયારીઓ શરૂ કરી દીધી છે. 

કંપનીએ કોવૈક્સીન વેક્સીનની તૈયારીઓ કરી શરૂ

કંપનીએ ઈન્ડિયન કાઉન્સિલ ઓફ મેડિકલ રિસર્ચ અને નેશનલ ઈન્સ્ટીટ્યૂટ ઓફ વાયરોલોજીના સહયોગથી વેક્સીન કોવૈક્સીનને તૈયાર કરી છે. તેઓએ કહ્યું કંપનીએ ડ્રગ્સ કંટ્રોલર જનરલ ઓફ ઈન્ડિયા પાસેથી ત્રીજા ચરણના પરીક્ષણ માટે સ્થળ પસંદગીની તૈયારી શરૂ કરી છે. 

350-400 કરોડ રૂપિયાનું રોકાણ કરાયું

પ્રસાદે કહ્યું છે કે 13-14 રાજ્યોમાં 25-30 સ્થળો પર આ વેક્સીનનું પરીક્ષણ કરાશે. તેમાં એક હોસ્પિટલના લગભગ 2000 લોકોને પણ સામેલ કરાશે. વેક્સીનના વિકાસ અને નવી સુવિધાઓ માટે લગભગ 350-400 કરોડ રૂપિયાનું રોકાણ કરાયું છે. આ સાથે જ તેઓએ એમ પણ કહ્યું કે વેક્સીનની કિંમત અત્યારે નક્કી કરાઈ નથી. કેમકે કંપની હજુ પણ ઉત્પાદનના વિકાસના ખર્ચને અંદાજી રહી છે. અમારું ધ્યાન અત્યારે સાઈટ પર સફળતાપૂર્વક ત્રીજા તબક્કાનું પરીક્ષણ કરવાનું છે.