ઓટો / આ છે ભારતમાં સૌથી વધુ વેચાનારી 3 સસ્તી અને ધાંસૂ બાઈક, શરૂઆતી કિંમત માત્ર 51,700 રૂપિયા, જાણી લો

• દેશમાં મહામારીને કારણે ઓટો સેક્ટર પર થઈ ખરાબ અસર
• દેશમાં આ 3 બાઈક્સની ખૂબ જ ડિમાન્ડ 
• ભારતમાં સૌથી વધુ વેચાઈ છે આ બાઈક્સ

ભારતમાં કમ્યૂટર બાઈક સેગ્મેન્ટ હમેશાંથી વધુ પસંદ કરવામાં આવતું બાઈક સેગ્મેન્ટ રહ્યું છે. શહેરો અને ગ્રામીણ વિસ્તારોમાં પણ આ બાઈક્સને ખૂબ પસંદ કરવામાં આવે છે. કમ્યૂટર બાઈક સેગ્મેન્ટમાં હીરો મોટોકોર્પની પકડ પહેલાંથી જ દેશમાં ઘણી મજબૂત છે. આ સેગ્મેન્ટમાં બજાજ કંપનીની બાઈક્સ પણ લોકો દ્વારા ઘણી પસંદ કરવામાં આવે છે. ચાલો તમને જણાવીએ છેલ્લા કેટલાક મહિનામાં દેશમાં સૌથી વધુ વેચાનાર 3 બાઈક્સ વિશે. 

હીરો સ્પ્લેન્ડર

હીરો સ્પ્લેન્ડરનો વર્ષોથી બજારમાં દબદબો રહ્યો છે. કમ્યૂટર સેગ્મેન્ટમાં આ બાઈક દેશમાં સૌથી વધુ પસંદ કરવામાં આવે છે. આજે પણ આ બાઈક ભારતમાં સૌથી વધુ વેચાનારી બાઈક્સમાંથી એક છે. છેલ્લા કેટલાક મહિનાઓમાં હીરો સ્પ્લેન્ડરે શાનદાર વેચાણ કર્યું છે અને આ દેશમાં સૌથી વધુ વેચાનારી બાઈક બની છે. કંપનીએ એપ્રિલ 2021માં આ બાઈકના 1,93,508 યૂનિટ્સ વેચ્યા છે. જે મે મહિનામાં 48.1% ઘટીને 1,00,435 યૂનિટ્સ થઈ ગયા. 

હીરો એચએફ ડીલક્સ 

2021ના ​​મે મહિનામાં હીરોની એચએફ ડિલક્સ બાઇક બીજા નંબરે રહી, મેમાં 42,118 યુનિટ વેચાયા. જ્યારે એપ્રિલમાં કંપનીએ આ બાઇકના 71,294 યુનિટ્સનું વેચાણ કર્યું હતું. ભારતીય બજારમાં આ બાઇકની કિંમત 51,700 રૂપિયાથી લઈને 60,775 રૂપિયા (એક્સ-શોરૂમ દિલ્હી) સુધીની છે.

બજાજ પલ્સર

બજાજ પલ્સર બાઇક્સ ભારતમાં 125 સીસીથી 200 સીસી સુધીના કુલ 11 મોડલ્સ સાથે ઉપલબ્ધ છે. બજાજ પલ્સર મે મહિનામાં સૌથી વધુ વેચાયેલી બાઇકની રેસમાં ત્રીજા સ્થાને પોતાનું નામ નોંધાવ્યું છે. કંપનીએ મે મહિનામાં આ બાઇકના કુલ 39,625 યુનિટ વેચ્યા છે, જ્યારે એપ્રિલમાં બાઇકના 66,586 યુનિટ વેચાયા છે. ભારતીય બજારમાં બજાજ પલ્સરની પ્રારંભિક કિંમત રૂપિયા 73,427 છે.