લાભ / ગુણકારી છે કોથમીર, ખાવામાં દરરોજ સેવન કરવાથી આ બિમારીઓ થશે નહીં

• ખૂબ જ ગુણકારી છે કોથમીર
• શાકભાજીમાં કોથમીરનુ સેવન કરવાથી આ બિમારીઓ દૂર થશે
• શરીરની રોગપ્રતિકારક શક્તિ પણ મજબૂત થાય છે

કોથમીર ખાવાથી થતા ફાયદા

ખૂબ જ ઓછા માણસો જાણતા હશે કે કોથમીરની અંદર વિટામિન એ, બી, સી, કે, કેલ્શિયમ, ફાસ્ફોરસ, પોટેશિયમ, સોડિયમ અને મેગ્નેશિયમ જેવા પોષક તત્વો હોય છે. આ પોષક તત્વો આપણા શરીરને તંદુરસ્ત રાખવાની સાથે આપણી રોગપ્રતિકારક શક્તિને પણ મજબૂત કરે છે. આવો જાણીએ કોથમીર ખાવાથી કયા-કયા ફાયદા થાય છે. 

લિવરની બિમારીમાં ફાયદાકારક

લિવર સાથે જોડાયેલી સમસ્યાઓ માટે કોથમીર ખૂબ ફાયદાકારક માનવામાં આવે છે. કોથમીરમાં પૂરતી માત્રામાં એલ્કલૉઇડ અને ફ્લેવોનૉઇડ્સ હોય છે. આ તત્વ પિત્ત વિકાર અને કમળા જેવી લિવરની બિમારીઓને મટાડવામાં મદદ કરે છે. 

પાચન અને આંતરડાના આરોગ્યને સ્વસ્થ રાખે 

કોથમીરના સેવનથી લોકોને પાચન તંત્રમાં ગડબડ અને આંતરડાની બિમારીમાંથી રાહત મળે છે. જેનાથી તમારું પેટ ફિટ રહે છે અને ભૂખ પણ ઓછી લાગે છે. 

વધારે છે શરીરની રોગપ્રતિકારક શક્તિ 

કોથમીરની અંદર એન્ટીઓક્સિડેન્ટ હોય છે. તે ફ્રી રેડિકલથી થનારા સેલ્યુલર ડેમેજને રોકે છે. કોથમીરના નિયમિત સેવનથી શરીરની રોગપ્રતિકારક શક્તિ મજબૂત થાય છે. 

હાર્ટ એટેકથી થાય છે બચાવ

કોથમીરનું સેવન કરવાથી બિનજરૂરી એકસ્ટ્રા સોડિયમ પેશાબના ભાગેથી શરીરમાંથી બહાર નિકળી જાય છે. જેનાથી શરીર અંદરથી ફિટ રહે છે. કોથમીરનું સેવન કરવાથી ખરાબ કોલેસ્ટ્રોલ અને બ્લડ પ્રેશરને નિયંત્રણમાં રાખવામાં મદદ મળે છે.