"સુંદરતા તો જોનારની આંખમાં હોય છે" આ ઉક્તિથી વિરુદ્ધ એવા એક કિસ્સામાં અમેરિકાની પ્રસિદ્ધ મોડલ બેલા હડીડને વિશ્વની સૌથી સુંદર સ્ત્રીનો ખિતાબ મળ્યો છે. જો કે આ માપદંડ એક ગ્રીક ભૂમિતિની પદ્ધતિ વડે નક્કી કરવામાં આવ્યા હતા જેમાં બેલાનો ચહેરો ખરો ઉતર્યો છે.
ક્લાસિકલ ગ્રીક માપ પદ્ધતિના ગોલ્ડન રેશિયોને ધ્યાને રાખીએ તો અમેરિકન મોડલ બેલા હડીડ વૈજ્ઞાનિક રીતે વિશ્વની સૌથી સુંદરી મહિલા તરીકે જાહેર થઇ છે. કોસ્મેટિક સર્જન ડો જુલિયન ડી સિલ્વાએ "ફાઈ" ગોલ્ડન રેશિયોના આધારે બેલાને દુનિયાની રૂપસુંદરી જાહેર કરી છે.
ગાણિતિક રીતે 1.618/1 ના ગુણોત્તરને ગોલ્ડન રેશિયો કહે છે. જો આ રેશિયો ચહેરા ઉપર લાગુ થાય તો તેને ગોલ્ડન રેશિયો ઓફ બ્યુટી એટલે કે સુંદરતાનો ગુણોત્તર કહે છે.
કેમ બેલાને આ ગુણોત્તરના આધારે પ્રથમ સ્થાન મળ્યું?
23 વર્ષીય બેલાના ચહેરાનું માપ આ રેશિયો સાથે આશ્ચર્યજનક રીતે 94.35% જેટલું મળતું આવે છે. બેલાને તેના ચહેરાની ચીન એટલે કે દાઢીની બાજુના ભાગમાં આ માપ 99.7% મળતું આવે છે.
કોણ છે પછીના સ્થાને?
આ ગણતરીમાં બેલા પછીના સ્થાને અનુક્રમે ગાયિકા બિયોન્સે, અભિનેત્રી એમ્બર હર્ડ અને ગાયિકા એરિયાના ગ્રાન્ડેનો સમાવેશ થાય છે.