ખુલાસો / 'કોઇ જાગૃત નાગરિક અવાજ ઉઠાવે તો MLAનો પુત્ર અર્જુનસિંહ જાડેજા ધાક-ધમકીથી દબાવી દે છે', કચ્છના પાટીદાર અગ્રણી વસંત ખેતાણીનો ઘટસ્ફોટ

• પાટીદાર અગ્રણી વસંત ખેતાણી પર હુમલો
• ઓફિસમાં જઈ અજાણ્યા શખ્સોએ કર્યો હુમલો
• વસંત ખેતાણીએ અર્જુનસિંહ જાડેજા સામે લગાવ્યા આરોપ 

Attack On Vasant Khetani: કચ્છના પાટીદાર અગ્રણી વસંત ખેતાણી પર હુમલા અંગે મોટો ખુલાસો થયો છે. હુમલાને લઈને વસંત ખેતાણીએ અબડાસાના ભાજપના ધારાસભ્ય પ્રદ્યુમનસિંહ જાડેજાના પુત્ર અર્જુનસિંહ પર ગંભીર આક્ષેપો લગાવ્યા છે. તેઓએ જણાવ્યું છે કે, મેં અર્જુનસિંહ જાડેજા વિરુદ્ધ મુખ્યમંત્રી ભૂપેન્દ્ર પટેલને રજૂઆત કરી હતી, જેથી અર્જુનસિંહે માણસો મોકલીને મારા પર હુમલો કરાવ્યો છે. 

અર્જુનસિંહે કરાવ્યો મારા પર હુમલોઃ વસંત ખેતાણી
પાટીદાર અગ્રણી વસંત ખેતાણીએ જણાવ્યું કે, અબડાસાના ધારાસભ્ય પ્રદ્યુમનસિંહ જાડેજાના પુત્ર અર્જુનસિંહે માણસો મોકલી હુમલો કરાવ્યો છે. મેં અર્જુનસિંહ જાડેજા વિરુદ્ધ મુખ્યમંત્રીને રજૂઆત કરી હતી. મેં રજૂઆત કરતા મારા પર હુમલો કરાયો છે. આપને જણાવી દઈએ કે, વસંત વાલજીભાઈ ખેતાણીએ થોડા દિવસ અગાઉ MLA પ્રધુમનસિંહના અર્જુનસિંહ જાડેજા પર ખનીજ ચોરીનો આક્ષેપ લગાવી લેખિતમાં સીએમ ભૂપેન્દ્ર પટેલને રજૂઆત કરી હતી. અર્જુનસિંહ પર આક્ષેપ કરતો પત્ર સોશિયલ મીડિયામાં વાયરલ થયો હતો. 

અર્જુનસિંહ વિરુદ્ધ CMને કરી હતી રજૂઆત

શું છે સમગ્ર મામલો?
કચ્છમાં પાટીદાર અગ્રણી વસંત ખેતાણી પર નખત્રાણા પાસેના જડોદર ગામમાં આવેલ તેઓની ઓફિસ પર કેટલાક અજાણ્યા શખ્સોએ જીવલેણ હુમલો કર્યો હતો. વસંત ખેતાણી પર થયેલ હુમલાની ઘટના CCTV  કેમેરામાં કેદ થઈ હતી.

કચ્છમાં પાટીદાર અગ્રણી વસંતભાઈ ખેતાણી પર હુમલો, ખેતાણી પર હુમલાની ઘટના CCTV કેમેરામાં થઈ કેદ#kutch #vasantkhetani #patidar pic.twitter.com/C5PyHzS2Sg

— ~ अभिमन्यु ~ ( VTV NEWS ) (@soulofnovemberr) October 27, 2023

અજાણ્યા શખ્સોએ કર્યો હતો હુમલો 
બે અજાણ્યા શખ્સો ધોકા લઈને તેમની ઓફિસમાં ઘુસી આવ્યા હતા અને તેમને માર માર્યો હતો. પાટીદાર અગ્રણી વસંતભાઈ ખેતાણી પર થયેલ હુમલાને લઈ અનેક તર્ક વીતર્ક સર્જાયા હતા.