નિવેદન / શું હેક થયું હેગડેનું મંત્રી પદ? ગોડસે પર ટ્વિટ કરવું પડ્યું ભારે

સંવિધાન બદલવાની વાત હોય કે ટ્વિટપર નાથૂરામ ગોડસેનું સમર્થન કરનાર અનંત હેગડેને તેમના નિવેદનો ભારે પડ્યા છે. કર્ણાટકની ઉત્તર કન્નડથી ફરીવાર ચૂંટણી જીતનાર અનંત હેગડે મોદી સરકારના પહેલા કાર્યકાળમાં વિવાદીત નિવેદનો માટે જાણીતા છે. ગત સરકારમાં એમણે કૌશલ્ય વિકાસ મંત્રાલયમાં રાજ્ય મંત્રી રહ્યા છે. ગત સરકાર બન્યા બાદ તેમના સંવિધાન બદલવાના નિવેદને કારણે બીજેપી મુશ્કેલીમાં પડી ગઇ હતી. 

જો ચૂંટણી દરમિયાનનો જ મુદ્દો ઉઠાવીએ તો એમણે એક ટ્વિટ કર્યું હતું. પોતાના ટ્વિટમાં એમણે મહાત્મા ગાંધીના હત્યારા નાથૂરામ ગોડસે પર થતી ચર્ચાને સુખદ બતાવી હતી. પ્રજ્ઞા સિંહ ઠાકુરે નાથૂરામ ગોડસેને દેશભક્ત બતાવ્યા ત્ચારે પણ અનંત હેગડેએ તેમનું સમર્થન કર્યું હતું.

અનંત હેગડે નાથૂરામ ગોડસેને લઇને લખ્યું- 'હું ખુશ થું કે લગભગ 7 દાયકા બાદ આજની પેઢી નવા બદલાવ સાથે આ મુદ્દે ચર્ચા કરી રહી છે. આ ચર્ચાને સાંભળી નાથૂરામ ગોડસેને સારું લાગી રહ્યું હશે'. જોકે વિવાદ બાદ એમણે કહ્યું હતું કે એમનું એકાઉન્ટ હેક થઇ ગયું હતું. 

પરંતુ લાગે છે કે તેમના આ નિવેદન જ મુશ્કેલીનું કારણ બન્યા છે. વડાપ્રધાન નરેદ્ર મોદીએ જીત બાદ સંદેશ આપ્યો હતો કે આ વખતે જે પણ બેફામ નિવેદન કરનાર નેતા છે, એમણે ધ્યાન આપવું જોઇએ. પીએમ મોદીએ કહ્યું હતું કે, તેમની પાર્ટીમાં કેટલાક એવા નમૂના છે, જે સવારે-સવારે ઉઠી રાષ્ટ્રના નામે સંદેશ આપે છે.