- હરિયાણાના પલવલમાં સગા વેવાઈએ વેવાણનો રેપ કર્યો
- ઘેર, હોટલોમાં, જંગલમાં લઈ જઈને કર્યો રેપ
- પહેલી વાર ઘેર ચામાં નશીલો પદાર્થ ભેળવીને રેપ કર્યો
- અશ્લિલ ફોટા અને વીડિયો બનાવીને બ્લેકમેલ કરતો
હરિયાણાના પલવલમાં એક વેવાઈનો તેની સગી વેવાણ સાથે મોટો કાંડ સામે છે. વેવાઈએ પહેલા ઘેર અને ત્યાર બાદ હોટલોમાં એક વાર જંગલમાં લઈ જઈને વેવાણ પર રેપ કર્યો હતો. પલવેલમાં એક વ્યક્તિએ ચામાં ડ્રગ્સ ભેળવીને દીકરાની સાસુને ડ્રિંક આપ્યું અને પછી તેની સાથે રેપ કર્યો. એટલું જ નહીં આરોપીએ તેનો વીડિયો પણ બનાવી બ્લેકમેઇલ કરીને વેવાણ પર બળાત્કાર ગુજાર્યો હતો.
વેવાઈએ શું કર્યું
પીડિતાની ફરિયાદ પર પોલીસે આરોપી વિરુદ્ધ એફઆઇઆર નોંધી તપાસ શરૂ કરી દીધી છે. આ મામલે કેમ્પ પોલીસ સ્ટેશનના એસએચઓ સત્યનારાયણે જણાવ્યું કે એક કોલોનીની રહેવાસી મહિલાએ ફરિયાદમાં જણાવ્યું છે કે મે 2020માં તેણે પોતાની દીકરીના લગ્ન કરાવ્યાં હતા ત્યારથી દીકરીના સસરા તેમના ઘરે આવવા લાગ્યા. પીડિતાનો આરોપ છે કે 7 ડિસેમ્બર 2020ના રોજ તે ઘરે એકલી હતી. આ સમયે દીકરીના સસરા આવી પહોંચ્યા. તેણે ટેબલ પર ચા મૂકી અને કંઈક ખાવાનું લેવા રસોડામાં પાછી ગઈ. આ દરમિયાન વેવાઈએ પોતાની ચામાં કોઈ માદક પદાર્થ ભેળવી દીધો. એ પીધા પછી એ બેભાન થઈ ગઈ. ત્યારબાદ તેણે તેના પર બળાત્કાર ગુજાર્યો હતો. આ દરમિયાન તેણે પોતાની નગ્ન અવસ્થામાં ફોટા પાડીને વીડિયો બનાવ્યા હતા.
દારુ પીને અલગ અલગ હોટલમાં લઈ જઈને રેપ કર્યો
પીડિતાએ વિરોધ કર્યો તો તેણે ફોટા અને વીડિયો વાયરલ કરવાની ધમકી આપીને તેની સાથે ઘણી વખત બળાત્કાર ગુજાર્યો હતો. એટલું જ નહીં આરોપી તેને બ્લેકમેલ કરીને રાજસ્થાન, હિમાચલ, મહારાષ્ટ્ર અને ઉત્તરાખંડની અલગ અલગ હોટલમાં લઇ ગયો હતો. જ્યાં દારૂ પીને તેના પર બળાત્કાર ગુજાર્યો હતો.
પિસ્તોલ દેખાડીને કહ્યું પત્નીની હત્યા કરી, તારી પણ કરીશ
12 ડિસેમ્બર, 2023 ના રોજ, આરોપીએ તેને આગ્રા ચોક ખાતે મળવા બોલાવી હતી અને ત્યાંથી તે કારમાં બેસીને પોતાના ફોર્ચ્યુનરને ગામના જંગલોમાં લઇ ગયો હતો અને કારમાં ફરી બળાત્કાર ગુજાર્યો હતો. જ્યારે પીડિતાએ વિરોધ કર્યો તો આરોપીએ દેશી બનાવટનો કટ્ટા બતાવીને કહ્યું કે મેં મારી પત્નીની હત્યા કરી છે, જો તે અવાજ કર્યો કે પોલીસમાં ફરીયાદ કરી તો તારી પણ એવી જ હાલત થશે.
દીકરી અને જમાઈને કરી રેપની વાત
આરોપીની આવી હરકતઓથી મહિલા ખૂબ ડરી ગઈ અને તેણે પોતાના જમાઈ અને દીકરીને આખી વાત જણાવી. જે બાદ સ્થાનિક પોલીસ સ્ટેશનમાં એફઆઈઆર નોંધવામાં આવી હતી. ભોગ બનનારની ફરિયાદ પરથી પોલીસે આરોપી સામે વિવિધ કલમો હેઠળ ગુનો નોંધી તપાસ શરૂ કરી છે. પોલીસનું કહેવું છે કે આરોપીની પણ ટૂંક સમયમાં ધરપકડ કરવામાં આવશે.
