સ્પોર્ટ્સ / IPLમાં નવી ટીમ અમદાવાદનું નામ થઈ ગયું નક્કી, પહેલાં ગુજરાતનું આ શહેર રમી ચૂક્યું છે

• નવી ટીમ માટે અમદાવાદનું નામ ફાઈનલ 
• મોટેરા સ્ટેડીયમ બનશે IPLનું નવમું વેન્યુ 
• આ પહેલા ગુજરાત લાયન્સ નામક ટીમને મળી હતી તક 

વર્ષ 2021માં આઈપીએલમાં હવે આઠ નહીં દસ ટીમો રમતી દેખાશે.  ભારતીય ક્રિકેટ બોર્ડની બેઠકમાં બે નવી ટીમોને સામેલ કરવાનો નિર્ણય લેવામાં આવ્યો છે.  કોરોના વાયરસ મહામારી વચ્ચે આ વર્ષે ભારતની બહાર ટૂર્નામેન્ટનું આયોજન કરવામાં આવ્યું હતું.

આઈપીએલમાં નવી બે ટીમોને સામેલ કરવા માટે લીલી ઝંડી મળી ગઈ છે ત્યારે ઘણા બધા લોકો પોતાની ટીમ માટે આગળ દેખાઈ રહ્યા છે પરંતુ સૂત્રો અનુસાર અમદાવાદનું નામ નક્કી મનાઈ રહ્યું છે. અમદાવાદનું સરદાર વલ્લભ ભાઈ પટેલ સ્ટેડીયમ એટલે કે મોટેરા સ્ટેડીયમ હવે IPLનું નવમું વેન્યુ હશે. 

અમદાવાદ સિવાય બીજી કઈ ટીમને લેવી તેના પર હજુ વિચાર ચાલી રહ્યો છે જેમાં કાનપુર અને લખનૌનું નામ સૌથી વધારે ચર્ચામાં દેખાઈ રહ્યું છે. સૂત્રો અનુસાર અદાણીએ પોતાની ટીમ બનાવવા માટે રૂચી દર્શાવી છે આ સિવાય હિરો અને ગોયનકા પણ પોતાની એક ટીમ ખરીદવા માંગે છે. 

નોંધનીય છે કે આ પહેલા પણ ગુજરાતની એક ટીમ આઈપીએલમાં રમી ચુકી છે. વર્ષ 2016માં જ્યારે ચેન્નઈ સુપર કિંગ્સ અને રાજસ્થાન રોયલ્સને બેન કરી દેવામાં આવી હતી ત્યારે રાજકોટને પોતાની ટીમ બનાવવા માટે મોકો આપવામાં આવ્યો હતો જેમાં ગુજરાત લાયન્સ ટીમ બની હતી અને સુરેશ રૈના તેના કેપ્ટન હતા. 

નોંધનીય છે કે અમદાવાદમાં હાલમાં જ નવું મોટેરા સ્ટેડીયમ બનાવવામાં આવ્યું છે જેમાં એક લાખથી વધુ દર્શકો એક સાથે બેસી શકે છે. આ મેદાનમાં વરસાદની પણ વધારે સમસ્યા નથી કારણ કે આધુનિક ટેકનોલોજીનો ઉપયોગ કરવામાં આવે છે.