વાયરલ / VIDEO : સલમાનના ગીત પર ભુરીયાઓએ લગાવ્યા ઠુમકા, વીડિયો થયો વાયરલ

હિન્દી સિનેમા સોન્ગ્સનો ક્રેઝ ફક્ત ભારત પૂરતો મર્યાદિત નથી પણ વિદેશોમાં પણ છે. જેમ ભારતીયો બોલિવૂડ ગીતો પર નાચતા જોવા મળે છે, તેવી જ રીતે વિદેશીઓ પણ હિન્દી ગીતો પર કૂદીને નાચતા જોવા મળે છે. આવો જ એક વીડિયો આજકાલ વાયરલ થઈ રહ્યો છે જેમાં પેટ્રોલ પંપ પર પાર્ક કરેલા ટ્રેક્ટરમાં વાગતા ગીત પર વિદેશીઓનું એક ગ્રુપ મજા માણતું જોવા મળી રહ્યું છે. વીડિયોમાં, તમે વિદેશીઓને 'ચુનરી-ચુનરી' ગીત પર નાચતા જોઈ શકો છો. આ વીડિયોને અત્યાર સુધી ઘણા યુઝર્સે પસંદ કર્યો છે. યુઝર્સે વીડિયો પર ઘણી ફની કોમેન્ટ પણ કરી છે.

એક્સ પર વીડિયો વાયરલ

આ વીડિયો ઇન્સ્ટાગ્રામ પર શેર કરવામાં આવ્યો છે. વીડિયોના કેપ્શનમાં લખ્યું છે કે, 'ટ્રેક્ટર ડ્રાઇવરે બોલિવૂડ ગીત વગાડતાંની સાથે જ વિદેશીઓના એક આખા ગ્રુપે તરત જ ભારતમાં પેટ્રોલ પંપને ડાન્સ ફ્લોરમાં ફેરવી દીધો.' આ વીડિયો એક પેટ્રોલ પંપનો છે જ્યાં એક ટ્રેક્ટર ડ્રાઇવર સ્પીકર પર એક્ટર સલમાન ખાનની ફિલ્મનું 'ચુનરી' ગીત વગાડી રહ્યો હતો. ગીતની લોકપ્રિયતા એટલી જોરદાર હતી કે નજીકમાં ઉભેલા વિદેશીઓ પણ આ ગીતના સૂર પર નાચતા રોકી શક્યા નહીં. થોડી જ વારમાં પેટ્રોલ પંપ ડાન્સ ફ્લોરમાં ફેરવાઈ ગયો અને બધા નાચવા લાગ્યા.

View this post on Instagram

A post shared by Sakal News (@sakalmedia)

યુઝર્સોએ ફની કમેન્ટ કરી

આ વીડિયો જોયા પછી, ઘણા યુઝર્સો તેના પર કમેન્ટ કરી છે. એક યુઝર્સે લખ્યું, "તેઓ ઉત્સાહિત છે." બીજા યુઝર્સે લખ્યું, "ભારતીય સંગીતની ધૂન અભિવ્યક્તિથી ભરેલી છે. દરેકને નાચવાનું મન થાય તે સ્વાભાવિક છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ