NULL / Video: 2 મહિના પહેલા CM રૂપાણીએ લોકાર્પણ કરેલ શાસ્ત્રી બ્રીજ પર 7 ફૂટ ઉંડો ભુવો પડ્યો

વડોદરા: શાસ્ત્રી બ્રીજ પર ભુવો પડ્યો છે. શહેરના શાસ્ત્રી બ્રીજ પર 7 ફૂટ જેટલો ઉંડો ભુવો પડ્યો છે. બ્રીજની વચ્ચે ભુવો પડતા રસ્તા પર વાહનોની લાઈનો લાગી હતી. મહત્વનુ છે કે 26 મેના રોજ મુખ્યમંત્રી વિજય રૂપાણી દ્વારા બ્રીજનુ લોકાર્પણ કરવામાં આવ્યુ હતું. માત્ર 2 મહિનામાં બ્રીજમાં ભુવો પડ્યો છે. 



બ્રીજ પર ભુવો પડતા સ્થાનિકોને હાલાકીનો સામનો કરવાનો વારો આવ્યો છે. માત્ર 2 મહિનામાં ભુવો પડતા ભ્રષ્ટાચાર થયુ હોય તેવુ લાગી રહ્યુ છે. આ બ્રીજ બનાવવામાં હલ્કી કક્ષાના મટીરિયલનો ઉપયોગ કરવામાં આવ્યો હોય તેવા સ્થાનિકો દ્વારા આક્ષેપ કરવામાં આવ્યા છે.

આ બ્રીજનું લોકાર્પણ રાજ્યના મુખ્યમંત્રી વિજય રૂપાણી દ્વારા કરવામાં આવ્યું હતું. આ શાસ્ત્રી બ્રીજ પર 2 મહિનામાં ભુવો પડતા અનેક પ્રશ્નો ઉદભવી રહ્યા છે. શું આ બ્રીજમાં ભ્રષ્ટાચાર થયો છે? બ્રીજમાં હલ્કી કક્ષાનું મટીરિયલ વાપરવામાં આવ્યું છે? શું આ બ્રીજ મોટી દુર્ઘટના સર્જી શકે છે? સરકાર અને તંત્ર આ કરોડોના નિર્માણની દેખરેખ કે તપાસણી નથી કરતું?