IPLIN
 

મીડિયા / 'ફિગર જોઈને છોકરીઓને નોકરી', પત્રકારના અજિત અંજુમ પર ગંભીર આરોપ, મીડિયામાં ચકચાર

Team VTV 10:49 PM, 18 Apr 24 | Updated: 10:52 PM, 18 Apr 24
Follow us
ajit anjum criminal defamation alternate media sexually harassment female anchors

યૂટ્યુબ ચેનલ 'ઓલ્ટરનેટ મીડિયા'ના અજિત અંજુમ પર યૌન શૌષણના ગંભીર આરોપ થતાં મીડિયા જગતમાં ચકચાર મચી છે.

કુમાર શ્રીકાંત નામના એક પત્રકારે યૂટ્યુબ ચેનલ 'ઓલ્ટરનેટ મીડિયા'ના  અજિત અંજુમ પર યૌન શૌષણના ગંભીર આરોપ કર્યાં છે. કુમાર શ્રીકાંતે એક ખાસ ઈન્ટરવ્યુમાં એવું જણાવ્યું હતું કે  અજિત અંજુમ મહિલા એન્કરોનું જાતીય શોષણ કરતો હતો. અજિત અંજુમે પત્રકારના આ આરોપોને સંપૂર્ણપણે નકારી કાઢ્યા છે, સાથે જ ઇન્ટરવ્યૂ લેનાર ગાયત્રી સામે માનહાનિનો કેસ કરવાની ધમકી આપી છે.

પત્રકાર કુમાર શ્રીકાંતે શું દાવા કર્યાં 
યુટ્યુબર અજિત અંજુમે તાજેતરમાં જ એક ઇન્ટરવ્યૂમાં એક પત્રકાર પર ગંભીર આરોપ લગાવ્યા હતા. પત્રકારનું નામ કુમાર શ્રીકાંત છે. 12 એપ્રિલ, 2024 ના રોજ, તેણે 'વૈકલ્પિક મીડિયા' નામની યુટ્યુબ ચેનલની હોસ્ટ ગાયત્રીને એક ઇન્ટરવ્યુ આપ્યો હતો, જેમાં દાવો કરવામાં આવ્યો હતો કે અજિત અંજુમ મહિલા એન્કરોનું જાતીય શોષણ કરતો હતો. 
ગાયત્રીને આપેલા ઈન્ટરવ્યૂમાં પત્રકાર શ્રીકાંત અજીત અંજુમના નામથી લઈને તેની જાતિ, કરિયર અને પોતાની સંપત્તિ વિશે વાત કરતો જોવા મળ્યો હતો. આ ઇન્ટરવ્યૂની વચ્ચે શ્રીકાંતે અજિત અંજુમ વિશે દાવો કર્યો હતો કે અજિત અંજુમે જ્યારે આજ તક, ટીવી9 અને ન્યૂઝ 24 જેવી મીડિયા સંસ્થાઓમાં કામ કર્યું ત્યારે તેણે મહિલા એન્કરોની જાતીય સતામણી કરી હતી. વીડિયોમાં શ્રીકાંત એવો દાવો કરતો પણ જોવા મળ્યો હતો કે, જ્યારે અજિત અંજુમ ન્યૂઝ 24માં હતો, ત્યારે તે મહિલાઓને કામ કરવા પર નહીં પણ તેમના ફિગર અને લૂક પર નોકરી આપતો હતો.

અજિત અંજુમે સ્ટ્રિંગર્સ પાસેથી 20 થી 40 હજાર રૂપિયા પણ લીધા-આરોપ 
અજિત અંજુમે સ્ટ્રિંગર્સ પાસેથી 20 થી 40 હજાર રૂપિયા પણ લીધા હતા. એટલું જ નહીં શ્રીકાંતનું કહેવું છે કે રાજીવ શુક્લાએ અજિત અંજુમને લાંચ લેવાની આદતના કારણે નોકરીમાંથી કાઢી મૂક્યો હતો. શ્રીકાંતે એવો દાવો કર્યો હતો કે ઇન્ડિયા ટીવી પર દેખાયા બાદ પણ અજિતે તેની જાતીય સતામણી કરી હતી. તે મહિલા એન્કરો સાથે દુર્વ્યવહાર કરતો હતો અને કેટલાકને ચુસ્ત કપડાં પહેરવાનું કહેતો હતો. શ્રીકાંતના કહેવા પ્રમાણે આવી વાતો એક મોટી ઉંમરની મહિલા એન્કરને કહેવામાં આવી હતી, જે પરિણીત હતી અને તેને બાળકો પણ હતા. બાદમાં અંજુમે એન્કરને કાઢી મૂકવાની ધમકી આપી હતી.

'ઓફિસમાં બેસીને દારુ પીતો, નવી છોકરીઓ પાસે સોડા મંગાવતો' 
કુમાર શ્રીકાંતે એવો પણ આરોપ લગાવ્યો છે કે અજિત કેબિનમાં બેસીને દારૂ પીતો હતો અને મહિલા ઇન્ટર્નને ઓફિસની પેન્ટ્રીમાંથી સોડા લાવવાનું કહ્યું હતું. દારૂ પીધા બાદ તે લોકોને કહેતો હતો કે તે કેવી રીતે સ્ટાર બની ગયો. શ્રીકાંતના જણાવ્યા અનુસાર, અજિત અંજુમ ટીવી 9 ભારતવર્ષમાં જોડાયા બાદ પણ ભ્રષ્ટાચારમાં સામેલ હતો.

અંજિત અંજુમ આરોપ નકારી કાઢ્યાં 
વીડિયો સામે આવ્યા બાદ અજીત અંજીમે દરેક આરોપને સખત શબ્દોમાં નકારી કાઢ્યો છે અને શ્રીકાંત અને તેની યૂટ્યૂબ ચેનલનો ઇન્ટરવ્યૂ લેનાર પત્રકાર સામે કાર્યવાહી કરવાની વાત કહી છે.  ઉલ્લેખનીય છે કે ઈન્ટરવ્યુ વખતે ગાયત્રીએ અજીત અંજુમ પર કોઇ આરોપ નથી લગાવ્યા. તમામ આરોપો કુમાર શ્રીકાંતે લગાવ્યા છે. આમ છતાં અજિત અંજુમે ગાયત્રીને બદનક્ષીનો કેસ કરવાની ધમકી આપી છે. તેમનું કહેવું છે કે તે કાનૂની નોટિસ મોકલી રહ્યો છે અને વધુ માનહાનિના કેસ માટે કોર્ટમાં પણ જઈ શકે છે. 

IPLIN

ટૉપ સ્ટોરીઝ

સૌથી વધુ વંચાયેલું

હિમાચલ પ્રદેશ / 15 હજાર ફૂટની ઉંચાઇ, ગામમાં પહેલી વખત આવ્યો મોબાઈલ નેટવર્ક, PM મોદીએ ઘુમાવ્યો ફોન

Team VTV 10:44 PM, 18 Apr 24 | Updated: 12:23 AM, 19 Apr 24
Follow us
Mobile network reaches 15000 feet height in Himachal for the first time, PM Modi calls villagers

મોબાઈલ નેટવર્ક પ્રથમ વખત હિમાચલ પ્રદેશના સ્પીતિ ક્ષેત્રમાં જીયુ સુધી પહોંચ્યું છે. નેટવર્ક સુધી પહોંચતા પહેલા ગ્રામજનોએ લગભગ આઠ કિલોમીટરની મુસાફરી કરવી પડી હતી. નેટવર્ક મળ્યા બાદ પીએમ મોદીએ જીયુના રહેવાસીઓને અભિનંદન પાઠવ્યા હતા.

મોબાઈલ નેટવર્ક આજે પ્રથમ વખત હિમાચલ પ્રદેશના સ્પીતિ ક્ષેત્રમાં સમુદ્ર સપાટીથી 14,931 ફૂટની ઉંચાઈએ પહોંચ્યું હતું. નેટવર્ક સુલભ બન્યા પછી, વડાપ્રધાન નરેન્દ્ર મોદીએ જીયુના ગ્રામજનો સાથે વાત કરી. PMની વાતચીતનો વીડિયો સામે આવ્યો છે. વીડિયોમાં વડાપ્રધાન જીયુમાં મોબાઈલ નેટવર્કના આગમન પહેલા ગ્રામજનોને પડતી મુશ્કેલીઓ વિશે પૂછી રહ્યા છે. જવાબમાં એક વ્યક્તિએ કહ્યું કે ફોન પર નેટવર્ક આવે તે પહેલા ગામલોકોએ આઠ કિલોમીટર દૂર જવું પડતું હતું. નેટવર્ક મળ્યા બાદ પીએમ મોદીએ જીયુના રહેવાસીઓને અભિનંદન પાઠવ્યા હતા.


ગ્રામજનો સાથેની વાતચીત દરમિયાન પીએમે પૂછ્યું કે જો તમારે લોકોએ વાત કરવી હતી તો તમે કેવી રીતે કરી? જવાબમાં એક વ્યક્તિએ કહ્યું કે અમને ઘણી સમસ્યાઓનો સામનો કરવો પડ્યો હતો. પીએમ મોદીએ આના પર આશ્ચર્ય વ્યક્ત કર્યું અને પૂછ્યું કે ત્યાં તાપમાન શું છે? વ્યક્તિએ કહ્યું કે તે રાત્રે માઈનસ 5 થી 6 ડિગ્રી સેલ્સિયસ વચ્ચે રહે છે. તે દિવસ દરમિયાન વધુ બને છે. પીએમ મોદીએ પૂછ્યું કે હવે મોબાઈલ ફોન આવી ગયા છે, પરંતુ પહેલા તમે લોકો કનેક્ટિવિટી વિના કેવી રીતે મેનેજ કરતા હતા? તેના પર ગ્રામજનોએ કહ્યું કે, અહીં ખૂબ વરસાદ પડે છે. પૂરની સમસ્યા પણ છે. જેના કારણે મોટી માત્રામાં માટી અને પથ્થરો અંદર આવે છે.

 

ટેલિકોમ કનેક્ટિવિટી હિમાચલ પ્રદેશના લાહૌલ અને સ્પીતિ જિલ્લામાં ભારતના પ્રથમ ગામો કૌરિક અને ગિઉમાં દરિયાઈ સપાટીથી 14,931 ફૂટની ઊંચાઈએ પહોંચી ગઈ છે, ટેલિકોમ્યુનિકેશન વિભાગે ટ્વિટર પર એક પોસ્ટમાં જણાવ્યું હતું. ગિઉ એ હિમાચલ પ્રદેશમાં સ્પીતિ ખીણના તાબો ગામની અંદર આવેલું એક ગામ છે, જે તાબો મઠથી લગભગ 40 કિમી દૂર છે. આ ગામ ભારત-ચીન બોર્ડરથી થોડે દૂર છે.

વધુ વાંચો : આવતીકાલથી લોકસભા ચૂંટણી શરુ, પ્રથમ તબક્કામાં 102 બેઠકો પર વોટિંગ, આ દિગ્ગજોના ભાવીનો ફેંસલો

કંગના રનૌતે પોસ્ટ કરી

ગુજરાતમાં નેટવર્ક પર પહોંચ્યા પછી, ભાજપની ટિકિટ પર મંડીથી ચૂંટણી લડી રહેલી કંગના રનૌતે X પર એક વીડિયો પોસ્ટ કર્યો છે. કંગનાએ તેની પોસ્ટમાં લખ્યું, હિમાચલના મારા પ્રિય પરિવારના સભ્યો. અગાઉ મોબાઈલ નેટવર્ક ન હતું, 8 કિ.મી. દૂર જવું પડતું હતું, પરંતુ હવે નેટવર્ક ટાવર પણ લગાવવામાં આવ્યા છે અને પીએમ પણ સીધી વાત કરી રહ્યા છે. કંગનાએ લખ્યું, મોદીજી સ્પીતિના ગીઉ ગામના લોકો સાથે જોડાયેલા છે. ઈતિહાસમાં પ્રથમ વખત મોબાઈલ નેટવર્ક કનેક્ટિવિટી મળવાની ગ્રામજનોએ ઉજવણી કરી હતી. હિમાચલ પ્રદેશની મંડી સંસદીય સીટ પર કોંગ્રેસના વિક્રમાદિત્ય સિંહ અને ભાજપની કંગના રનૌત આમને-સામને છે.
 

IPLIN

ટૉપ સ્ટોરીઝ

સૌથી વધુ વંચાયેલું

ઉપાય / ગરમીમાં દૂઘ ફાટી ન જાય તે માટે શું કરવું? આ ટ્રિક છે સમસ્યાનું સમાધાન

Team VTV 10:36 PM, 18 Apr 24
Follow us
What to prevent milk from cracking in heat This is trick solving problem

ઉનાળામાં દૂધ ફાટી જવું સામાન્ય સમસ્યા છે. કેટલીક સરળ ટ્રિક અપનાવી તમે દૂધને બચાવી શકો છો

ઉનાળામાં કાળઝાળ ગરમી પડી રહી છે જેને કારણે લોકો ત્રાહીમામ છે. પરંતુ સૌથી  વધુ ગરમીથી પરેશાન ગૃહીણીઓ હોય  છે કેમ કે રસોઇ ઘર તે સંભાળે છે. ગરમીમાં ઘરે કોઇ મહેમાન આવ્યા હોય અને દૂધ ફાટી ગયુ હોય તો ચાય પણ બનાવી શકાતી નથી. ઉનાળામાં ઘણા ઘરોમાં દૂધ સારુ ન રહેવું એક સામાન્ય સમસ્યા છે પરંતુ દૂધ બગડી જાય છે ત્યારે રસોઇની કે ખાણીપીણીની અન્ય તૈયારીઓ કરતા હોઇએ તેમાં પણ મુશ્કેલી ઉભી થાય છે. પરંતુ, તમે કેટલાક સરળ ઉપાયો અપનાવીને આ સમસ્યાને દૂર કરી શકો છો.

ઠંડુ કરવાની રીત:

દૂધ ઉકાળ્યા પછી તરત જ તેને ઠંડી જગ્યાએ રાખો. તમે દૂધના વાસણને પાણીથી ભરેલા મોટા વાસણમાં રાખી શકો છો જેથી દૂધ ઝડપથી ઠંડુ થઈ જાય.

ખાવાના સોડાઃ દૂધમાં થોડો ખાવાના સોડા ઉમેરવાથી પણ દૂધને ખાટુ થવાથી બચાવી  શકાય છે. પરંતુ ખૂબ ઓછી માત્રામાં તેનો ઉપયોગ કરો.

ફ્રીજમાં દૂધને  રાખો :

ઉનાળા દરમિયાન ગરમી વધુ હોય છે ત્યારે  તમે બજારમાંથી દૂધ લાવો ત્યારે  તેને ઝડપથી ફ્રીજમાં  રાખી દેવું જોઇએ. અને બહાર ત્યારે જ કાઢો જ્યારે તેનો ઉપયોગ કરવાનો હોય. તેનાથી દૂધ લાંબા સમય સુધી તાજું રહેશે.

આ પણ વાંચોઃ હળદરની ચા કે દૂધ પીતા હોય તો ઉલમાંથી ચૂલમાં પડશો, આ લોકો પર ઝેરની જેમ કરે છે અસર

વારંવાર ઉકાળવું:

તમે દૂધને દિવસમાં લાંબા સમય સુધી તાજુ રાખવા  માગો છો અને ખાટુ ન થાય તેમ ઇચ્છતા હોય તો દિવસમાં 3 થી 4 વખત ધીમી આંચ પર ગરમ કરવું જોઇએ. દર વખતે બે-ત્રણ વાર ઉકળે પછી જ ગેસ બંધ કરો. જ્યારે દૂધ ગરમ હોય ત્યારે તેને થોડું ઢાંકી દો, તેને સંપૂર્ણપણે ઢાંકવાથી તે ફાટી થઈ શકે છે.

વાસણો સાફ રાખવાઃ દૂધ ફાટી જવાનું એક કારણ હોય તો તે ગંદુ વાસણ છે. તેથી દૂધ ઉકાળતા પહેલા વાસણને સારી રીતે સાફ કરો. વાસણમાં  દૂધ રાખતા પહેલા થોડું પાણી ઉમેરો આ દૂધને તળિયે ચોંટતું અટકાવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

IPLIN

ટૉપ સ્ટોરીઝ

સૌથી વધુ વંચાયેલું

દિલ્હી / હવે AAP ધારાસભ્ય અમાનતુલ્લાહ ખાનની ધરપકડ, દારુ કૌભાંડથી અલગ છે કેસ

Team VTV 10:22 PM, 18 Apr 24 | Updated: 11:53 PM, 18 Apr 24
Follow us
AAP MLA Amanatullah Khan arrested by ED after questioning in money laundering case

ઈડીએ હવે આમ આદમી પાર્ટીના ધારાસભ્ય અમાનતુલ્લાહ ખાનની ધરપકડ કરી છે.

દિલ્હી અને પંજાબની શાસક આમ આદમી પાર્ટીની માઠી દશા બેઠી છે. તેના એક પછી એક નેતા અને ધારાસભ્ય ઈડી અને સીબીઆઈની અડફેટે ચઢી રહ્યાં છે. ઈડીએ હવે આમ આદમી પાર્ટીના ધારાસભ્ય અમાનતુલ્લાહ ખાનની ધરપકડ કરી છે. ઈડીએ વકફ બોર્ડના કૌભાંડ કેસમાં અમાનતુલ્લા ખાનની ધરપકડ કરી છે.  અમાનતુલ્લા ખાન પર વકફ બોર્ડમાં નિયુક્તીમાં ગોટાળા કરવાનો આરોપ છે. સુપ્રીમ કોર્ટના આદેશ બાદ  અમાનતુલ્લા ખાન ઈડી સમક્ષ હાજર થયા હતા. ઈડીએ તેમની લગભગ 9 કલાક સુધી પૂછપરછ કરી હતી ત્યાર બાદ તેમની ધરપકડ કરી હતી. પૂછપરછ બાદ ઈડીએ ગુરૂવારે તેની ધરપકડ કરી હતી.

અમાનતુલ્લાહ પર શું આરોપ 
આરોપ છે કે અમાનતુલ્લાહ જ્યારે દિલ્હી વકફ બોર્ડના અધ્યક્ષ હતા ત્યારે તેમણે 32 લોકોની ગેરકાયદેસર નિમણૂક કરી હતી. ખાન પર વકફ બોર્ડની સંપત્તિ ગેરકાયદેસર ભાડે આપવાનો પણ આરોપ છે. આ સાથે અમાનતુલ્લાહ ખાનના ઘણા નજીકના મિત્રો પણ આમાં સામેલ હોવાનો આરોપ છે. આ દરમિયાન તેના કેટલાક નજીકના મિત્રોના ઠેકાણા પર દરોડા પાડવામાં આવ્યા હતા જ્યાંથી મોટી માત્રામાં રોકડ મળી આવી હતી.

AAPના કેટલા નેતાઓ જેલમાં 
આમ આદમી પાર્ટીના ઘણા મોટા નેતાઓ પહેલાથી જ જેલમાં છે. દારૂ કૌભાંડ કેસમાં આમ આદમી પાર્ટીના સંયોજક અરવિંદ કેજરીવાલ, પૂર્વ ડેપ્યુટી સીએમ મનીષ સિસોદિયા અને સત્યેન્દ્ર પહેલાથી જ જેલમાં છે. સંજય સિંહ પણ જેલમાં હતા પરંતુ તાજેતરમાં સુપ્રીમ કોર્ટે તેમને જામીન પર છોડી દીધાં હતા. 

સંજયસિંહે મોદી સરકાર પર નિશાન સાધ્યું 
દારુ કૌભાંડમાં તાજેતરમાં જેલમાંથી છૂટેલા AAPના રાજ્યસભા સાંસદ સંજય સિંહે સોશિયલ મીડિયા પર પોસ્ટ કરીને મોદી સરકાર પર નિશાન સાધ્યું છે. સંજય સિંહે 'એક્સ' પોસ્ટ કરીને લખ્યું, "મોદી સરકારે ઓપરેશન લોટસને સંપૂર્ણપણે સક્રિય કરી દીધું છે, મંત્રીઓ અને ધારાસભ્યોની નકલી કેસ કરીને ધરપકડ કરવામાં આવી રહી છે. અમાનતુલ્લાહ ખાન સામે પાયાવિહોણો કેસ કરીને ઈડી તેની ધરપકડ કરવાની તૈયારી કરી રહી છે. સરમુખત્યારશાહી ટૂંક સમયમાં સમાપ્ત થઈ જશે.

IPLIN

ટૉપ સ્ટોરીઝ

સૌથી વધુ વંચાયેલું

Ek Vaat Kau / શું માણસ ઈચ્છાથી વરસાદ પાડી શકે? | What is Cloud Seeding? | Ek Vaat Kau

Team VTV 09:22 PM, 18 Apr 24
Follow us
Can man make it rain at will? | What is Cloud Seeding? | Ek Vaat Kau

શું માણસ ઈચ્છાથી વરસાદ પાડી શકે? | What is Cloud Seeding? | Ek Vaat Kau

IPLIN

ટૉપ સ્ટોરીઝ

સૌથી વધુ વંચાયેલું

આસાન ઉપાય / બાથરૂમ કે વોશિંગ એરિયાની ટાઈલ્સ થઈ જશે ચકાચક, ગંદકી દૂર કરવા આટલું અજમાવો

Team VTV 09:22 PM, 18 Apr 24
Follow us
Bathroom or washing area tiles will become shiny, try this to remove dirt

બાથરૂમની ટાઇલ્સને કલાકો સુધી ઘસવાની જરૂર નહીં પડે, આ પદ્ધતિઓથી જમા થયેલી ગંદકી સરળતાથી સાફ થઈ જશે

બાથરૂમ દરરોજ સાફ કરવામાં આવે તો પણ કોઈને કોઈ ખૂણામાં કે ટાઈલ્સ વચ્ચે ગંદકી જામે છે. તે સમય સાથે વધુ મુશ્કેલ બને છે. ટાઇલ્સની ગંદકીને દૂર કરવા માટે કેમિકલ ઉપયોગ કરવો પડે છે. આ વસ્તુઓ ચમકવાની સાથે સાથે ફ્લોરના રંગને પણ ઘણું નુકસાન પહોંચાડે છે. સાથે સાથે બાથરૂમ કદરૂપુ લાગવા માડે છે.

બાથરૂમને યોગ્ય રીતે અને યોગ્ય પધ્ધતિથી સફાઇ કરવામાં આવે તો સ્વચ્છ પણ થઇ શકે છે. અને કલાકોનો સમય પણ બચાવી શકાય છે. કેટલીક પદ્ધતિઓ આ કામને સરળ બનાવવા અને કલાકો સુધી સફાઇ કરવાની મહેનતને બચાવવા માટે ખૂબ જ ઉપયોગી સાબિત થઈ શકે છે. આ માટે તમારે વધારે પૈસા ખર્ચવા પડશે નહીં.  તમારું બાથરૂમ સાફ કરવાનું કામ સરળતાથી, ઝડપથી અને સસ્તામાં પૂર્ણ થશે.

સફાઇમાં ગરમ પાણી બનશે ઉપયોગી

ગરમ પાણીનો ઉપયોગ આપણે શિયાળામાં ઠંડીમાં નહાવા  માટે કરતા હોઇએ છીએ પરંતુ ગરમ પાણી તમને સફાઇમાં પણ ઉપયોગી બની શકે છે. એક વાસણમાં ખૂબ જ ગરમ પાણી લો અને તેમાં ચાર ચમચી વાસણ ધોવાનું લિક્વિડ સાબુ ઉમેરો. આ મિશ્રણને તે જગ્યા પર રેડો જ્યાં ગંદકી એકઠી થઈ ગઈ હોય અને ડાઘ પડ્યા હોય છે.લગભગ અડધો કલાક રહેવા દો. આ પછી તેને બ્રશ વડે એકવાર રગડીને સફાઇ કરો. તમામ ગંદકી તાત્કાલિક સાફ થઇ જશે અને બાથરૂમ સુંદર દેખાવા લાગશે..બાથરૂમ મોટુ હોય તો તેને બે તબક્કામાં સાફ કરી શકાય છે. કાપડને લ્યો અને તેને આ પાણીના મિશ્રણમાં ડુબાડો અને અડધા કલાક સુધી બાથરૂમમાં ગંદકી થઇ છે ત્યા રહેવા દો પણ તેને સાફ કરી દો.

એન્ટાસિડ પાવડર

લગભગ દરેક વ્યક્તિના ઘરમાં એન્ટાસિડ પાવડર હોય છે. આ એક પાવડર છે જેને એસિડિટીની સ્થિતિમાં પાણીમાં ભેળવીને લેવામાં આવે છે. એક કટોરામાં પૂરતી માત્રામાં પાણી અને એન્ટાસિડ મિક્સ કરો. અને આ પાણી જ્યા ગંદકી થઇ છે ત્યા છાંટો. તમે પાવડરને સીધા જ ફ્લોર પર રેડી શકો છો અને તેના પર ગરમ પાણીનો છંટકાવ કરી શકો છો. 15-20 મિનિટ પછી મિશ્રણને ઘસીને સાફ કરો.

કોલડ્રિક્સ બનશે મદદરૂપ

જો તમે મોંઘા કેમિકલ આધારિત ફ્લોર ક્લીનર ખરીદવા માંગતા નથી, તો ઠંડા પીણા પણ ઉપયોગી થઈ શકે છે. તમારે ફક્ત તેને ફ્લોર પર રેડવું પડશે અને 15 મિનિટ પછી તેને બ્રશથી થોડું ઘસવું પડશે. આ પછી પાણી ઉમેરીને ફ્લોર સાફ કરો. ગંદકી સાફ થઇ જશે.

સોડા પાવડર અને લીંબુ

એક વાસણ લો અને તેમાં સોડા પાવડર, એક લીંબુનો રસ અને વિનેગર સારી માત્રામાં મિક્સ કરો. તેને ફ્લોર પર મૂકો. લગભગ એક કલાક પછી તેના પર પાણી છાંટવું. ઘસીને સાફ કરો અને પાણીથી ફ્લોર ધોઈ લો. આ મિશ્રણ ટાઇલ્સ વચ્ચે ફસાયેલી ગંદકીને ઉખેડી અને સાફ કરશે.

IPLIN

ટૉપ સ્ટોરીઝ

સૌથી વધુ વંચાયેલું

અંગ પ્રદર્શન / VIDEO : છે શરમનો છાંટો ! છોકરી બ્રા અને નિકર્સ પહેરીને બસમાં ચઢી ગઈ, કરવા લાગી ઈશારા

Team VTV 09:22 PM, 18 Apr 24 | Updated: 09:26 PM, 18 Apr 24
Follow us
Bikini clad woman rides crowded Delhi bus

દિલ્હીની DTC બસમાં એક છોકરી બિકિની અને નિકર્સ પહેરીને ચઢી જતાં પ્રવાસીઓમાં હાહાકાર મચ્યો હતો.

દિલ્હી મેટ્રો તો આમેય બદનામ થઈ ચૂકી છે પરંતુ હવે દિલ્હીની બસો પણ અશ્લિલ હરકતો થવા લાગી છે. ગુરુવારે આ વાતનું એક ઉદાહરણ પણ મળ્યું હતું. દિલ્હીની  DTC બસમાં એક છોકરી બ્રા અને નિકર્સ પહેરીને ચઢી ગઈ હતી અને પછી તેણે ગંદા ગંદા ઈશારા શરુ કર્યા હતાં એવું પણ નથી કે છોકરી માનસિક રીતે અસ્થિર છે તેની સ્થિતિ એકદમ સારી છે તેમ છતાં પણ તેણે જાહેરમાં શરીર પ્રદર્શન શું કામ કર્યું? તે પણ એક સવાલ છે. વીડિયો વાયરલ થતાં લોકો મફતની સલાહ આપવા લાગ્યાં હતા. 

કેટલાક મુસાફરો પણ કરવા લાગ્યાં અશ્લિલ હરકતો 
જોકે કેટલાક આ પ્રસંગનો આનંદ પણ ઉઠાવ્યો હતો અને તેની સામે તાકતાં રહ્યાં હતા. ડ્રાઈવર-કંડક્ટર તેને જોઈને હસવા લાગ્યા. મહિલાએ કેટલાક મુસાફરોને અશ્લીલ હરકતો પણ કરી હતી. જોકે બસમાં બેઠેલા લોકોએ મહિલાની અવગણના કરી હતી અને તેની સામે ફરિયાદ પણ કરી ન હતી. મહિલાઓએ મહિલાને બસમાંથી નીચે ઉતરીને કપડાં પહેરવાનું કહ્યું હતું, પરંતુ એક શખ્સે પોતાના મોબાઇલમાં મહિલાનો વીડિયો બનાવીને સોશિયલ મીડિયા પર પોસ્ટ કર્યો હતો. એક્સ યુઝર્સે પણ આ વીડિયો જોવાની મજા માણી હતી. વીડિયોની વાત કરીએ તો જોવા મળી રહ્યું છે કે બસની સીડી પર એક મહિલા ઉભી છે. તેણે માત્ર બિકિની અને અંડરગાર્મેન્ટ્સ પહેર્યા છે. તે લોકોને જોઈને હસી રહી છે. તેણી તેના શરીરને ઘસતી વખતે તેમની તરફ ઇશારો કરી રહી છે. સીડી પાસેની સીટ પર બેઠેલો માણસ અસહજતા અનુભવે છે અને ઊભી થઈને બીજી સીટ પર બેસી જાય છે.

વધુ વાંચો : VIDEO : સ્ટેડિયમમાં રુપાળી છોકરી જોતા હોશ ખોઈ બેઠો શુભમન ગીલ ! વાયરલ થયું રિએક્શન

લોકોએ કેન્દ્ર સુધી પહોંચાડ્યો મામલો 
એક યુઝરે મંત્રી અમિત શાહ, દિલ્હી પોલીસ, દિલ્હી ગવર્નરને ટેગ કરીને લખ્યું કે તમે બધા દિલ્હીમાં કાયદો અને વ્યવસ્થાના જવાબદાર લોકો છો, તમે બધા તમારી જવાબદારીથી ભાગી ન શકો. દેશની રાજધાની દિલ્હીની આ સ્થિતિ છે અને તમે તેને રોકવામાં નિષ્ફળ જઈ રહ્યા છો. એક યુઝરે દિલ્હી પોલીસને ટેગ કરીને લખ્યું કે તેની ધરપકડ કરો. એફઆઈઆર કરીને તેમને જેલમાં ધકેલી દો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

IPLIN

ટૉપ સ્ટોરીઝ

સૌથી વધુ વંચાયેલું

Daily Dose / જાણો, કયા પોલીસ અધિકારી તમારા વાહન અને ડ્રાઈવિંગ લાઈસન્સ જેવા દસ્તાવેજ? | VTV Daily Dose

Team VTV 09:19 PM, 18 Apr 24
Follow us
Know, which police officer your vehicle and documents like driving license? | VTV Daily Dose

જાણો, કયા પોલીસ અધિકારી તમારા વાહન અને ડ્રાઈવિંગ લાઈસન્સ જેવા દસ્તાવેજ? | VTV Daily Dose

IPLIN

ટૉપ સ્ટોરીઝ

સૌથી વધુ વંચાયેલું

મહામંથન / ચૂંટણી પછી ગાયબ થનારા નેતાઓનો હિસાબ કરશે જનતા!, મતદારો કોને જોઇને આપે છે મત?

Team VTV 09:11 PM, 18 Apr 24 | Updated: 09:13 PM, 18 Apr 24
Follow us
The public will take account of the leaders who disappear after the elections! Whom do the voters vote for?

ભાજપના ચૂંટણી પ્રચારમાં કહેવામાં આવી રહ્યું છે કે તમે ઉમેદવાર સામે ન જુઓ, વડાપ્રધાન મોદી સામે જુઓ, ત્યારે કોંગ્રેસવાળા કહી રહ્યા છે કે શું નાનામાં નાના કામ માટે દરેક વ્યક્તિ વડાપ્રધાનનો સંપર્ક કરી શકશે.

લોકસભાની ચૂંટણી નજીક આવી રહી છે..મતદારોએ પક્ષને જોવાનો કે પક્ષના પ્રતિનિધિને? તે સવાલ ચર્ચાનો વિષય બન્યો છે.. મોટેભાગે પક્ષના મુખ્ય ચહેરાના નામે જ મત માગવાનો ટ્રેન્ડ છે..અત્યારે પક્ષના નામે કે વ્યક્તિ વિશેષના નામે મત માગવાનું ચલણ વધુ છે. ભાજપના નેતાઓ નરેન્દ્ર મોદીના નામે મત માગે છે. સ્થાનિક ઉમેદવાર કરતા પણ પક્ષ અને નરેન્દ્ર મોદીનું મહત્વ વધારે છે. સાંસદના કામને બદલે નરેન્દ્ર મોદીને જોઈને મત આપવા નેતાઓ અપીલ કરે છે. સવાલ એ છે કે મતદાર કોને જોઈને મત આપે?
 

ભગવાન બારડે શું કહ્યું?
તેમણે કહ્યું કે તમારે ભાજપ અને નરેન્દ્ર મોદીને જોઈને મત આપવાનો છે. તમારા મનમાં કોણ છે એ તમને પણ ખબર છે? રાજેશ ચુડાસમા તો નિમિત માત્ર છે. રાજેશ ચુડાસમાએ ફોર્મ ભર્યું એ નરેન્દ્ર મોદીએ ફોર્મ ભર્યું એમ સમજવાનું. અમે દરેક ગામમાં જતા હોઈએ છીએ. ગામમાં એવી ફરિયાદ મળે છે કે રાજેશભાઈ દેખાતા નથી. રાજેશભાઈ ફોન નથી ઉપાડતા એવી વાત સાંભળવા મળે છે. તમારે રાજેશભાઈ સામે નહીં મોદી સાહેબ સામે જોવાનું
 

કોંગ્રેસે શું જવાબ આપ્યો?
કોંગ્રેસ કહે છે કે જૂનાગઢમાં જનપ્રતિનિધિત્વ જેવું કશું નથી. પૂર આવ્યું ત્યારે મુખ્યમંત્રીએ ટકોર કરવી પડી હતી. જૂનાગઢના સાંસદ ન તો પ્રશ્નો ઉકેલે છે, ન તો ફોન ઉપાડે છે
શું દરેક સામાન્ય વ્યક્તિ પ્રધાનમંત્રીનો સંપર્ક કરી શકશે? નાનામાં નાના પ્રશ્ન પ્રધાનમંત્રી ઉકેલવાના છે? જૂનાગઢના સાંસદે મહત્વના મુદ્દે કોઈ સ્ટેન્ડ લીધું નથી. જૂનાગઢના સાંસદને લોકોના પ્રશ્નો સાથે કોઈ લેવા-દેવા નથી. સાંસદે કામ નથી કર્યા એટલે પ્રધાનમંત્રીના નામે મત માગવા પડે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

 

 

IPLIN

ટૉપ સ્ટોરીઝ

સૌથી વધુ વંચાયેલું

VIDEO / ન કોઈ ક્લાસીસ, ઘરે બેઠા તૈયારી, ગરીબ ગુજરાતી યુવકે UPSCમાં આવી રીતે માર્યું મેદાન

Team VTV 09:06 PM, 18 Apr 24
Follow us
A youth who grew up in poverty and lost his parents at a young age passed UPSC without tuition

ગરીબીમાં ઉછરેલા અને નાની ઉંમરે મા-બાપ ગુમાવી ચૂકેલા યુવકે વગર ટ્યુશને UPSC પાસ કરી દાખલો બેસાડ્યો, જામનગરના આ યુવાને 1007મોં રેન્ક હાંસલ કર્યો છે.

દેશમાં સૌથી અઘરી અને સર્વોચ્ચ ગણાતી UPSC ફાઇનલ પરીક્ષાનું તાજેતરમાં પરિણામ જાહેર થયું છે.જેમાં ગુજરાતના 25 સહિત 1016 ઉમેદવારોએ મેદાન માર્યું છે. આ પરિણામ જાહેર થતાની સાથે જ મૂળ ગીર સોમનાથ પંથકના અને હાલ જામનગરમાં રહેતા પરિવારના આંગણે હરખની હેલી વર્ષી છે. ભયંકર ગરીબી અને બાળપણથી જ માતા પિતાની લાંબી ગેરહાજરી વચ્ચે જામનગરના યુવાને તનતોડ  મહેનત કરી અને UPSC ની પાસ કરી છે. તેણે સાર્થક કરી બતાવ્યું કે પરિશ્રમ એજ પારસમણી છે..  ખાસ વાત તો એ છે કે ટ્યુશન કે એક પણ પ્રકારની ભૌતિક સુવિધા વગર આ યુવાને કઠિન ગણાતી પરીક્ષા પાસ કરી દેશભરમાં ડંકો વગાડી દીધો છે.

 

યુપીએસસીની પરીક્ષામાં 1,007મો રેન્ક હાંસલ કર્યો

જામનગરમાં જીએસટીના આસિસ્ટન્ટ કમિશનર તરીકે ફરજ બજાવતા આકાશ ચાવડા નામના યુવાને યુપીએસસીની પરીક્ષામાં 1,007મો રેન્ક હાંસલ કર્યો છે. તેમની અત્યાર સુધીની સફળતાની કહાની અવિસ્મરણીય છે. આકાશભાઈની 3 વર્ષની ઉંમરમાં તેમની વ્હાલસોઈ માતાનું નિધન થયું હતું. જેનો વસવસો હજુ ભુલાય ત્યાં તેમની 13 વર્ષની ઉંમરમાં પિતાનું પણ નિધન થયું હતું. 

મોટાભાઇએ  તેમને પીઠબળ પુરુ પાડ્યું 

આમ બાળપણથી જ માતા-પિતાની ગેરહાજરીને લઈ આકાશભાઈ  કપરી આર્થિક પરિસ્થિતિમાં હતા. ત્યારબાદ આકાશભાઈ તેમના મોટાભાઈ જેને તેઓ માતા-પિતા જ ગણે છે તેમની સાથે રહેવા લાગ્યા હતા. તેમના પાલક પિતા (મોટાભાઈ) જે કોડિયાકામ કરી અને પોતાના પરિવારનું ગુજરાન ચલાવતા હતા. તેઓએ શિક્ષાનું મહત્વ સમજી આકાશભાઈને સરકારી પરીક્ષા માટે ખૂબ પીઠબળ આપ્યું હતું અને તેમના પરીણામ સ્વરૂપે આજે આકાશભાઈએ સિદ્ધી હાંસલ કરી છે. હાલ તેમના પરિવારમાં માતા-પિતા અને બે પુત્ર સહી તેમનો પાંચ લોકોનો પરિવાર છે.

એક પણ ટ્યુશન રાખ્યું ન હતું

નબળી આર્થિક પરિસ્થિતિને લઈ આકાશભાઈએ એક પણ ટ્યુશન રાખ્યું ન હતું એટલું જ નહીં કોઈ અલગ રૂમ વગર તેમણે પરિવારની સાથે રહી અને જાતૈ તૈયારી કરી આ સફળતા મેળવી છે. ત્રણ પ્રયાસે તેઓએ આ ઝળહળતી સિદ્ધિ મેળવી છે. તેમની આ સિદ્ધિ બદલ તેઓએ પોતાના પરિવારજનોને શ્રેય આપ્યો છે.. 

 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

 

 

IPLIN

ટૉપ સ્ટોરીઝ

સૌથી વધુ વંચાયેલું

Pages

બ્રેકિંગ ન્યૂઝ