સ્પોર્ટસ / 'હું ડેરેલા હતો, મુંઝવણમાં હતો કે..' IPL Auctionની ઘટનાને ચહલે વાગોળી, પછી આવ્યો જીવમાં જીવ

IPL હરાજી 2025માં, પંજાબ કિંગ્સ ટીમે 18 કરોડ રૂપિયા આપીને સ્પિનર ​​યુઝવેન્દ્ર ચહલને પોતાના કેમ્પમાં સામેલ કર્યો હતો. હરાજીના બીજા સેટમાં ચહલનું નામ આવ્યું. ચહલ 2 કરોડ રૂપિયાની બેઝ પ્રાઈઝ સાથે હરાજીમાં ઉતર્યો હતો અને કોઈને અપેક્ષા નહોતી કે પંજાબ કિંગ્સ તેને આટલી મોટી બોલી લગાવીને ખરીદશે.

ચહલ પાછલી સીઝન સુધી રાજસ્થાન રોયલ્સનો ભાગ હતો, પરંતુ IPL 2025 પહેલા, તેને ફ્રેન્ચાઇઝી દ્વારા રિલીઝ કરવામાં આવ્યો હતો. ચહલે એક મીડિયામાં હરાજી અંગે મોટો ખુલાસો કર્યો છે.

IPL હરાજી 2025 દરમિયાન યુઝવેન્દ્ર ચહલ કેમ ડરી ગયો હતો?

"ચહલે કહ્યું કે હું આઈપીએલ હરાજીની શરૂઆતની થોડી મિનિટો ચૂકી ગયો કારણ કે હું નર્વસ હતો. હરાજી એવી જ હોય ​​છે. તમને ખબર નથી કે તમને કેટલી કિંમત મળશે અને કઈ ટીમ તમને ખરીદશે. મારા મનમાં ઘણી બધી વાતો ચાલી રહી હતી. મને ખુશી છે કે હું ઘરની નજીક આવી રહ્યો છું. જ્યારે મેં મારી જાતને પૂછ્યું, ત્યારે મારી અંદરથી જવાબ આવ્યો કે હું આ કિંમતને લાયક છું"

વધુ વાંચો: VIDEO : સાથી મિત્રોને જોઈને જ ખુશીથી ઝૂમી ઉઠી સુનિતા વિલિયમ્સ, સ્પેસમાંથી આવ્યો ઉજવણીનો વીડિયો

પોતાની રમત વિશે વાત કરતા ચહલે કહ્યું, "મારી પાસે ચાર વેરિયન્ટ્સ છે (લેગ સ્પિનર, ગુગલીનાં બે પ્રકારના છે, ફ્લિપર) અને હું તેના પર આધાર રાખું છું." સૌથી મહત્વની બાબત એ છે કે મેદાન પર આત્મવિશ્વાસ, મેચની પરિસ્થિતિઓમાં તમે કેવી પ્રતિક્રિયા આપો છો તે મહત્વનું છે. અહીં તમે નક્કી કરો છો કે ક્યારે વિકેટ માટે જવું અને ક્યારે રન માટે રોકાઈ જવું.

તમને જણાવી દઈએ કે યુઝવેન્દ્ર ચહલ IPL હરાજીના ઇતિહાસમાં સૌથી મોંઘો ભારતીય સ્પિનર ​​બન્યો. તેણે 2013 માં મુંબઈ ઇન્ડિયન્સ તરફથી KKR સામે IPL માં ડેબ્યૂ કર્યું હતું.

ચહલને IPL 2013 માં ફક્ત એક જ મેચ રમવાની તક મળી, જેમાં તેણે 4 ઓવર ફેંકી, 34 રન આપ્યા અને કોઈ વિકેટ લીધી નહીં. આ પછી, તેણે બોલ સાથે જે રીતે તબાહી મચાવી અને જે રીતે તેણે સમગ્ર લીગમાં પોતાનો ચાર્મ ફેલાવ્યો તે ખરેખર પ્રશંસનીય છે. ચહલ માટે IPL 2017 શ્રેષ્ઠ વર્ષ હતું, જ્યારે તેણે 17 મેચમાં 27 વિકેટ લીધી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ