દુઃખદ / લિંબાયત પોલીસ સ્ટેશનમાં ચોથા માળેથી યુવકે પડતું મૂક્યું, કમ્પાઉન્ડમાં જ પ્રાણ પંખેરું ઉડી ગયું

સુરતના લિંબાયત પોલીસે સ્ટેશનમાં એક ચોંકાવનારી ઘટના બની છે. મળતી માહિતી મુજબ એક અજાણ્યા યુવકે પોલીસ સ્ટેશનના ચોથા માળેથી નીચે કૂદી આપઘાત કરી લીધો. આ ઘટના પોલીસે કર્મચારીઓની હાજરીમાં જ બન્યું હતું, જેને કારણે સમગ્ર પોલીસ મથકમાં ચકચાર મચી ગઈ છે.

પોલીસકર્મચારીઓ ઘટના સ્થળે પહોંચ્યા

ઘટનાની જાણ થતાં જ પોલીસકર્મીઓ તાત્કાલિક દોડી આવ્યા હતા. પરંતુ યુવકને ગંભીર ઈજાઓ થતા તેને બચાવી શકાયો નહોતો. પોલીસ પરિસરમાં જ તેનું મોત નિપજ્યું હોવાની માહિતી સામે આવી છે.

પોલીસે ઘટનાની પ્રાથમિક તપાસ શરૂ કરી

લિંબાયત પોલીસે ઘટનાની પ્રાથમિક તપાસ શરૂ કરી દીધી છે. યુવક કોણ હતો. તે પોલીસ સ્ટેશનમાં કેમ આવ્યો હતો અને આપઘાત પાછળનું કારણ શું હોય શકે. તે અંગે પોલીસ વિગતવાર તપાસ કરી રહી છે. આ મામલે સીસીટીવી ફૂટેજ તથા સાક્ષીઓના નિવેદનોના આધારે આગળની કાર્યવાહી હાથ ધરવામાં આવી રહી છે.

આ પણ વાંચોઃ ભાજપ સંગઠનને લઇ સૌરાષ્ટ્રથી મોટા સમાચાર, આ જાણીતા ચહેરાને અપાઇ શકે છે મોટો હોદ્દો

તપાસ પૂર્ણ થયા બાદ વધુ વિગત બહાર આવશે

યુવકના આપઘાત મામલે તપાસ અધિકારી દ્વારા જણાવ્યું હતું કે, પોલીસ કર્મચારી દ્વારા ક્યાં કારણોસર આવું પગલું ભર્યું. તે બાબતે અકસ્માતે મોતનો ગુનો નોંધી હાલ તપાસ ચાલુ છે. તપાસ પૂર્ણ થયા બાદ વધુ વિગત બહાર આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ