સ્પોર્ટ્સ / 'ભૂલ એની જ ગણાય...', યશસ્વી જયસ્વાલના રન આઉટ પર મચી બબાલ, આવ્યા ચોંકાવનારા નિવેદન

દિલ્હી ખાતે રમાઈ રહેલી વેસ્ટ ઇન્ડીઝ સામેની ટેસ્ટમાં બીજા દિવસે ભારતનો ઓપનર યશસ્વી જયસ્વાલ બેવડી સદીથી ચુકી ગયો હતો. શુભમન ગિલ અને તેની વચ્ચે ખરાબ કોમ્યુનિકેશનના કારણે જયસ્વાલે 175 રન પર આઉટ થવું પડ્યું હતું. યશસ્વીના આ રીતે આઉટ થવાથી ફેન્સ પણ નારાજ થઇ ગયા હતા. સોશિયલ મીડિયા પર ચર્ચા પણ શરૂ થઈ ગઈ કે આ રન આઉટમાં કોની ભૂલ છે? આ અંગે પૂર્વ ભારતીય કોચ અનિલ કુંબલે સહિતના અનુભવી પ્લેયર્સે આ મુદ્દે પોતાનું એનાલિસિસ રજુ કર્યું હતું.

• યશસ્વીના રન આઉટ પર વિવાદ
  યશસ્વી જયસ્વાલના ક્રિઝ પર શુભમન ગિલ સાથે ખરાબ તાલમેલના કારણે તેને 175 રને રન આઉટ થવું પડ્યું હતું. આ અંગે પૂર્વ ભારતીય વિકેટકીપર પાર્થિવ પટેલે કહ્યું કે, " શોટ મારીને યશસ્વી જયસ્વાલ દોડી ગયો હતો પણ શું આ રનની જરૂર હતી ?  બીજી ઓવર જ હતી, અને ભલે તે કોલ બેટ્સમેનનો હતો પરંતુ મેચની પરિસ્થિતિને ધ્યાનમાં રાખીને જોઈએ તો બીજી ઓવરમાં આવું કરવાની જરૂર નહોતી."
  

• અનિલ કુંબલેનું એનાલિસિસ

આ અંગે પૂર્વ ભારતીય કોચ અનિલ કુંબલેએ કહ્યું હતું કે, "અહીંયા રન નહતો લઇ શકાય તેવો.  શોટ સારો માર્યો અને તે દોડ્યો, એમ સમજીને કે બોલ કદાચ ફિલ્ડરની પાર થઇ જશે. બોલ સીધો ફિલ્ડરના હાથમાં ગયો. જો શુભમન ગિલ પણ દોડ્યો હોત તો તે પણ રન આઉટ થઇ જાત."

• શું કહ્યું આકાશ ચોપરાએ?

જયસ્વાલના રન આઉટ થવા પર કોમેન્ટેટર આકાશ ચોપરાએ કહ્યું કે, "આ બોલ પર રન લલેવું ખોટું હતું કેમ કે,  કોઈ એક બેટ્સમેન તો આઉટ થવાનો જ હતો. બે જણ દોડે છે ત્યારે એક રન પૂરો થાય છે. મારા કોચે મને શીખવ્યું હતું કે જે પણ રન આઉટ થાય છે તેને જ હંમેશા દોષિત મનાય છે. ટેસ્ટ ક્રિકેટમાં તમે એક રન બનાવવા માટે વિકેટ ગુમાવી દો તે સારી બાબત નથી."

વધુ વાંચો : VIDEO : યશસ્વીએ બોલ ફટકાર્યો, રન લેવા દોડ્યો પણ ગિલ બાઘાની જેમ ઊભો રહ્યો, રનઆઉટ થતાં કર્યું ચોંકાવનારુ

ઉલ્લેખનીય છે કે, વેસ્ટ ઇન્ડીઝ સામેની ટેસ્ટમાં આજે ભારતીય ટીમે 5 વિકેટે 518 રન પર દાવ ડિક્લેર કર્યો હતો. જેમાં યશસ્વી જયસ્વાલે શાનદાર 175 રન બનાવ્યા તો  કેપ્ટન શુભમન ગિલે 129 રન બનાવીને નોટ આઉટ રહ્યો હતો. સાઈ સુદર્શને 87 રન કર્યા હતા. જ્યારે ધ્રુવ જુરેલ 44 રન બનાવીને આઉટ થયો. આ સાથે નીતિશ કુમાર રેડ્ડીએ પણ 43 રન બનાવ્યા હતા. જવાબમાં વેસ્ટ ઇન્ડીઝનો સ્કોર અત્યારે 87 રને એક વિકેટે પહોંચ્યો છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ