દિલ્હી ટેસ્ટ / VIDEO : યશસ્વીએ બોલ ફટકાર્યો, રન લેવા દોડ્યો પણ ગિલ બાઘાની જેમ ઊભો રહ્યો, રનઆઉટ થતાં કર્યું ચોંકાવનારુ

દિલ્હીમાં વેસ્ટ ઈન્ડિઝ સામેની 2જી ટેસ્ટમાં કેપ્ટન શુભમન ગિલ અને સ્ટાર ખેલાડી યશસ્વી જયસ્વાલ વચ્ચે ચકમક ઝરી હતી કારણ એક બોલ રમતી વખતે રનઆઉટ થતાં યશસ્વીને એવું લાગ્યું કે તે શુભમનને કારણે જ આઉટ થયો પછી બન્ને વચ્ચે બોલાચાલી થઈ હતી.

શું બન્યું મેદાનમાં

યશસ્વીએ મિડ-ઓફ તરફ જેડન સીલ્સનો ફુલ લેન્થ બોલ રમ્યો. યશસ્વીને લાગ્યું કે ત્યાં એક રન બનશે, પરંતુ રન ન બન્યો. યશસ્વી રન માટે દોડ્યો, પરંતુ ગિલ બાઘાની જેમ ઊભો રહ્યો. ત્યારબાદ યશસ્વીએ ક્રીઝ પર પાછા ફરવાનો પ્રયાસ કર્યો. આ દરમિયાન, તેજનારાયણ ચંદ્રપોલે ઝડપથી બોલ પકડ્યો અને તેને વિકેટકીપર ટેવિન ઈમલચને પહોંચાડ્યો અને તેણે રનઆઉટ કરાવી દીધો.

વધુ વાંચો : 2,000થી નીચે ઉતરીને સીધું 77,700 રુપિયા સુધી સસ્તું થશે સોનું! એક્સપર્ટે આપ્યાં રાહતના સમાચાર

અમ્પાયરે ઉતાવળમાં આઉટ આપી દીધો

અમ્પાયરે પણ ઉતાવળમાં આંગળી ઉંચી કરી નાખી એટલે યશસ્વીને પેવેલિયન ભેગા થઈ જવા સિવાય બીજો રસ્તો નહોતો પરંતુ જતાં પહેલાં યશસ્વીનું માથું ગુસ્સાથી તમતમી ગયું અને તે ગિલ સાથે દલીલો કરતો જોવા મળ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ