Wrestlers Protest / અયોધ્યાથી લઈને બસ્તી સુધી... 100 કિમી સુધી બાહુબલીની પકડ, ભારે ઉહાપોહ છતાં એક્શન લેતા કેમ ખચકાઈ રહી છે BJP

• બૃજભૂષણ શરણસિંહની સામે પહેલવાનો
• વિરોધ પ્રદર્શન છતાં ભાજપ છે મૌન
• બૃજભૂષણ શરણસિંહનો રાજનૈતિક ઈતિહાસ રસપ્રદ

UPની કેસરંગજ લોકસભા સીટનાં સાંસદ બૃજભૂષણ શરણસિંહ ભલે દિલ્હીની રાજનીતિમાં ચર્ચાનો વિષય ન હોય પરંતુ ઉત્તરપ્રદેશમાં તેમની બોલબાલા જોવા મળે છે. અયોધ્યાથી બસ્તી સુધીમાં તેમનું મોટું નામ છે. તેઓ સપાથી લઈ ભાજપ સુધીનાં સાંસદ રહી ચૂક્યાં છે. હાલમાં તેઓ ભાજપમાં છે અને કુશ્તી મહાસંઘનાં અધ્યક્ષ પણ છે.

રાજનૈતિક કારણોને લીધે ભાજપ મૌન
યૌન શોષણનાં મામલામાં હાલ બૃજભૂષણ શરણસિંહ આરોપોની વચ્ચે ઘેરાયેલા છે એટલું જ નહીં આ મામલો હવે સુપ્રીમ કોર્ટ સુધી પહોંચી ગયો છે ત્યારે સવાલ એ છે કે ભાજપ શા માટે હજુ સુધી ચુપ્પી ધારણ કરીને બેઠી છે? ભાજપ અને સરકાર આ મુદાને લઈને કોઈ ઊતાવળ નથી કરી રહી જેનાં કેટલાક રાજનૈતિક કારણો હોઈ શકે છે.

100 કિલોમીટરનાં વિસ્તારમાં ઘણું પ્રભુત્વ
બૃજભૂષણ શરણસિંહનું કેટલીક લોકસભા સીટો પર રાજનૈતિક પ્રભુત્વ છે. તે કુશ્તીનાં પણ મોટા ખેલાડી રહી ચૂક્યાં છે. 1991માં પહેલીવાર લોકસભાની ચૂંટણી જીતનારા બૃજભૂષણ ત્યારથી સાંસદ રહેતાં આવ્યાં છે. રાજપૂત ખાનદાનમાંથી આવનારાં બૃજભૂષણ શરણસિંહ સામાન્ય પરિવારથી આવીને પોતાનું વર્ચસ્વ અનેક જિલ્લાઓમાં સ્થાપિત કર્યું છે. ગોંડા, બલરામપુર, બસ્તી, શ્રાવસ્તી, અયોધ્યા સુધઈ આશરે 100 કિલોમીટરનાં વિસ્તારમાં તેમનો પ્રભાવ છે. એટલું જ નહીં રાજનીતિમાં આગળ વધ્યાં બાદ બૃજભૂષણે આશરે 50 જેટલા શિક્ષણ સંસ્થાનો પણ શરૂ કર્યાં છે. તેમનું એક ઘણું મોટું નેટવર્ક છે. નેતાજીનાં નામથી ઓળખાતા બૃજભૂષણની ઈમેજ આ સમગ્ર વિસ્તારોમાં ઘણી સારી અને ગૌરવવંતી છે.

સંઘથી પણ સારા સંબંધો
2009માં સપાથી જીત મેળવનારા બૃજભૂષણે ભાજપનાં જ ઉમેદવારને માત આપી હતી. જો કે તેમની ઈમેજ હિંદુત્વવાળી છે તેના કારણે ભાજપમાં આવ્યાં પહેલાં તેઓ RSS સાથે જોડાયેલા હતાં. VHPનાં અધ્યક્ષ અશોક સિંઘલનાં તેઓ નજીકી માનવામાં આવતાં હતાં. રામ મંદિર આંદોલન દરમિયાન તેઓ અયોધ્યામાં જ ભણી રહ્યાં હતાં અને બાબરી મસ્જિદ મામલા દરમિયાન પણ તેઓ ત્યાં હતાં. પાછળથી તેઓ વાજપેયીનાં સંપર્કમાં આવ્યાં જેનો ફાયદો ટીકિટનાં રૂપે તેમને મળ્યો.