OMG / વિશ્વનું સૌથી મોંઘુ 100 રૂમવાળું ઘર વેચાશે, ભાવ એટલા વધારે કે અંદાજો પણ ન લગાવી શકાય

દરેક વ્યક્તિનું સપનું હોય છે કે તે પોતાનું એક ઘર ખરીદે. આ ઘર તે તેની આર્થિક શક્તિ મુજબ ખરીદતો હોય છે. ઘરમાં કેટલીક બેઝિક સુવિધા ઉપલબ્ધ હોય એટલામાં લોકો સંતોષ માની લેતા હોય છે. પરંતુ અમીર લોકોના ઘર ખૂબ જ આલીશાન અને મોંઘા હોય છે. અત્યારે આવા જ એક મોંઘા ઘરની ચર્ચા આખા વિશ્વમાં થઈ રહી છે. આ ઘર એટલુ મોંઘુ છે કે તેને સૌથી ધનિક વ્યક્તિ પણ ખરીદતા પહેલા દસ વાર વિચાર કરે. આ દિવસોમાં પ્રોપર્ટીની કિંમતો કેવી રીતે આસમાને છે તે તો સૌને ખબર જ હશે. કોઈપણ મોટા શહેરમાં માત્ર થોડાક યાર્ડનો પ્લોટ કરોડોમાં વેચાઈ રહ્યો છે. આવી સ્થિતિમાં તમે જ વિચારો કે જો ત્યાં વધુ જમીન છે અને ત્યાં બનેલા મકાનમાં ઘણા રૂમ્સ છે તો તેની કિંમત કેટલી વધારે હશે. ફ્રાન્સમાં આવેલુ આ ઘર વેચાવા માટે તૈયાર છે પરંતુ તેને ખરીદનાર નથી મળી રહ્યો.

100 રૂમ વાળી આ હવેલીની કિંમત હજારો કરોડમાં

આ ઘર પેરિસની નજીક આવેલું છે. તમને જાણીને નવાઈ લાગશે કે એક હજાર હેક્ટરથી વધુ જમીન પર બનેલા આ ઘરમાં 100 રૂમ છે. આ ઘર એક સમયે શાહી પરિવારની સંપત્તિ હતી, પરંતુ હવે તે વેચાવા માટે તૈયાર છે. બજારમાં તેની કિંમત 363 મિલિયન પાઉન્ડ એટલે કે 3743 કરોડ રૂપિયાથી વધુ અંદાજવામાં આવી છે. તેને દુનિયાનું સૌથી મોંઘુ ઘર માનવામાં આવે છે. આ ઘરનું નામ "શૈટો ડી આર્મેનવિલિયર્સ" છે જે પેરિસની પાસે સીન-એટ-માર્ન નામની જગ્યા પર આવેલું છે.

 

 

 

 

View this post on Instagram

 

 

 

 

 

 

 

 

 

 

 

A post shared by Devonshire (@devonshireofpalmbeach)

ખૂબ જ વિશાળ છે આ હવેલી 

જાણકારી અનુસાર, આ વિશાળ હવેલી 12મી સદીમાં બનાવવામાં આવી હતી. તેને 19મી સદીના અંતમાં રોથ્સચાઈલ્ડ બેંકિંગ સામ્રાજ્ય દ્વારા ખરીદવામાં આવી હતી. જે પછી 1980ના દાયકામાં આ હવેલીને મોરક્કોના રાજા હસન દ્વિતિયએ ખરીદી હતી. તેમને હવેલીમાં અનેક ફેરફાર કરાવ્યા હતા, જેમાં હમામ સ્પા, હેર ડ્રેસિંગ સલૂન અને ડેન્ટલ ક્લિનિક સહિત ઘણી વસ્તુઓ સામેલ હતી. તેણે ઘરની અંદર સુરંગ પણ બનાવી હતી. આ સિવાય કોલ્ડ સ્ટોરેજ, સ્ટાફ માટે ઘણા ક્વાર્ટર્સ પણ બનાવવામાં આવ્યા હતા. એટલું જ નહીં, આ હવેલીમાં એક મોટો ઘોડાઓનો તબેલો પણ છે જેમાં 50 ઘોડા રહી શકે છે.

વધુ વાંચો: 1.2 કરોડનું મોબાઈલ બીલ આવતાં ધબકારા ચૂક્યું કપલ, આટલું કરજો નહીંતર તમારે પણ

આ હવેલીને વર્ષ 2008માં એક અજ્ઞાત ખરીદદારને વેચી દેવામાં આવી હતી. ત્યારે આ પ્રોપર્ટીની કિંમત 170 મિલિયન પાઉન્ડ હતી. પરંતુ હવે કેટલાક જાણકારોનું કહેવું છે કે, આ હવેલીની કિંમત 425 મિલિયન પાઉન્ડ એટલે કે 4300 કરોડની આસપાસ પણ હોઈ શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો