વિશ્વ / લો બોલો! આ દેશના લોકો નહીં આખેઆખો દેશ જ બીજે શિફ્ટ થઈ રહ્યો છે, જાણો કેમ

આપણે ત્યાં કહેવત છે કે કુદરત કરે તે ઠીક. આવી જ એક ઘટના વિદેશમાં બની છે. તમે સાંભળ્યું હસે કે એક વ્યક્તિ બીજી જગ્યા એ સ્થળાંતર કરે છે અથવા તો બીજા દેશમાં સ્થળાંતર કરે છે. પણ શું તમે ક્યારેય સાંભળ્યું છે કે એક આખો દેશ જ બીજા દેશમાં સ્થળાંતર કરી રહ્યી હોય?

તુવાલુમાં આવું થઈ રહ્યું છે. તુવાલુ પેસિફિક મહાસાગરમાં એક નાનો દેશ છે જે એક ટાપુ પર સ્થિત છે. અહીં કુદરતનો કહેર સમાન સમુદ્રનું સ્તર સતત વધી રહ્યું છે. આને કારણે, આખો દેશ ઓસ્ટ્રેલિયામાં સ્થળાંતરિત થઈ રહ્યો છે.

આ સમગ્ર વિશ્વમાં આ પ્રકારનો પહેલો કિસ્સો છે. તુવાલુ પર ઘણા અભ્યાસ કરવામાં આવ્યા છે. આમાંથી જાણવા મળ્યું છે કે આગામી 25 વર્ષોમાં, તુવાલુ સંપૂર્ણપણે પાણીમાં ડૂબી શકે છે. જો કે, નવા દેશમાં તુવાલુના વડા પ્રધાન શું ભૂમિકા ભજવશે તે હજુ સ્પષ્ટ નથી.

આ દેશની વસ્તી કેટલી છે.તુવાલુ દેશ કુલ નવ દરિયાઈ ટાપુઓનો બનેલો છે. તેની વસ્તી લગભગ 11 હજાર છે. હવે તેની દરિયાઈ સપાટીથી ઊંચાઈ ફક્ત બે મીટર છે. એટલે કે જો દરિયાઈ સપાટી બે મીટર વધુ વધે તો તે પાણીમાં ડૂબવા લાગશે. પૂર અને તોફાનનો ભય હંમેશા અહીં રહે છે.

અહેવાલોમાં એવો પણ દાવો કરવામાં આવ્યો છે કે તુવાલુના નવ ટાપુઓમાંથી બે લગભગ પાણીમાં ડૂબી ગયા છે. નાસાના જણાવ્યા અનુસાર, છેલ્લા 30 વર્ષોમાં અહીં દરિયાઈ પાણી સતત વધી રહ્યું છે. જો પાણી આ રીતે વધતું રહ્યું તો 2050 સુધીમાં આ ટાપુ દેશ સંપૂર્ણપણે ડૂબી જશે.

નાગરિકોને બધા અધિકારો મળશે

વર્ષ 2023 માં તુવાલુ અને ઓસ્ટ્રેલિયા વચ્ચે એક કરાર પર હસ્તાક્ષર થયા હતા. આ કરાર હેઠળ, દર વર્ષે 280 તુવાલુ નાગરિકોને ઓસ્ટ્રેલિયામાં સ્થાયી થવાની મંજૂરી આપવામાં આવી હતી. આ નાગરિકોને આરોગ્ય, શિક્ષણ, ઘર અને નોકરીના તમામ અધિકારો મળશે.

વધુમાં વાંચો: ઈન્સ્ટાગ્રામનું નવું લૂક, Repost, Maps અને Friends ફિચર્સથી યુઝર્સને મોજેમોજ

નાગરિકોની પહેલી ટુકડી 16 થી 18 જુલાઈ દરમિયાન ઓસ્ટ્રેલિયા લઈ જવામાં આવી હતી. ઓસ્ટ્રેલિયાના વિદેશ પ્રધાન પેની વાંગે કહ્યું કે આ નાગરિકોને સંપૂર્ણ સન્માન સાથે જીવન જીવવાનો અધિકાર મળશે. તે જ સમયે, તુવાલુના વડા પ્રધાન ફેલેટી ટિઓએ આ બાબતે વિશ્વભરના લોકો પાસેથી ધ્યાન આપવાની માંગ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ