Bangladesh / VIDEO : બાંગ્લાદેશમાં આવતાં જ મોટું એલાન કર્યું ખાલિદા જિયાના પુત્રે, લાખો લોકો ઓળઘોળ

Bangladesh Protest Live Updates: 17 વર્ષ પછી બીએનપીના કાર્યકારી અધ્યક્ષ તારિક રહેમાન બાંગ્લાદેશ પહોંચ્યો છે. તેનું વિમાન ઢાકા એરપોર્ટ પર ઉતર્યું, જ્યાં સમર્થકોએ તેમનું સ્વાગત કર્યું હતું.

બાંગ્લાદેશમાં બગડતી પરિસ્થિતિ વચ્ચે બાંગ્લાદેશ નેશનાલિસ્ટ પાર્ટી (BNP) ના કાર્યકારી પ્રમુખ તારિક રહેમાન 17 વર્ષ પછી લંડનથી ઢાકા પહોંચ્યા, જ્યાં પાર્ટીના કાર્યકરો અને સમર્થકો દ્વારા તેનું ઉષ્માભર્યું સ્વાગત કરવામાં આવ્યું. દરમિયાન એવા અહેવાલો સામે આવી રહ્યા છે કે તેઓ રેલી સ્થળ તરફ જઈ રહ્યા છે. ફેબ્રુઆરી 2026 ની ચૂંટણી પહેલા પક્ષ તારિક રહેમાનના પાછા ફરવાને એક મોટો રાજકીય બદલાવ માની રહ્યા છે.

"આપણે સાથે મળીને એક નવું બાંગ્લાદેશ બનાવવું પડશે..." તારિક રહેમાન

પોતાના સંબોધનની શરૂઆત કરતા તારિક રહેમાને અલ્લાહનો આભાર માન્યો કે તેણે તેમને તેમના વતન પાછા ફરવાની મંજૂરી આપી. તેમણે કહ્યું કે આ એ જ ભૂમિ છે જેને 1971 માં અપાર બલિદાન પછી આઝાદી મળી હતી. તારિક રહેમાને કહ્યું કે 2024 માં પણ આવું આંદોલન જોવા મળ્યુ, જ્યારે લોકો 5 ઓગસ્ટે દેશની સાર્વભૌમત્વની રક્ષા માટે ઉભા થયા હતા.

તેમણે કહ્યું, "આજે આપણા બધા માટે એક થવાનો સમય છે. મુસ્લિમો, ખ્રિસ્તીઓ, બૌદ્ધો અને હિન્દુઓ બધા અહીં સાથે રહે છે. આપણે એક નવા બાંગ્લાદેશનું નિર્માણ કરવા માટે સાથે આવવું જોઈએ."

પોતાના સમર્થકોને સંબોધતા તારિક રહેમાને શેખ હસીના સરકારની ટીકા કરી હતી અને ઉસ્માન હાદીનો પણ ઉલ્લેખ કર્યો હતો. વિદ્યાર્થી નેતા ઉસ્માન હાદીને 12 ડિસેમ્બરે ગોળી મારી દેવામાં આવી હતી અને ગયા ગુરુવારે તેમનું મૃત્યુ થયું હતું.

તારિક રહેમાને કહ્યું, "શેખ હસીનાના 15 વર્ષના શાસન દરમિયાન કોઈ ખુલીને બોલી શક્યું નહીં. 2024 ના ચળવળના નેતા ઉસ્માન હાદીની હત્યા કરવામાં આવી હતી, જે એક બહાદુર નેતા હતો."

તેણે વધુમાં કહ્યું કે યુવા પેઢી હવે આ દેશની કમાન સંભાળશે. તારિક રહેમાને કહ્યું, "અમે બાંગ્લાદેશમાં શાંતિ અને સ્થિરતા ઇચ્છીએ છીએ. માર્ટિન લ્યુથર કિંગે કહ્યું હતું કે, 'મારું એક સ્વપ્ન છે.' આજે, હું કહેવા માંગુ છું કે મારી પાસે એક યોજના છે - મારા દેશના લોકો માટે અને મારા દેશના ભવિષ્ય માટે."

આ પણ વાંચોઃ VIDEO : 17 વર્ષ બાદ ખાલિદા જિયાનો પુત્ર બાંગ્લાદેશ આવ્યો, ઢાકા એરપોર્ટ પર પહોંચ્યાં લાખો લોકો

આ બાજુ વિદ્યાર્થી નેતા શરીફ ઉસ્માન હાદીના મૃત્યુ પછી બાંગ્લાદેશમાં પરિસ્થિતિ કાબૂ બહાર થઈ રહી છે. બુધવારે ઢાકામાં એક શક્તિશાળી વિસ્ફોટ બાદ બાંગ્લાદેશમાં ફરી હિંસા ફાટી નીકળી હતી, જેમાં એક વ્યક્તિનું મોત થયું હતું. વિસ્ફોટ બાદ ગુસ્સે ભરાયેલા ટોળાએ મોડી રાત્રે ઢાકા યુનિવર્સિટીમાં તોડફોડ કરી હતી, જેના કારણે ગભરાટ ફેલાયો હતો. હુમલાખોરોએ કાઝી નજરુલ ઇસ્લામની કવિતાઓ વાંચતા અને ધાર્મિક સૂત્રોચ્ચાર કરતા ટેબલ અને ખુરશીઓ તોડી નાખી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ