શું યુદ્ધની શરૂઆત / ઈઝરાયલનો સીરિયા પર હુમલો, દમાસ્કસમાં આર્મી હેડક્વાટરને ઉડાવ્યું, જુઓ વીડિયો

ઇઝરાયલે સીરિયાના સંરક્ષણ મંત્રાલય અને આર્મી હેડક્વાર્ટર પર હુમલો કર્યો છે. આ હુમલો ડ્રોન અને બોમ્બનો ઉપયોગ કરીને કરવામાં આવ્યો છે. ઇઝરાયલના આ હુમલાને કારણે રાજધાની દમાસ્કસમાં ધુમાડાના ગોટા જોવા મહ્યા છે. ઇઝરાયલે હુમલાની પુષ્ટિ કરી છે અને કહ્યું છે કે પ્રતીકાત્મક રીતે 2 ડ્રોનથી ફાયરિંગ કરવામાં આવ્યું છે.

ઇઝરાયલી મીડિયા રીપોર્ટ અનુસાર, IDF એ ડ્રુઝ પરના હુમલાનો બદલો લીધો છે. IDF સૈનિકોએ રાજધાની દમાસ્કસમાં સેનાના મુખ્યાલય અને સંરક્ષણ મંત્રાલય પર સીધો હુમલો કર્યો છે. એવું કહેવામાં આવી રહ્યું છે કે હુમલામાં બંને ઇમારતો નાશ પામી છે.

યુદ્ધનું સ્થાન બદલાયું

સીરિયાની રાજધાની દમાસ્કસમાં ઇઝરાયલે જે રીતે ડ્રોન હુમલા કર્યા તેનાથી પ્રશ્નો ઉભા થયા છે કે શું હવે યુદ્ધનું સ્થાન બદલાયું છે. મંગળવારે (15 જુલાઈ) ઇઝરાયલ અને સીરિયા ડ્રુઝ મુદ્દા પર એક કરાર પર પહોંચ્યા હતા, પરંતુ 24 કલાકની અંદર ઇઝરાયલે હુમલો કર્યો છે.

સીરિયાના સેનાના જણાવ્યા અનુસાર, ઇઝરાયલી ડ્રોન દ્વારા દમાસ્કસના ઉમૈયાદ સ્ક્વેર નજીક હુમલો કરવામાં આવ્યો છે. હુમલાને કારણે સીરિયાને થયેલા નુકસાનનું હજુ સુધી મૂલ્યાંકન કરવામાં આવ્યું નથી. એવું કહેવામાં આવી રહ્યું છે કે કેટલાક લોકો માર્યા ગયા છે.

દમાસ્કસ પર હુમલો થયો ત્યારે નેતન્યાહૂ કોર્ટમાં હતા

ઇઝરાયલી મીડિયા અનુસાર, જ્યારે ઇઝરાયલ ડિફેન્સ ફોર્સના સૈનિકો દમાસ્કસ પર હુમલો કરી રહ્યા હતા, ત્યારે ઇઝરાયલી પ્રધાનમંત્રી બેન્જામિન નેતન્યાહૂ તેલ અવીવની એક કોર્ટમાં હતા. નેતન્યાહૂ કતારગેટ કેસમાં સાબિતી આપવા માટે કોર્ટમાં આવ્યા હતા.

આ પણ વાંચો : વૈજ્ઞાનિકોને મળી મોટી સફળતાં, પૃથ્વીથી 35 ગણો મોટો એલિયન ગ્રહ શોધ્યો, કરી રહ્યાં છે હેરાનીભર્યું કામ

રીપોર્ટસ અનુસાર, જ્યારે જજને સમાચાર મળ્યા કે દમાસ્કસ પર હુમલો થયો છે, ત્યારે તેમણે તાત્કાલિક કાર્યવાહી મુલતવી રાખી. ત્યારબાદ નેતન્યાહૂ બેઠક માટે વોર રૂમમાં આવ્યા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ