વિવાદ / “કેન્સર” કહીને ઇઝરાયલને નિશાન બનાવ્યું, પછી જે થયું તે ચોંકાવનારું!, ઈરાન-અમેરિકા વાતચીત પહેલા જ હોબાળો

Israel Pakistan Conflict: ઇઝરાયલ અને પાકિસ્તાન વચ્ચે નિવેદનને લઈને નવો વિવાદ ઉભો થયો છે. પાકિસ્તાનના મંત્રીના નિવેદન બાદ મધ્યસ્થીની ભૂમિકાને લઈને ગંભીર પ્રશ્નો ઊભા થયા છે.

ઇઝરાયલ-પાકિસ્તાન નિવેદન વિવાદથી તણાવ વધ્યો

ઇઝરાયલ અને પાકિસ્તાન વચ્ચે શબ્દયુદ્ધ વધુ તીવ્ર બન્યું છે. પાકિસ્તાનના સંરક્ષણ મંત્રી ખ્વાજા આસિફ દ્વારા ઇઝરાયલને “કેન્સર” ગણાવતું નિવેદન આપતા વિવાદ ઉભો થયો છે. આ નિવેદનને ઇઝરાયલે ખૂબ જ ગંભીરતાથી લીધું છે અને તેને યહૂદી વિરોધી તથા પોતાના અસ્તિત્વ પર સીધો હુમલો ગણાવ્યો છે. ઇઝરાયલના વડા પ્રધાન બેન્જામિન નેતન્યાહૂએ આ ટિપ્પણી સામે કડક વાંધો વ્યક્ત કરીને કહ્યું છે કે આવી ભાષા કોઈપણ પરિસ્થિતિમાં સ્વીકાર્ય નથી. આ ઘટનાથી બંને દેશો વચ્ચેના સંબંધોમાં વધુ તણાવ જોવા મળી રહ્યો છે.

મધ્યસ્થી તરીકે પાકિસ્તાનની ભૂમિકાની વિશ્વસનીયતા પર સવાલ

આ વિવાદ એવા સમયે સામે આવ્યો છે જ્યારે પાકિસ્તાન ઈરાન અને અમેરિકા વચ્ચે મધ્યસ્થી તરીકેની ભૂમિકા ભજવવાનો દાવો કરી રહ્યું છે. ઇઝરાયલે આ નિવેદન બાદ પાકિસ્તાનની નિષ્પક્ષતા પર સવાલ ઉઠાવ્યા છે. ઇઝરાયલનું માનવું છે કે જો કોઈ દેશ એક પક્ષ સામે આટલી કઠોર ભાષાનો ઉપયોગ કરે છે. તો તે મધ્યસ્થી તરીકે વિશ્વસનીય રહી શકે નહીં. પાકિસ્તાની સંસદ દ્વારા પણ ઇઝરાયલ અને ભારતને વિરોધી તરીકે ઓળખાવવામાં આવ્યા હોવાનું જણાવવામાં આવે છે. જેના કારણે પરિસ્થિતિ વધુ સંવેદનશીલ બની ગઈ છે. નિષ્ણાતોના મત અનુસાર આ પ્રકારના નિવેદનો પ્રાદેશિક શાંતિ માટે હાનિકારક સાબિત થઈ શકે છે.

આ પણ વાંચો: આજથી પાકિસ્તાનમાં અમેરિકા-ઇરાન વચ્ચે શાંતિમંત્રણા, લેબલોનમાં સ્થિતિ ચિંતાજનક

ઈરાન-અમેરિકા વાતચીત પહેલા જ વધ્યો હોબાળો

આ સમગ્ર વિવાદ એવા સમયે ઉભો થયો છે જ્યારે ઈરાન અને અમેરિકા વચ્ચે યુદ્ધવિરામ અંગેની મહત્વપૂર્ણ વાતચીત ઈસ્લામાબાદમાં થવાની છે. આ બેઠક પહેલાં જ સર્જાયેલા તણાવથી ચર્ચાઓ પર અસર થવાની શક્યતા છે. સુરક્ષા કારણોસર પાકિસ્તાને રાજધાનીમાં ખાસ પગલાં લીધા છે અને બે દિવસની જાહેર રજા પણ જાહેર કરી છે. સમગ્ર શહેરમાં કડક સુરક્ષા વ્યવસ્થા ગોઠવવામાં આવી છે. હવે તમામની નજર આ વાતચીત પર છે કે પાકિસ્તાન આ સંવેદનશીલ પરિસ્થિતિમાં શાંતિ સ્થાપવામાં સફળ થશે કે નહીં. આ ઘટનાએ મધ્ય પૂર્વમાં પહેલેથી જ નાજુક સ્થિતિને વધુ જટિલ બનાવી દીધી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ