વિરોધ / અમેરિકા બાદ હવે ફ્રાન્સમાં શટડાઉન! એકસાથે 200 શહેરોમાં સ્ટ્રાઇક, એફિલ ટાવર પણ બંધ

France Shutdown: ફ્રાંસમાં ગુરુવારે ખૂબ મોટા પાયે હડતાળ અને વિરોધ પ્રદર્શન કરવામાં આવ્યું હતું. આ વિરોધ પ્રદર્શનમાં 200થી વધારે શહેરોમાંથી હજારો લોકો આ પ્રદર્શનમાં હાજર રહ્યા હતા. આ વિરોધમાં લોકોએ ખર્ચમાં કાપ મૂકીને ધનિકો પે વધુ ટેક્સ લગાવવાની માંગણી કરી હતી. આ દરમિયાન રાજધાની પેરિસમાં વર્લ્ડ ફેમસ Eiffel Tower પણ બંધ રહ્યો હતો.

France Strike: 200 થી વધુ શહેરોના લોકો પ્રદર્શનમાં જોડાયા

ફ્રાન્સના 200થી વધુ શહેરો અને નગરોમાં હજારો વર્કર્સ, રિટાયર્ડ અને વિદ્યાર્થીઓ રસ્તા પર ઉતરી આવ્યા હતા. પેરિસમાં વિરોધીઓએ પ્લેસ ડી'ઇટાલીથી તેમની કૂચ શરૂ કરી હતી. એફિલ ટાવર વહીવટીતંત્રે એક નિવેદન બહાર પાડીને કહ્યું હતું કે હડતાળને કારણે સ્મારક પ્રવાસીઓ માટે બંધ કરવામાં આવ્યું છે.

Labor Unions: યુનિયનના નેતૃત્વ હેઠળના વિરોધ પ્રદર્શનો

ફ્રાન્સના મુખ્ય યુનિયનો દ્વારા આ રાષ્ટ્રવ્યાપી હડતાળનું એલાન આપવામાં આવ્યું છે. ગયા મહિનાથી ચાલી રહેલા રાજકીય ઉથલપાથલ અને બજેટ પર ચર્ચા વચ્ચે વિરોધ પ્રદર્શનોની શ્રેણીમાં આ નવીનતમ હડતાળ છે. યુનિયનો કહે છે કે સરકારે અગાઉના વડા પ્રધાનના બજેટ પ્રસ્તાવોને છોડી દેવા જોઈએ, જેમાં સામાજિક કલ્યાણ કાર્યક્રમો પર નિયંત્રણો અને ખર્ચમાં કાપનો સમાવેશ થતો હતો. યુનિયનો ચેતવણી આપે છે કે આવા પગલાં ઓછી અને મધ્યમ આવક ધરાવતા લોકોની ખરીદ શક્તિને વધુ નબળી પાડશે. તેઓ ધનિકો પર ટેક્સ વધારવાની માંગ કરી રહ્યા છે.

વધુ વાંચો: વૈશ્વિક દિગ્ગજોની હાજરીમાં જ ટ્રમ્પનો મજાક! આ દેશના PMએ એવું શું કહ્યું કે નેતાઓ હસી પડ્યાં

નવી સરકાર પર દબાણ

ગયા મહિને વડાપ્રધાન બનેલા સેબેસ્ટિયન લેકોર્નુએ હજુ સુધી તેમના બજેટની વિગતવાર જાહેરાત કરી નથી કે તેમની કેબિનેટ ટીમની જાહેરાત કરી નથી. આગામી દિવસોમાં સરકાર રચાય તેવી અપેક્ષા છે, અને વર્ષના અંત સુધીમાં બજેટ બિલ પર સંસદમાં ચર્ચા કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ