China Warns US / 'અમારા ઘરમાં માથું ન મારતાં નહીંતર'...ઈરાનના ફુલ સપોર્ટમાં આવ્યો ચીન, ટ્રમ્પને આપી ચેતવણી

અમેરિકા અને ઈરાન વચ્ચે તણાવ ફરી વધ્યો છે. પાકિસ્તાનમાં શાંતિ મંત્રણા નિષ્ફળ ગયા બાદ બંને પક્ષો એકબીજાને નિશાન બનાવતા જોવા મળી રહ્યા છે. જ્યારે અમેરિકી રાષ્ટ્રપતિ ડોનાલ્ડ ટ્રમ્પે હોર્મુઝ સ્ટ્રેટ પર નાકાબંધીની જાહેરાત કરી હતી, ત્યારે ઈરાને પલટવાર કરતા તેલને લઇને વોર્નિગ આપી છે. આ વચ્ચે ટ્રમ્પ દ્વારા ચીનને ટેરિફ ધમકી પર હવે ડ્રેગનએ પણ વળતો એટેક કર્યો છે. અને ખુલ્લેઆમ ઈરાનનો પક્ષ લીધો છે. ચીને અમેરિકાને ચેતવણી આપતા કહ્યું છે કે, "અમારા મામલામાં દખલ ન કરો."

ડોનાલ્ડ ટ્રમ્પ ઈરાન સામે ઝડપી કાર્યવાહી કરી રહ્યા હોય તેવું લાગે છે અને તેમના મોટાભાગના નિર્ણયો માત્ર ઈરાનને જ નહીં પરંતુ ચીનને પણ અસર કરી રહ્યા છે. તાજેતરમાં ગુપ્ત માહિતી બહાર આવ્યા પછી કે ચીન ઈરાનને લશ્કરી શસ્ત્રો પૂરા પાડી રહ્યું છે, ડોનાલ્ડ ટ્રમ્પે એક મહત્વપૂર્ણ નિવેદન આપ્યું છે. ઈરાનને ચીનની લશ્કરી સહાય અંગે પ્રશ્નમાં ટ્રમ્પે કહ્યું, "આના પરિણામ ગંભીર હશે. મને શંકા છે કે તેઓ આમ કરશે. જો આપણે તેમને આમ કરતા પકડીશું તો તેમના પર 50 ટકા ટેરિફ (ચીન પર 50ટકા ટેરિફ) લાદવામાં આવશે, જે ખરેખર ખૂબ મોટી રકમ છે."

ચીને કહ્યું, "અમારા જહાજો હોર્મુઝમાંથી..."

હવે ટ્રમ્પની ધમકીઓ વચ્ચે ચીન ખુલ્લેઆમ ઈરાનની સાથે ઉભું હોય તેવું લાગે છે. ડોનાલ્ડ ટ્રમ્પ દ્વારા હોર્મુઝ સ્ટ્રેટ પર નાકાબંધીની જાહેરાત બાદ, ડ્રેગનએ ઈરાનને ટેકો આપ્યો છે અને યુનાઇટેડ સ્ટેટ્સને એક મહત્વપૂર્ણ ચેતવણી આપી છે. ટ્રમ્પના આ પગલા પર પ્રતિક્રિયા આપતા ચીનના સંરક્ષણ પ્રધાન ડોંગ જુને કહ્યું, "બેઇજિંગ વિશ્વમાં શાંતિ અને સ્થિરતા માટે પ્રતિબદ્ધ છે અને મધ્ય પૂર્વની પરિસ્થિતિ પર નજીકથી નજર રાખી રહ્યું છે."

તેમણે વધુમાં કડક શબ્દોમાં કહ્યું, "અમારા જહાજો સતત હોર્મુઝ સ્ટ્રેટમાંથી પસાર થઈ રહ્યા છે. અમારા ઈરાન સાથે વેપાર અને ઉર્જા કરાર છે. અમે તેમનો આદર કરીશું અને અપેક્ષા રાખીશું કે કોઈ બીજું અમારી બાબતોમાં દખલ ન કરે. ઈરાન હોર્મુઝને નિયંત્રિત કરે છે, અને તે અમારા માટે ખુલ્લું છે."

આ પણ વાંચોઃ ધમકી / ''...તો 50 % ટેરિફ લગાવી દઇશું'', ટ્રમ્પની વધુ એક ધમકી, અને પછી કરી ઑફર

હોર્મુઝ પર અમેરિકાનું નિયંત્રણ, ચીન પર પ્રહાર

વિશ્વની તેલ જરૂરિયાતોને પૂર્ણ કરવા માટેના સૌથી મહત્વપૂર્ણ દરિયાઈ માર્ગને નાકાબંધી કરવાનો અમેરિકાનો નિર્ણય પાકિસ્તાનમાં અમેરિકા-ઈરાન વચ્ચેની વાટાઘાટો અનિર્ણાયક સાબિત થયા પછી આવ્યો. આ નાકાબંધી ચીનના ઉર્જા પુરવઠા પર ગંભીર અસર કરી શકે છે, કારણ કે ચીન ઈરાની તેલનો સૌથી મોટો ખરીદદાર છે. હોર્મુઝ દ્વારા શિપમેન્ટમાં કોઈપણ વિક્ષેપ ઈરાનના મહેસૂલને નુકસાન પહોંચાડશે નહીં પરંતુ ચીનના તેલ પુરવઠા માટે પણ નોંધપાત્ર ખતરો ઉભો કરશે, જે ચીની અર્થવ્યવસ્થા માટે હાનિકારક છે. આ જ કારણ છે કે ટ્રમ્પની ધમકીથી ચીન ગભરાયેલું દેખાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ