Success Story / હિમાચલમાં સાયકલ પર પહાડો ખુંદતો શાળાએ જતો જય અમેરિકાનો સૌથી પૈસાદાર વ્યક્તિ બની ગયો

ભારતીયો દરેક ક્ષેત્રમાં પોતાનું સ્થાન બનાવી રહ્યા છે. ત્યારે એક રિપોર્ટ અનુસાર, "અમેરિકાના સૌથી ધનિક વિદેશી" યાદીમાં ભારતીય મૂળના અને Zscalerના સ્થાપક જય ચૌધરી ટોચના સ્થાન પર પહોંચી ગયા છે. તેમની સંપત્તિ સાંભળીને તમે પણ કહેશો "વાહ!" 2025ના રિપોર્ટ પ્રમાણે ભારતના 12 અબજોપતિઓ આ યાદીમાં સામેલ થયા છે, જે તેટલા જ છે જેટલા ઇઝરાયલ અને તાઇવાનના અબજોપતિઓ – બંને દેશોમાંથી 11-11 અબજોપતિો સામેલ છે.

જય ચૌધરીનો જન્મ હિમાચલ પ્રદેશના ઉના જિલ્લાના પનોહ ગામમાં એક ગરીબ કુટુંબમાં થયો હતો. તેમનું બાળપણ ખૂબ જ ગરીબીમાં વિત્યું હતું. તેઓ ભણવા માટે શાળાએ રોજે રોજ 4 કિલોમીટર ચાલીને જતા અને રાત્રે વીજળી ન હોવાને કારણે દીવાના પ્રકાશમાં અભ્યાસ કરતા હતા. જ્યારે અન્ય બાળકો રજાના સમયે રમતાં અને આનંદ માણતાં, ત્યારે જય પોતાના શિક્ષક પાસેથી વધુ શીખવા માટે બેસતા. સતત મહેનત અને શીખવાની લાલસાના કારણે તેઓ હંમેશા તેમના વર્ગમાં પ્રથમ સ્થાને રહેતા. આજે તેમની કુલ સંપત્તિ આશરે $17.9 બિલિયન (રૂ. 1,53,414 કરોડ) છે.

યુનિવર્સિટીમાં ભણતર અને કારકિર્દીની શરૂઆત

તેમણે શાળાકીય શિક્ષણ પૂર્ણ કર્યા બાદ બનારસ હિન્દુ યુનિવર્સિટી (IIT BHU)માંથી ઇલેક્ટ્રોનિક્સ એન્જિનિયરિંગમાં અભ્યાસ કર્યો. ત્યારબાદ તેમને અમેરિકા સ્થિત સિનસિનાટી યુનિવર્સિટીમાં શિષ્યવૃત્તિ મળી અને ત્યાંથી તેમણે MBAએ પૂર્ણ કર્યું. ભણતર બાદ તેમણે IBM અને Unisys જેવી પ્રતિષ્ઠિત કંપનીઓમાં નોકરી કરી.

ઉદ્યોગજગતનું સફર

જય ચૌધરીએ પોતાનું ઉદ્યોગજગતનું સફર વર્ષ 1996માં પોતાની પત્ની જ્યોતિ સાથે શરૂ કર્યું હતું. તેમણે SecureIT નામની કંપનીની સ્થાપના કરી. 1997માં તેમણે CipherTrust ની શરૂઆત કરી, જેને પછી VeriSign દ્વારા ખરીદી લેવામાં આવી હતી. ત્યારબાદ જયે AirDefense અને CoreHarbor જેવી કંપનીઓ પણ શરૂ કરી. આ બંને કંપનીઓને Motorola અને AT&T જેવી મોટી કંપનીઓ દ્વારા ખરીદી લેવામાં આવી હતી.

આ પણ વાંચો : પૂર્વ રાષ્ટ્રપતિની દિકરીને WHO એ નોકરીમાંથી કાઢી મુકી, કારણ જાણશો તો ચોંકી જશો

2008માં જય ચૌધરીએ Zscaler નામની સાઇબર સુરક્ષા કંપની શરૂ કરી. આજે Zscaler દુનિયાભરની 400 થી વધુ મોટી કંપનીઓને સુરક્ષા સેવાઓ આપે છે. 2018માં Zscalerનું IPO લોન્ચ થયું અને આ કંપની NASDAQ પર લિસ્ટ થઈ. આજે Zscaler "વિશ્વની 2000 શ્રેષ્ઠ કંપનીઓ"ની યાદીમાં સ્થાન ધરાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ