વિશ્વ / યુરોપના આ દેશના PMનો કાર્યકાળ એક મહિનાનો પણ ન રહ્યો, ધરી દીધું રાજીનામું

World news : પહેલા શ્રીલંકામાં સરકાર સામે વિરોધ થયો અને સરકાર બદલી ગઈ હતી. આ પછી બાંગ્લાદેશમાં હિંસક પ્રદર્શન જોવા મળ્યું હતું અને શેખ હસિનાને ગાદી છોડવી પડી હતી, તાજેતરમાં જ નેપાળમાં પણ રાજકીય ઉથલપાથલ જોવા મળી હતી, ત્યારે હવે વધુ એક દેશના વડાપ્રધાને રાજીનામું આપી દીધું છે.

એક મહિનો પણ ન રહ્યા PM

હવે ફ્રાન્સમાંથી એક મોટા સમાચાર સામે આવી રહ્યા છે જેમાં દેશના વડાપ્રધાને અચાનક જ રાજીનામું આપી દીધું છે, મહત્વની વાત એ છે કે હજુ એક મહિનો પણ નથી થયો તે પહેલા જ તેમણે પદ પરથી રાજીનામું આપી દીધું છે.

ફ્રાન્સમાં ફરી રાજકીય સંકટ ઉભુ થયું

ફ્રાન્સ હાલ ગંભીર રાજકીય સંકટનો સામનો કરી રહ્યું છે. દેશના નવા PM સેબેસ્ટિયન લેકોર્નુએ નવા મંત્રીમંડળની નિમણૂક કર્યાના થોડા કલાકો પછી જ રાજીનામું આપી દીધું છે. એક ખાનગી ન્યૂઝ ચેનલે અહેવાલ આપ્યો છે કે, સેબેસ્ટિયનના અચાનક નિર્ણયથી ઘણા લોકો આશ્ચર્યચકિત થયા છે. તેમને રાષ્ટ્રપતિ ઇમેન્યુઅલ મેક્રોનના નજીકના પણ માનવામાં આવે છે.

વધુ વાંચો : 24 કલાકમાં જ 4 હોસ્પિટલમાં આગની ઘટનાથી 8ના મોત, ત્રણ તો ગુજરાતની

કેમ આપ્યું રાજીનામું ?

સેબેસ્ટિયન લેકોર્નુએ 9 સપ્ટેમ્બર 2025માં પીએમ તરીકેની ફરજો સંભાળી હતી અને એક મહિના કરતાં પણ ઓછા સમયમાં રાજીનામું આપી દીધું હતું. આનાથી ફ્રેન્ચ રાજકારણ અસ્થિર થઈ રહ્યું છે, અને હવે બધાની નજર તેમના સ્થાન પર છે કે તેમનું સ્થાન કોણ લેશે.એક ન્યૂઝ એજન્સીના અહેવાલ અનુસાર લેકોર્નુએ આ રાજીનામું તેમના ગઠબંધનના સભ્યો દ્વારા સરકાર તોડી પાડવાની ધમકીઓ આપવાનું શરૂ કર્યા પછી આપ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ