ખુલાસો / ટ્રમ્પ ધડાધડ કેમ વધારી રહ્યાં છે ટેરિફ? હવે સામે આવ્યું આ મોટું કારણ, દુનિયા ચોંકી ઉઠી

Trump Tariff Game: ભારત પર 50 ટકા ટેરિફ લગાવવાના આદેશ પર હસ્તાક્ષર કરતા સમયે ટ્રમ્પે કહ્યું હતું કે, ભારત રશિયા પાસેથી સતત તેલની ખરીદી કરી રહ્યું છે આ કારણે ભારત પર વધારાનો ટેરિફ લગાવવામાં આવ્યો છે. જો કે ભારત જ નહીં પરંતુ બ્રાઝિલ, રશિયા, ચીન જેવા દેશો પણ ટ્રમ્પના નિશાને છે. ભારતે ટ્રમ્પના આકરા વલણનો જવાબ આપી દીધો છે. ટ્રમ્પ કેમ એક પછી એક દેશો પર ટેરિફ લગાવી રહ્યાં છે આ પાછળનું કારણ શું? ટ્રમ્પની મહ્તવકાક્ષાં શું છે? જાણો વિસ્તારથી...

અમેરિકાના રાષ્ટ્રપતિ ડોનાલ્ડ ટ્રમ્પે ભારત પર 25 ટકાનો વધારાનો ટેરિફ લાદ્યો છે, જે વધારીને કુલ 50 ટકા કર્યો છે. બુધવારે એક એક્ઝિક્યુટિવ ઓર્ડર પર હસ્તાક્ષર કરતી વખતે ટ્રમ્પે કહ્યું કે રશિયન તેલની સતત ખરીદીને કારણે ભારત પર વધારાનો ટેરિફ લાદવામાં આવ્યો છે. હવે ભારત ટ્રમ્પથી સૌથી વધુ નુકસાન સહન કરનારા દેશોમાંનો એક બની ગયો છે. જોકે, ભારતે તેને અન્યાયી અને અન્યાયી ગણાવ્યો છે અને પોતાના હિતોનું રક્ષણ કરવા માટે યોગ્ય પગલાં લેવાની વાત કરી છે. કારણ કે માત્ર ભારત જ નહીં પરંતુ બ્રાઝિલ, રશિયા, ચીન જેવા દેશો પણ ટ્રમ્પના નિશાના પર છે અને તે સતત બધાને ધમકી આપી રહ્યા છે પરંતુ કોઈ પણ ટેરિફ ધમકીઓ સામે ઝૂકવા તૈયાર નથી. વાસ્તવમાં, તેલ ફક્ત એક મુદ્દો છે, વાસ્તવિક રમત યુએસ ડોલરની છે, જેણે અમેરિકાની ઊંઘ હરામ કરી દીધી છે. ચાલો સમજીએ કેવી રીતે?

અમેરિકાના રાષ્ટ્રપ્રમુખની ઊંઘ હરામ કરી દીધી

ટ્રમ્પ ભારત સહિત અનેક દેશોને સતત ધમકી આપી રહ્યાં છે. જો કે એક એવી ચીજ છે જેણે અમેરિકાના રાષ્ટ્રપ્રમુખની પણ ઊંઘ હરામ કરી દીધી છે. આ જ કારણ છે કે ટ્રમ્પે ટેરિફ વોર શરુ કરી છે. ટેરિફ વધારીને કેટલાક દેશોને દબાવવા માંગે છે. સૌથી પહેલા ટ્રમ્પે પારસ્પરિક ટેરિફ લગાવવાની જાહેરાત કરી હતી, આ પછી તરત જ બિક્સ દેશો પર વધારાના 10 ટકા ટેરિફની ધમકી આપી હતી. આ જુથમાં બ્રાઝિલ, રશિયા, ભારત, ચીન અને દક્ષિણ આફ્રિકા ઉપરાંત, તેમાં ઈરાન, ઇજિપ્ત, ઇથોપિયા, ઇન્ડોનેશિયા અને સંયુક્ત આરબ અમીરાત છે જે ઉભરતી અર્થવ્યવસ્તાઓમાં એક છે. આ તમામ દેશો ડૉલરના સ્થાને પોતાના ચલણમાં વ્યાપારના પક્ષમાં છે. રશિયા અને ચીન પોતાના ચલણમાં વેપાર કરી રહ્યાં છે. જેનાથી ટ્રમ્પ અકળાયા છે.

ડોલરનું ઘટતું પ્રભુત્વ અમેરિકા માટે ખતરો?

હાલ મોટા ભાગના દેશોમાં ડૉલરનું પ્રભુત્વ છે અને અનેક દેશો સાથે અમેરિકાનો વેપાર ડૉલરમાં થાય છે. એટલે ટ્રમ્પ પણ ડૉલરમાં વેપાર કરવાના આગ્રહી છે. જો કે મોટાભાગના દેશો હવે ડૉલરમાં નહીં પણ પોતના ચલણમાં વેપાર કરવા ઈચ્છે છે. ભારતે પણ આ દિશામાં કેટલાક પગલા ભર્યા છે. એટલે જો ડૉલરનું પ્રભુત્વ જો ઘટી જાય તો અમેરિકા માટે તે મોટો ખતરો સાબિત થઈ શકે છે. પહેલા બ્રાઝિલ પર 50 ટકા ટેરિફ લગાવ્યો, પછી ચીન સાથે આકરું વલણ અપનાવ્યું, જો કે રશિયા સાથે વાત બની ન હતી. ટ્રમ્પને એક નિવેદન આપ્યું હતું જેમાં કહ્યું હતું કે, 'ડૉલરનો રિઝર્વ ચલણનો દરરજો ગુમાવો એ વિશ્વ યુદ્ધ ગુમાવવા બરાબર હશે'. આના પરથી જ સમજી શકાય છે કે ટ્રમ્પને ડૉલરનો કેટલો ડર સતાવી રહ્યો છે.

વધુ વાંચો : ટ્રમ્પે આ દેશના રાષ્ટ્રપતિની ધરપકડનો ઓર્ડર કર્યો, ઓસામા બિન લાદેન કરતાં બમણું ઈનામ રાખ્યું

તો અમેરિકા પર સંકટ આવી શકે

અમેરિકન ડૉલર વિશ્વભરના દેશોમાં વપરાતું રિઝર્વ ચલણ છે. અને તે છેલ્લા આઠ દાયકાથી તેનુ વર્ચસ્વ છે. વિશ્વભરની સેન્ટ્રલ બેંકો તેમની નાણાકીય સલામતી માટે ડૉલર અનામત રાખે છે. એક અહેવાલ અનુસાર લગભગ વિશ્વના 90 ટકા વ્યવહારો ફક્ત ડૉલરમાં જ થાય છે. જો કે બ્રિક્સ દેશો આની નિર્ભરતા ઘટાડવા લેવામાં આવેલા પગલાથી વર્લ્ડ રિઝર્વ કરન્સીનું બિરુદ છિનવાઈ શકે છે. બ્રિક્સ દેશોનો વિશ્વની જીડીપીમાં 35 ટકાથી પણ વધુ ફાળો છે એટલે તેમનું યોગદાન પણ ખાસ છે. જો આ દેશો ડૉલરનો ઉપયોગ ઘટાડી તે અમેરિકા પર સંકટ આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ