NRI / કેનેડામાં જૉબ કરતા ભારતીયોની હાલત અત્યંત દયનીય! લોકો OT કરવા મજબૂર

Canada Jobs : કેનેડામાં રહેવું હવે પહેલા જેટલું સરળ નથી રહ્યું. એક સમય હતો જ્યારે ભારતમાંથી આવતા ઇમિગ્રન્ટો સામાન્ય નોકરીઓ કરીને પણ આરામથી જીવન ચલાવતા અને પોતાના પરિવારને ભારત પૈસા મોકલી શકતા. પરંતુ હવે પરિસ્થિતિ મોટા પાયે બદલાઈ ગઈ છે. વધતાં ફુગાવા, ઊંચા ભાડાં અને વધતા દૈનિક ખર્ચાઓને કારણે કેનેડિયન સમાજમાં આર્થિક દબાણ ઝડપથી વધી રહ્યું છે-ખાસ કરીને GTA (Greater Toronto Area) જેવા મોંઘા વિસ્તારોમાં, જ્યાં ભારતીયોની સૌથી વધુ વસતિ છે.

લઘુત્તમ વેતન સામે જીવનનિર્વાહ વેતન : મોટો તફાવત

Ontario Living Wage Networkના 2025ના અહેવાલ મુજબ GTA માં જીવન આરામથી ચલાવવા માટે કમામું વેતન $27.20 પ્રતિ કલાક હોવું જોઈએ. પરંતુ વાસ્તવિકતા એ છે કે ઑન્ટારિયોનું લઘુત્તમ વેતન માત્ર $17.60 પ્રતિ કલાક છે (1 ઑક્ટોબર 2025થી અમલમાં).

એટલે કે કલાકદીઠ લગભગ $10 નો તફાવત

જે સીધો જ પ્રહાર સામાન્ય કામદારો અને ખાસ કરીને ભારતીય ઇમીગ્રન્ટો પર કરે છે.

લઘુત્તમ વેતન પર આવક કેટલી?

દૈનિક કમાણી : $17.60 × 8 કલાક = $140.80

સાપ્તાહિક કમાણી : 40 કલાક × $17.60 = $704

માસિક આવક (4.33 અઠવાડિયા મુજબ) : $704 × 4.33 = $3,046

કરવેરા બાદ વ્યક્તિના હાથમાં રહે છે માત્ર $2,600–$2,700. એટલે કે મહિને અંદાજે $2,650 જ.

GTA માં સરેરાશ ખર્ચો

ખર્ચ દર મહિનો

• 1-BHK ભાડું $1,900 – $2,300
• કરિયાણા $400 – $500
• પરિવહન $150 – $180
• ઇન્ટરનેટ/ફોન $120 – $150
• અન્ય ખર્ચ $200 – $300

કુલ ખર્ચ: $2,770 – $3,430 એટલે કે આવક ખર્ચ કરતા ઓછી છે

સ્પષ્ટ છે કે લઘુત્તમ વેતન પર જીવન ચલાવવું મુશ્કેલ જ નહીં, પરંતુ લગભગ અશક્ય બને છે.

ભારતીયો સૌથી વધારે અસરગ્રસ્ત કેમ?

GTA, બ્રેમ્પટન અને મિશિસાગા જેવા વિસ્તારોમાં ભારતીયોની સૌથી વધુ સંખ્યા છે. મોટા ભાગના ભારતીયો નીચેની નોકરીઓ કરે છે:

• ફાસ્ટ-ફૂડ ચેઇન્સ (McDonald's, Tim Hortons)
• રિટેલ સ્ટોર્સ
• વેરહાઉસ (Amazon, FedEx)
• સફાઈ અને હોટેલ ક્ષેત્ર
• કોલેજ/યુનિવર્સિટીના વિદ્યાર્થીઓની પાર્ટ-ટાઇમ નોકરીઓ
• આ તમામ નોકરીઓમાં પગાર મોટાભાગે લઘુત્તમ વેતનથી શરૂ થાય છે.

નવા ઇમીગ્રન્ટ્સ માટે શરૂઆતમાં સારી નોકરી મેળવવી મુશ્કેલ હોવાને કારણે તેઓને પણ આ જ નોકરીઓ કરવી પડે છે- જો તેઓ ઉચ્ચ શિક્ષિત હોય.

કેનેડાના દરેક પ્રાંત/પ્રદેશમાં લઘુત્તમ વેતન

ઓવરટાઇમ : પસંદગી નહીં, ફરજ

અગાઉ વિદ્યાર્થીઓ અને ઇમિગ્રન્ટ્સ ઓવરટાઇમ કમાણી માટે કરતા હતા. પણ આજે ઓવરટાઇમ ખર્ચ પૂરો કરવા સિવાય બીજો વિકલ્પ જ નથી. ઘણા લોકો અઠવાડિયાના 7 માંથી 7 દિવસ કામ કરે છે, રાત્રે કામ કરે છે અનેદિવસે કાફેમાં કામ કરે છે, બે–ત્રણ પાર્ટ-ટાઇમ નોકરીઓ એકસાથે કરે છે. આર્થિક દબાણ સતત વધી રહ્યો છે.

અંતર કેમ વધી રહ્યું છે?

આ વધતા તફાવતના મુખ્ય કારણો : -

GTA માં આસમાને પહોંચેલું ભાડું

• ભાડું હાલ સૌથી મોટો બોજ છે.

ખોરાક અને કરિયાણું મોંઘું

• ફૂડ ઇન્ફ્લેશન સતત વધી રહ્યો છે.

પરિવહન તથા યુટિલિટી બિલ્સ વધી રહ્યા છે

• ગેસ, વીજળી, ઇન્ટરનેટ બધું જ મોંઘું.

બાળ ઉછેરનો ખર્ચ સામાન્ય લોકોની પહોંચ બહાર

• ચાઇલ્ડકેર GTA માં સૌથી મોંઘાંમાંનું છે.
• લઘુત્તમ વેતન વધ્યું હોવા છતાં આ વધેલા ખર્ચ સામે તે અપૂરતું છે.

આ પણ વાંચો : વિદ્યાર્થીઓને કેવી રીતે મેળશે કેનેડાના PR? બસ નોટ કરી લેજો આ 6 પોઇન્ટ્સ

આગળ શું થઈ શકે?

નિષ્ણાતો માને છે કે જો આ $10 પ્રતિ કલાકનો તફાવત ઘટાડવામાં નહીં આવે તો:

• લોકો પર આર્થિક દબાણ વધુ વધશે
• હાઉસિંગ ક્રાઈસિસ વધારે તીવ્ર થશે
• કંપનીઓ પર વેતન વધારવાનો દબાણ વધશે
• ઘણા લોકો મોંઘા શહેરોમાંથી સસ્તા પ્રાંતો તરફ સ્થળાંતર કરશે
• મધ્યમ આવકવાળા પરિવાર માટે પણ બચત અશક્ય બનશે
• આ પરિસ્થિતિ માત્ર ઇમીગ્રન્ટ્સ માટે જ નહીં, પરંતુ કેનેડાની મધ્યવર્ગીય વસ્તી માટે પણ ચિંતા જનક છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ