થોડાં વર્ષો પહેલાં મને કોઈ કહેતું કે હું 'મિસ ગ્રેટ બ્રિટન' બનીશ, તો હું ક્યારેય વિશ્વાસ ન કરતી. 26 વર્ષીય જેન એટિક આવું કહે છે, જેણે 2 વર્ષમાં લગભગ 46 કિલો વજન ઘટાડી દીધું. જ્યારે તેના એક્સ મંગેતરે તેને જાડી હોવાને કારણે છોડી દીધી હતી. એ પછી જેને ડાયટ પર કંટ્રોલ લાવી દીધો અને જિમ જવાનું શરૂ કરી દીધું. તેણે સખત મહેનત કરી અને આજે તે 'મિસ ગ્રેટ બ્રિટન 2020' છે.
જેન કહે છે કે, થોડાં વર્ષ પહેલાંની અને આજની મારી લાઈફમાં દિવસ-રાતનું અંતર છે. હું હવે મારા ખાનપાન પર બહુ જ ધ્યાન આપવું. હું કોઈ એક ડાયટ ફોલો નથી કરતી, પરંતુ હું જે વધારે ખાઉં છું તેના પર ધ્યાન આપું છું. હું અત્યારે પણ ભોજનની મજા માણું છું. હું હવે સપ્તાહમાં 5 દિવસ જિમ જઉં છું, જે મને ખૂબ જ પસંદ છે. આ મારા જીવનને મહત્વનો ભાગ બની ગયો છે અને તેનાથી મને ઘણી મદદ મળી છે.
જેનને ઈન્સ્ટાગ્રામ પર 5 હજારથી વધુ લોકો ફોલો કરે છે. તે સોશિયલ મીડિયા પર ઘણી એક્ટિવ છે. જો તમારે તેના જીવનમાં થયેલાં ફેરફાર જોવા હોય તો તમે તેને અહીં ફોલો કરી શકો છો.
જેનને 109 કિલોમાંથી 56 કિલો વજન કરવામાં 2 વર્ષનો સમય લાગી ગયો. જેન Miss Scunthorpe અને મિસ ઈંગ્લેન્ડ 2018ની રનરઅપ રહી ચૂકી છે. તેની કહાની ઘણાં લોકોને પ્રેરિત કરે છે કે કંઈક મેળવવાનો નિશ્ચય કરી લો તો બધું જ શક્ય છે અને હાં, મંગેતર સિવાય તે એક અન્ય કારણથી પણ વજન ઘટાડવા માટે પ્રેરિત થઈ હતી. જેમાં તેની ફેવરિટ ડ્રેસ તેને ફીટ નહોતી આવી રહી.