ચેતવણી / નૂડલ્સે મુંબઈની મહિલાનો જીવ લીધો, ટીવી જોતાં જોતાં કરી બેઠી આવી ભૂલ, અચાનક થયું મોત

• મુંબઈની 27 વર્ષીય મહિલાનું ઝેરી નૂડલ્સ ખાવાથી થયું મોત
• ટીવી જોતી વખતે ભૂલથી નૂડલ્સમાં ભેળવી દીધા ઝેરી ટામેટા 
• ઉંદરોને મારવા માટે બનાવ્યા ટામેટામાં ઝેર ભેળવ્યું હતું 

જિંદગીમાં દરેક બાબતમાં ધ્યાન રાખવું ખૂબ જરુરી છે અને જરા સરખી ભૂલ પણ મોતને આમંત્રણ આપે છે. મુંબઈની એક મહિલા સાથે પણ આવો ઘાટ થયો અને તેમાં તેણે તેની ભૂલને કારણે જીવ ખોવાનો વારો આવ્યો. નૂડલ્સ બનાવતી વખતે આવું ન થાય તે માટે આ ઘટના જાણવા જેવી છે. મુંબઈની 27 વર્ષીય મહિલા રેખા નિશાદનું ઝેરી નૂડલ્સ ખાવાને કારણે મોત થયું છે. મુંબઈના પસકલ વાડી એરિયામાં રહેતી રેખા નિશાદને 21 જુલાઈના દિવસે ટામેટામાં ઉંદરો મારવાની દવા ભેળવીને મૂકી રાખી હતી. બીજા દિવસે રેખાએ ઈન્સ્ટંટ નૂડલ્સ બનાવી હતી. પરંતુ તેણે ભૂલથી ઝેરી ટામેટાને નૂડલ્સમાં ભેળવી દીધા હતા. આવી ઝેરવાળી નૂડલ્સ ખાવાથી રેખાને ખૂબ ઉલટીઓ થઈ હતી અને તેને તાત્કાલિક દવાખાને લઈ જવામાં આવી હતી પરંતુ ત્યાં સુધીમાં તો ઝેરે તેનું કામ કરી નાખ્યું હતું અને દવાખાનામાં તેનું મોત થયું હતું. 

ટીવી જોતા જોતા ધ્યાન ન રહ્યું, નૂડલ્સમાં ભેળવી દીધા ઝેરી ટામેટા 
માલવાણી પોલીસ સ્ટેશનના સબ ઈન્સપેક્ટર મુસા દેવર્ષીએ કહ્યું કે ટીવી જોતા જોતા રેખાએ ભૂલથી ઝેરી ટામેટાને નૂડલ્સમાં ભેળવી દીધા હતા ઝેરી ટામેટાવાળી નૂડલ્સ ખાવાથી રેખાને ખૂબ ઉલટીઓ થઈ હતી અને તેને કારણે તેનું મોત થયું હતું. 

અગાઉ પણ આવી ઘટનાઓ બની ચૂકી છે

ઉલ્લેખનીય છે કે ઝેરી નૂડલ્સ ખાવાને કારણે મોતની આ પહેલી ઘટના નથી. અગાઉ પણ આવી ઘટનાઓ બની ચૂકી છે માટે ધ્યાન રાખવું ખૂબ જરુરી છે.