બોલિવૂડ / કોણ છે હર્ષ મહેતા? 19 વર્ષ નાના કરોડપતિ બિઝનેસમેનના પ્રેમમાં મલાઈકા અરોરા

બોલિવૂડ એક્ટ્રેસ મલાઈકા અરોરા ઈન્ડસ્ટ્રીની એવી એક્ટ્રેસમાંની એક છે જે માત્ર તેના પ્રોફેશનલ લાઈફ માટે જ નહીં પરંતુ તેની પર્સનલ લાઈફ માટે પણ હેડલાઇન્સમાં રહે છે. મલાઈકા તેના લવ લાઈફ માટે પણ સમાચારમાં રહી છે. અર્જુન કપૂર સાથે ડેટિંગથી લઈને તેના બ્રેકઅપ સુધી મલાઈકાએ ઘણી ચર્ચા મેળવી હતી. હવે ફરી એકવાર તેનું નામ કોઈની સાથે જોડાયુ હોય તેવું લાગે છે. આ વખતે મલાઈકા તેના કરતા ઘણા નાના પુરુષને ડેટ કરી રહી છે. અમે હર્ષ મહેતા વિશે વાત કરી રહ્યા છીએ. હર્ષનું નામ આવતાની સાથે જ દરેક વ્યક્તિ જાણવા માંગે છે કે તે કોણ છે.

• કોણ છે હર્ષ મહેતા?
  

33 વર્ષીય હર્ષ મહેતા એક હીરાના વેપારી છે અને સેનકસ મેનેજમેન્ટના મેનેજિંગ ડિરેક્ટર છે. હર્ષ કોઈ સામાન્ય માણસ નથી. તે કરોડોની સંપત્તિ ધરાવતો એક જાણીતો બિઝનેસમેન છે. જોકે તેની કુલ સંપત્તિ વિશે હજુ સુધી કોઈ માહિતી બહાર આવી નથી.

View this post on Instagram

A post shared by Viral Bhayani (@viralbhayani)

• શું મલાઈકા 33 વર્ષીય પુરુષને ડેટ કરી રહી છે?
  

બોલિવૂડ અભિનેત્રી મલાઈકા અરોરા અર્જુન કપૂર સાથેના બ્રેકઅપ બાદ એક હીરાના વેપારીને ડેટ કરી રહી છે. અહેવાલો અનુસાર મલાઈકા 33 વર્ષીય હર્ષ મહેતાને ડેટ કરી રહી છે. તાજેતરમાં જ મલાઈકા અને હર્ષના ફોટા સોશિયલ મીડિયા પર સામે આવ્યા હતા. રેડિટ પર આ ફોટા સામે આવ્યા બાદ એવી અફવા ફેલાઈ હતી કે તેને ઇટાલીમાં હર્ષ સાથે વેલેન્ટાઇન ડે ઉજવ્યો હતો. આ વાયરલ ફોટામાં બંને ઇટાલીના ફેમસ ટ્રેવી ફાઉન્ટેનમાં જોવા મળે છે. લાર્જ બ્લેક ટ્રેન્ચ કોટમાં સજ્જ, મલાઈકા હર્ષ સાથે સેલ્ફી લેતી જોઈ શકાય છે.

• લાઈવ કોન્સર્ટમાં સાથે જોવા મળ્યો
  ઉલ્લેખનીય છે કે, હર્ષ મહેતા અને મલાઈકા પહેલા પણ સાથે સમય વિતાવતા જોવા મળ્યા છે. તેઓ 29 ઓક્ટોબરના રોજ એનરિક ઇગ્લેસિયસના કોન્સર્ટમાં જોવા મળ્યા હતા. જ્યાં તેઓ ખૂબ જ મજા કરતા જોવા મળ્યા હતા. તેમના વારંવાર એકસાથે દેખાવાને કારણે અટકળો શરૂ થઈ ગઈ છે કે તેઓ ડેટિંગ કરી રહ્યા છે. પરંતુ આ રૂમર્સ અંગે હજુ સુધી બંને પક્ષ દ્વારા કોઈ ઓફિશિયલ નિવેદન આપવામાં આવ્યું નથી.
  

વધુ વાંચો : VIDEO : હોસ્પિટલમાં સલીમ ખાનને મળવા પહોંચી મલાઈકા અરોરા, અરબાઝ સાથે તલાક બાદ પણ ન તોડ્યો સંબંધ

• અરબાઝ સાથે લગ્ન
  

મલાઈકાના લગ્ન અરબાઝ ખાન સાથે થયા હતા. પરંતુ હવે તેઓ છૂટાછેડા લઈ ચૂક્યા છે. મલાઈકા અને અરબાઝને અરહાન નામનો પુત્ર છે. છૂટાછેડા બાદ મલાઈકાએ લાંબા સમય સુધી અર્જુન કપૂરને ડેટ કરી હતી. પરંતુ આ સંબંધ પણ ટક્યો નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ