મનોરંજન / VIDEO : હોસ્પિટલમાં સલીમ ખાનને મળવા પહોંચી મલાઈકા અરોરા, અરબાઝ સાથે તલાક બાદ પણ ન તોડ્યો સંબંધ

ખાન પરિવાર હાલમાં મુશ્કેલ સમયમાંથી પસાર થઈ રહ્યો છે. સલમાન ખાનના પિતા અને સ્ક્રીન રાઇટર સલીમ ખાનને છેલ્લા ઘણા દિવસોથી મુંબઈની લીલાવતી હોસ્પિટલમાં દાખલ કરવામાં આવ્યા છે. આથી આખો પરિવાર સતત હોસ્પિટલની મુલાકાત લઈ રહ્યો છે. એમાં દરેક સલીમ ખાનના સ્વાસ્થ્યને લઈને ચિંતિત છે. જેમાં હવે ખાન પરિવારની પૂર્વ પુત્રવધૂ મલાઈકા અરોરા પણ સલીમ ખાનને મળવા ગઈ છે.

View this post on Instagram

A post shared by Mamaraazzi (@mamaraazzi)

અરબાઝ ખાનની પૂર્વ પત્ની મલાઈકા અરોરાને લીલાવતી હોસ્પિટલની બહાર જોવામાં આવી હતી. જેમાં મલાઈકા તેના પુત્ર અરહાન ખાન સાથે સલીમ ખાનના સ્વાસ્થ્યની પૂછપરછ કરવા માટે હોસ્પિટલમાં પહોંચી હતી. કારમાંથી ઉતર્યા બાદ મલાઈકા સીધી હોસ્પિટલ ગઈ. મલાઈકા થોડી નર્વસ દેખાઈ હતી. તેના ચહેરા પર સલીમ ખાનના સ્વાસ્થ્ય અંગે ચિંતા સ્પષ્ટ દેખાઈ રહી હતી. મલાઈકાના વીડિયો સોશિયલ મીડિયા પરવાયરલ થઈ રહ્યા છે.

ઉલ્લેખનીય છે કે, અરબાઝ ખાનથી છૂટાછેડા બાદ પણ મલાઈકા ખાન પરિવાર સાથે ખાસ સંબંધ ધરાવે છે. તે ઘણીવાર ખાન પાર્ટીઓ અને લંચ ડેટમાં જોવા મળે છે. તેમના અલગ થયા બાદ પણ મલાઈકા અને અરબાઝ મુશ્કેલ સમયમાં સાથે રહ્યા છે.

ખાન પરિવાર સતત હોસ્પિટલની મુલાકાત લઈ રહ્યો છે. આ મુશ્કેલ સમયમાં આખો પરિવાર એકબીજાને સપોર્ટ આપી રહ્યો છે. ફિલ્મ જગતના ઘણા લોકો હોસ્પિટલમાં સલીમ ખાનની મુલાકાતે આવ્યા હતા. જેમાં શિલ્પા શેટ્ટી, સંજય દત્ત, જાવેદ અખ્તર અને આમિર ખાન તેમની ગર્લફ્રેન્ડ ગૌરી સાથે તેમની મુલાકાત લીધી હતી. સોહેલ ખાનની પૂર્વ પત્ની સીમા સજદેહ પણ હોસ્પિટલની બહાર જોવા મળી હતી.

વધુ વાંચો :પ્રેગ્રેન્સીની અફવાઓને લઇ ગુસ્સે ભરાઇ સરગુન મહેતા, સોશિયલ મીડિયા પર ગુસ્સો કર્યો વ્યક્ત

સલીમ ખાનને 17 ફેબ્રુઆરીની સવારે લીલાવતી હોસ્પિટલમાં દાખલ કરવામાં આવ્યા હતા. સલીમ ખાનની સારવાર કરી રહેલા ડૉ. જલીલ પારકરે મીડિયા સાથે સ્વાસ્થ્ય અપડેટ શેર કરતા જણાવ્યું હતું કે, તેમની કોઈ સર્જરી થઈ નથી. તેમને મગજમાં નજીવો રક્તસ્ત્રાવ થયો હતો જેના માટે DSA પ્રક્રિયા કરવામાં આવી હતી. ડૉક્ટરે એમ પણ કહ્યું હતું કે સલીમ ખાનની સ્થિતિ સ્થિર છે અને તેઓ સારવારનો પ્રતિભાવ આપી રહ્યા છે. તેઓ હાલમાં ડૉક્ટરોની ટીમની દેખરેખ હેઠળ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ