આગાહી / રાજસ્થાનમાં ભીષણ ગરમી તો યૂપી-બિહારમાં તોફાની વરસાદની આગાહી , જાણો કેવું રહેશે ગુજરાતનું હવામાન

રાજધાની દિલ્હી સહિત મોટાભાગના રાજ્યોના હવામાનમાં મોટો ફેરફાર જોવા મળી રહ્યો છે. ઘણી જગ્યાએ તોફાન અને વરસાદ ચાલુ છે, તો ઘણી જગ્યાએ તીવ્ર ગરમી લોકોને પરેશાન કરી રહી છે. દરમિયાન, હવામાન વિભાગે આજ માટે આગાહી જારી કરી છે. IMDનું કહેવું છે કે બંગાળની ખાડીમાં સર્જાયેલા વાવાઝોડા અને પશ્ચિમી વિક્ષેપના પ્રભાવને કારણે આજે ઘણા રાજ્યોમાં વરસાદ, વાવાઝોડા અને વીજળી પડવાની શક્યતા છે, જ્યારે કેટલાક વિસ્તારોમાં તીવ્ર ગરમીનું મોજું ચાલુ રહેશે. ક્યાં હવામાન કેવું રહેશે તે જોઇએ.

ગુજરાતમાં આજે હળવાથી મધ્યમ વરસાદની હવામાન વિભાગની આગાહી છે. જેમાં આજે ગીર સોમનાથ, અમરેલી, દિવ, ભાવનગર, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ, દાદરાનગર હવેલીમાં છૂટાછવાયા વરસાદની આગાહી છે.

હવામાન વિભાગના ડાયરેક્ટર એકે દાસે જણાવ્યું કે, 21 મે બાદ રાજ્યમાં વરસાદ વરસાદની ગતિમાં વધારો થશે. સૌરાષ્ટ્ર અને કચ્છમાં મધ્યમથી ભારે વરસાદની આગાહી છે. 22-24 મે દરમિયાન ગુજરાતમાં ગાજવીજ સાથે ભારે વરસાદની આગાહી છે. 24 મે એ રાજ્યમાં ગાજવીજ સાથે સાર્વત્રિક મધ્યમ વરસાદની આગાહી છે.

દિલ્હી-એનસીઆરમાં વાવાઝોડા અને વરસાદ

દિલ્હી-એનસીઆરમાં આજે હવામાન બદલાયું છે. હવામાન વિભાગના જણાવ્યા અનુસાર, પશ્ચિમી વિક્ષેપ અને ચક્રવાતી પવનોના પ્રભાવને કારણે હળવા થી મધ્યમ વરસાદ, ધૂળનું તોફાન અને વાવાઝોડું થવાની શક્યતા છે . મહત્તમ તાપમાન ૩૮ ડિગ્રી સેલ્સિયસ અને લઘુત્તમ તાપમાન ૨૬ ડિગ્રી સેલ્સિયસ રહેવાની ધારણા છે. ધૂળિયા પવનોને કારણે લોકોને સાવધાની રાખવાની સલાહ આપવામાં આવી છે.

રાજસ્થાનમાં ગરમીનું એલર્ટ

રાજસ્થાનના પશ્ચિમી ભાગો, ખાસ કરીને જેસલમેર, બિકાનેર અને જોધપુરમાં ગરમીનું મોજું ચાલુ રહેશે . મહત્તમ તાપમાન 42-45 ડિગ્રી સેલ્સિયસ સુધી પહોંચી શકે છે. જોકે, પૂર્વી રાજસ્થાનમાં હળવો વરસાદ અને વાવાઝોડાની શક્યતા છે, જેનાથી થોડી રાહત મળી શકે છે. લોકોને ગરમીથી બચાવવા માટે સતર્ક રહેવાની સલાહ આપવામાં આવી છે.

આ પણ વાંચોઃ અટારી સહિત ત્રણેય બોર્ડર પર આજથી ફરી શરૂ થશે રિટ્રીટ સેરેમની, પણ આ એક મોટા ફેરફાર સાથે

કેરળ-કર્ણાટક

દક્ષિણ ભારતમાં કર્ણાટકમાં, ખાસ કરીને દરિયાકાંઠાના અને દક્ષિણ આંતરિક વિસ્તારોમાં ભારેથી અતિ ભારે વરસાદની સંભાવના છે. બેંગલુરુ, મેંગલુરુ અને હુબલીમાં ભારે વરસાદ પડી શકે છે. હવામાન વિભાગે 20 અને 21 મેના રોજ અતિ ભારે વરસાદની ચેતવણી આપી છે. તાપમાન 30-34 ડિગ્રી સેલ્સિયસની વચ્ચે રહેશે. પૂર્વ-ચોમાસાની ગતિવિધિઓને કારણે કેરળમાં ભારે વરસાદની અપેક્ષા છે. તિરુવનંતપુરમ, કોચી અને કોઝિકોડમાં ભારે વરસાદ અને વાવાઝોડાની સંભાવના છે. માછીમારોને દરિયામાં ન જવાની સલાહ આપવામાં આવી છે. તાપમાન 29-32 ડિગ્રી સેલ્સિયસની વચ્ચે રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ