IND VS AFG / VIDEO: 14 મહિના બાદ T20 રમશે વિરાટ કોહલી, ગુજરાત ટાઈટન્સના આ ખેલાડીનું કપાશે પત્તું?

• વિરાટ કોહલીની ટીમ ઈન્ડિયામાં ફરી એન્ટ્રી 
• ઈન્દોર માટે રવાના થયો કોહલી 
• જાણો કયા ખેલાડીને કરી શકે છે રિપ્લેસ 

ભારત અને અફઘાનિસ્તા વચ્ચે ત્રણ મેચની ટી 20 સીરિઝ ચાલી રહી છે જેમાં ઉત્તરાયણના દિવસે જ 14મી જાન્યુઆરીએ બીજી મેચ રમાશે. ઈન્દોરના સ્ટેડિયમમાં મેચ રમાવાની છે ત્યારે ભારતના સ્ટાર ક્રિકેટર વિરાટ કોહલી ઈન્દોર માટે રવાના થયો છે. 14 મહિના બાદ વિરાટ કોહલી ટી 20 મેચ રમશે. છેલ્લે કોહલીએ 2022માં ટી 20 મેચ રમી હતી. પહેલી મેચમાં વિરાટ કોહલી રમી શક્યો નહોતો, જોકે આ મેચમાં ભારતનો શાનદાર વિજય થયો હતો. 

King Kohli on his way to Indore.

- The GOAT returns tomorrow...!!! 🐐pic.twitter.com/CQFQvpp5i8

— Mufaddal Vohra (@mufaddal_vohra) January 13, 2024

હવે બીજી અને ત્રીજી મેચમાં વિરાટ કોહલી જોવા મળી હસકે છે, મેચ માટે કોહલી આજે જ મુંબઈ એરપોર્ટથી ઈન્દોર માટે રવાના થયો છે.

જોકે સૌથી મોટો સવાલ એ છે કે વિરાટ કોહલી પ્લેઈંગ 11માં આવશે તો પહેલી મેચમાં જે ખેલાડીઑ રમ્યા હતા તેમાંથી કયા ખેલાડીનું પત્તું કપાઈ જશે? પહેલી મેચમાં રોહિત શર્મા અને શુભમન ગિલે ઓપનિંગ કરી હતી જ્યારે તિલક વર્મા ત્રીજા નંબર પર રમ્યો હતો. એવામાં કોહલી ઓપનિંગ કરી શકે છે અથવા નંબર 3 પર બેટિંગ કરી શકે છે. 

વધુ વાંચો : બે ગુજરાતી બોલર્સ, ઈશાન કિશન પર વિવાદ...: ટીમ ઈન્ડિયાની નવી ટીમમાં શું છે ખાસ?

જો વિરાટ કોહલી ઓપનિંગ કરશે તો શુભમન ગિલની જગ્યા લેશે અને જો ત્રીજા નંબર પર બેટિંગ કરશે તો તિલક વર્માનું પત્તું કપાશે એ નિશ્ચિત છે.