રંગરસિયા / VIDEO: ભાજપના નેતાએ સ્મશાનમાં રંગ મહેલ ખડો કર્યો? હાઇવે બાદ હવે સ્મશાનમાં રંગરેલિયા

મીડિયા પર વાયરલ થયેલા વીડિયોમાં ભાજપના નેતા રાહુલ વાલ્મીકી અંડરગાર્મેન્ટમાં કારમાંથી બહાર નીકળતા અને ભીડને જોઈને લોકોના પગ પકડીને માફી માંગતા જોવા મળે છે.

નેતાજી સ્મશાનમાં ઇશ્કબાજી કરતા પકડાયા

ઉત્તર પ્રદેશના બુલંદશહેર જિલ્લાના શિકારપુર વિસ્તારમાંથી એક શરમજનક ઘટના સામે આવી છે. જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં ભારતીય જનતા પાર્ટી (ભાજપ) અનુસૂચિત જાતિ મોરચાના જિલ્લા મંત્રી રાહુલ વાલ્મીકી એક પરિણીત મહિલા સાથે વાંધાજનક સ્થિતિમાં જોવા મળે છે. આ ઘટના શિકારપુર કોતવાલી વિસ્તાર હેઠળના કૈલાવન ગામમાં સ્મશાન ઘાટ પાસે બની હોવાનું કહેવાય છે.

પગ પકડીને માંગી માફી

સોશિયલ મીડિયા પર વાયરલ થયેલા વીડિયોમાં ભાજપ નેતા રાહુલ વાલ્મીકી અંડરગાર્મેન્ટમાં કારમાંથી બહાર નીકળતા અને ભીડને જોઈને લોકોના પગ પકડીને માફી માંગતા જોવા મળે છે. તેણે લોકોને વીડિયો ન બનાવવા અને તેને જવા દેવા વિનંતી કરી. જ્યારે તેની સાથે આવેલી મહિલાએ સ્કાર્ફથી પોતાનો ચહેરો છુપાવવાનો પ્રયાસ કર્યો. આ ઘટના શુક્રવારે (11 જુલાઈ) સાંજે બની હોવાનું કહેવાય છે. જ્યારે સ્થાનિક લોકોએ સ્મશાનગૃહ પાસે એક શંકાસ્પદ કાર પાર્ક કરેલી જોઈ. જ્યારે તેમને શંકા ગઈ ત્યારે તેમણે કારની તપાસ કરી અને રાહુલ વાલ્મીકીને મહિલા સાથે વાંધાજનક સ્થિતિમાં પકડી લીધો.

વધુ વાંચો: દેશના કેટલાક રાજ્યોમાં વરસાદ મચાવશે તાંડવ, પહાડી રાજ્યોમાં એલર્ટ! IMDએ જારી કરી ચેતવણી

આ પછી લોકોએ તરત જ પોતાના મોબાઈલ ફોન પર વીડિયો બનાવવાનું શરૂ કર્યું. જે પછી તે સોશિયલ મીડિયા પર વાયરલ થઈ ગયો. વીડિયોમાં રાહુલ વારંવાર માફી માંગતો અને વીડિયો ન બનાવવાની અપીલ કરતો જોવા મળે છે. અહીં રાહુલ વાલ્મીકીના પિતાનો દાવો છે કે આ વીડિયો 5-6 મહિના જૂનો છે અને તેને રાજકીય ષડયંત્રના ભાગ રૂપે વાયરલ કરવામાં આવ્યો છે. દરમિયાન બુલંદશહેરના SP (ગ્રામીણ) ડૉ. તેજવીર સિંહે કહ્યું કે વાયરલ વીડિયો તેમની જાણકારીમાં છે અને તેની તપાસ કરવામાં આવી રહી છે. જોકે આ અંગે હજુ સુધી કોઈ લેખિત ફરિયાદ નોંધાઈ નથી. પરંતુ પોલીસ વીડિયોના આધારે ઓળખ કરવામાં વ્યસ્ત છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ