વેલેંટાઈન વીક / ફોર યોર વેલેન્ટાઈન..! પ્રેમને વ્યક્ત કરવા માટે ક્યારે કયો દિવસ, નોટ કરી લો નહીંતર પસ્તાશો

• ફેબ્રુઆરીને Month of Love માનવામાં આવે છે
• વેલેંટાઈન વિકમાં અલગ-અલગ દિવસોની ઊજવણી થાય છે
• સંત વેલેંટાઈનની યાદમાં આ દિવસ ઊજવવામાં આવે છે

ફેબ્રુઆરી મહિનો હવે શરૂ થવા જઈ રહ્યો છે. આ મહિનાની કપલ્સ આતુરતાથી રાહ જોઈ રહ્યાં હોય છે કારણકે વેલેંટાઈન વીક આ મહિનાને રોમાંટિક બનાવે છે. ફેબ્રુઆરીને તો પ્રેમનો મહિનો પણ કહેવામાં આવે છે. વેલેંટાઈન ડે14 ફેબ્રુઆરીનાં આવે છે પણ આ પહેલાં એક અઠવાડિયા સુધી વિવિધ DAYS સેલિબ્રેટ કરવામાં આવે છે. 

વેલેંટાઈન્સ વિકમાં આવતાં દિવસો
7 ફેબ્રુઆરી - રોઝ ડે, ​
8 ફેબ્રુઆરી - પ્રપોઝ ડે
9 ફેબ્રુઆરી - ચોકલેટ ડે
10 ફેબ્રુઆરી - ટેડી ડે
11 ફેબ્રુઆરી - પ્રોમિસ ડે
12 ફેબ્રુઆરી - હગ ડે
13 ફેબ્રુઆરી - કિસ ડે
14 ફેબ્રુઆરી - વેલેન્ટાઇન ડે

વેલેંટાઈન્સ ડેનો ઈતિહાસ
માનવામાં આવે છે કે વેલેન્ટાઈન્સ ડેની શરૂઆત પ્રાચીન રોમમાં થઈ હતી. જ્યારે 13 ફેબ્રુઆરીથી 15 ફેબ્રુઆરી સુધી લુપર્કેલિયાનું સેલિબ્રેશન કરવામાં આવતું હતું. આ દિવસે પુરૂષો દ્વારા એક બકરી અને એક કૂતરાની બલી આપવામાં આવતી હતી અને પછી મહિલાઓને આ બલી આપેલા જાનવરોના ચામડામાંથી મારવામાં આવતી હતી. એવું માનવામાં આવતું હતું કે તેનાથી મહિલાઓની પ્રજનન ક્ષમતા સારી થાય છે. આ મહોત્સવ વખતે મેચ-મેકિંગ લોટરી પણ કાઢવામાં આવતી હતી. પુરૂષ એક જારમાંથી મહિલાઓનું નામ કાઢતા હતા અને જેનું નામ જારમાંથી નિકળતુ તે મહિલાની સાથે કપલ બની જતા હતા. લુપર્કેલિયાના પર્વ ત્રીજી શતાબ્દી ઈસ્વીમાં વેલેન્ટાઈન ડેના રૂપમાં બદલાઈ ગયું. 

વધુ વાંચો: ફાઈટરનો કિસીંગ સીન વિવાદમાં: વિંગ કમાંડરે ઋતિક રોશન-દિપીકાને મોકલી નોટિસ, કહ્યું વરદી કપડાંનો ટુકડો નથી પણ..

14 ફેબ્રુઆરીએ આપવામાં આવી ફાંસી 
સમ્રાટ ક્લોડિયસ બીજાએ સંત વેલેન્ટાઈન્સને ફાંસી આપવાનો આદેશ આપ્યો હતો. સંત વેલેન્ટાઈન્સ એક પાદરી હતા તેમણે ઈસાઈ કપલને લગ્નમાં મદદ કરી હતી. સમ્રાટ ક્લાડિયસ દ્વિતીય પુરૂષોના વિવાહના વિરૂદ્ધ હતા અને આદેશ આપ્યો હતો કે સંત વેલેન્ટાઈનનું માથુ કલમ કરી દેવામાં આવે. તેમને 14 ફેબ્રુઆરીએ ફાંસી આપવામાં આવી. એવું પણ કહેવામાં આવ્યું કે જ્યારે સંત વેલેન્ટાઈન જેલમાં હતા. તેમણે જેલરની આંધળી દિકરીની દેખરેખ માટે તેને એક કાર્ડ પણ લખ્યું, જેના પર લખ્યું હતું, "ફોર યોર વેલેન્ટાઈન".