અપીલ / મ્યાનમારમાં ફસાયાં 10 ગુજરાતી યુવકો, મોઢે માસ્ક, ચહેરા પર ચિંતા, વીડિયો કર્યો વાયરલ

વડોદરામાંથી નોકરીની લાલચે મ્યાનમાર ગયેલા 100થી વધુ લોકો ત્યાં ફસાઈ ગયા હોવાનો ચોંકાવનારો મામલો સામે આવ્યો છે. છેલ્લા 20 દિવસથી વધુ સમયથી અનેક યુવકો મ્યાનમારમાં અટવાયેલા છે. ત્યાં અત્યારે તે શું કરી રહ્યા છે. અને કઈ હાલતમાં છે તેની પણ પરિવારને જાણકારી ન હોવાનું સામે આવ્યું છે.

મળતી વિગતો મુજબ વડોદરા જિલ્લાના સાવલી સહિત ગુજરાતના અલગ-અલગ વિસ્તારોના લગભગ 10 લોકોને સારી નોકરી આપવાનું કહી મ્યાનમાર લઈ જવામાં આવ્યા હતા. શરૂઆતમાં આ યુવકોને વિદેશમાં સારી આવક અને સુખાકારીના સપના બતાવવામાં આવ્યા હતા, પરંતુ ત્યાં પહોંચ્યા બાદ તેમને ગેરકાયદે કામ કરવા મજબૂર કરવામાં આવ્યા હોવાનું જાણવા મળ્યું છે.

વધુ વાંચો: VIDEO : બાંગ્લાદેશમાં આવતાં જ મોટું એલાન કર્યું ખાલિદા જિયાના પુત્રે, લાખો લોકો ઓળઘોળ

View this post on Instagram

A post shared by Sambhaav Nascent LLP (@vtv_gujarati_news)

પરિવારે સરકારને કરી અપિલ

સાવલી તાલુકાના સાંઢાસાલ ગામનો એક યુવક પણ ફસાયો હોવાનું સામે આવ્યું છે. સાથે જ સાંઢાસાલના ગુંજન શાહ પણ મ્યાનમારમાં ફસાયા હોવાનું જાણવા મળ્યું છે. ગુંજન શાહના પિતાએ સરકારને અપીલ કરતા જણાવ્યું છે કે તેમના દીકરા સહિત તમામ યુવકોને સુરક્ષિત રીતે ભારત પરત લાવવા સરકાર તાત્કાલિક પગલાં ભરે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ