બોટ ટ્રેજેડી / વડોદરા બોટ દુર્ઘટનાનો કેસ પહોંચ્યો હાઇકોર્ટ, સુઓમોટો દાખલ કરવાની રજૂઆતનો કરાયો સ્વીકાર

• વડોદરાના હરણી તળાવમાં બોટ પલટી જવાનો કેસ 
• ગુજરાત હાઈકોર્ટમાં સુઓમોટો દાખલ કરવા કરાઈ રજૂઆત 
• HCના એડવોકેટ એસોસિયેશનના પ્રમુખે હાઈકોર્ટમાં કરી રજૂઆત 
• પ્રમુખ બ્રિજેશ ત્રિવેદીએ ચીફ જસ્ટિસ જજની કોર્ટમાં સુઓમોટો લેવા રજૂઆત કરી 
• સુઓમોટોની રજૂઆત બાદ હાઈકોર્ટે દસ્તાવેજી પૂરાવા માગ્યા 

Vadodara Harani Lake Boat Tragedy : વડોદરા દુર્ઘટના કેસને લઈ સૌથી મોટા સમાચાર સામે આવ્યા છે. વાત જાણે એમ છે કે, વડોદરાના હરણી તળાવમાં બોટ પલટી જવાનો કેસ હવે ગુજરાત હાઇકોર્ટ પહોંચ્યો છે. ગુજરાત હાઈકોર્ટમાં સુઓમોટો દાખલ કરવાની રજૂઆતનો સ્વીકાર કરવામાં આવ્યો છે. મહત્વનું છે કે, વડોદરાના હરણી તળાવમાં બોટ પલટી જવાના કેસ 17 લોકોના મોત થયા છે. જેમાં 14થી વધુ બાળકોએ જીવ ગુમાવ્યો છે. 

વડોદરાના હરણી તળાવમાં બોટ પલટી જવા કેસમાં HCના એડવોકેટ એસોસિયેશનના પ્રમુખે હાઈકોર્ટમાં રજૂઆત કરી હતી. જેને લઈ હવે હરણી તળાવમાં બોટ પલટી જવાનો કેસ ગુજરાત હાઇકોર્ટ પહોંચ્યો છે. પ્રમુખ બ્રિજેશ ત્રિવેદીની રજૂઆત ચીફ જસ્ટિસ જજની કોર્ટે સ્વીકારી છે. પ્રમુખ બ્રિજેશ ત્રિવેદીએ ચીફ જસ્ટિસ જજની કોર્ટમાં સુઓમોટો લેવા રજૂઆત કરી હતી. જે બાદમાં હવે સુઓમોટોની રજૂઆત બાદ હાઈકોર્ટે દસ્તાવેજી પૂરાવા માગ્યા છે. 

વધુ વાંચો: ભારે કરી! સેવ ઉસળનો નાસ્તો બનાવનારને અપાયો બોટિંગનો કોન્ટ્રાક્ટ, પછી દુર્ઘટના ના ઘટે તો બીજું શું થાય?

વડોદરાના હરણી તળાવમાં જે દુર્ઘટના બની તેને દ્રશ્ય માધ્યમમાં જોતા અને અનુભવતા હૃદયમાં કંપારી છુટી જાય છે. ગુજરાતમાં આવી દુર્ઘટના પહેલી નથી, એક યા બીજી બેદરકારીને કારણે માસૂમ બાળકોએ જીવ ગુમાવ્યાની ઘટના પણ પહેલી નથી પણ અત્યંત દુખ છે. આજે વડોદરા સહિત ગુજરાત સમગ્ર ગુજરાત આ દૂર્ઘટનાથી વિચલિત છે. વિદ્યાર્થીઓનો આંકડો માત્ર એ વ્હાલસોયાના મા-બાપને જ નહીં પણ આખા રાજ્યને રડાવવા માટે પૂરતો છે.