વિવાદ / શપથગ્રહણ પહેલા વિવાદમાં ઘેરાયા ઉત્તરાખંડના નવા CM ધામી, જાણો શું છે મામલો

• ઉત્તરાખંડના નવા મુખ્યમંત્રી પુષ્કર સિંહ ધામી વિવાદમાં ફસાયા
• ધામીના 6 વર્ષ પહેલાના ટ્વિટે વિવાદ સર્જ્યો
• ધામીને અખંડ ભારતનો નકશો ટ્વિટ કર્યો
• નકશામાં લદ્દાખ અને પાક.કબજા હેઠળના વિસ્તારોને છોડી દેવાયા હતા 
• ટ્વિટર યુઝર્સે ધામીનું શોધી કાઢ્યું ટ્વિટ, શેર કરવા લાગ્યા 

છ વર્ષ પહેલાના પુષ્કરસિંહ ધામીના એક ટ્વિટને કારણે વિવાદ સર્જાયો છે. 2015 માં ધામીએ એક ટ્વિટ કર્યું હતું જેમાં તેમણે અખંડ ભારતનો નકશો શેર કર્યો હતો. હવે તેમના આ ટ્વિટ પર વિવાદ પેદા થયો છે. કથિત રીતે નકશામાં દર્શાવામાં આવેલા અખંડ ભારતમાં લદ્દાખના થોડા વિસ્તારો તથા પાકિસ્તાનના કબજાવાળા વિસ્તારોનો સમાવેશ કરાયો નથી. 

ટ્વિટર યુઝર્સે ધામીનું 6 વર્ષ પહેલાનું ટ્વિટ શોધી કાઢ્યું અને તેને શેર કરવા લાગ્યાં. ટ્વિટર યુઝર્સનું કહેવું છે કે ધામીના અખંડ ભારતના નકશામાં પાકિસ્તાની કબજા હેઠળના વિસ્તારો તથા લદ્દાખના કેટલાક વિસ્તારોને છોડી દેવાયા હતા. 

ઉત્તરાખંડના સીએમ પદે  શપથ લઈ રહ્યાં છે પુષ્કર સિંહ ધામી 

પુષ્કર સિંહ ધામી ઉત્તરાખંડના સીએમ પદે સાંજના 5 વાગ્યાની આસપાસ શપથ લઈ રહ્યાં છે, ગઈ કાલે દહેરાદુનમાં મળેલી ભાજપ ધારાસભ્ય દળની બેઠકમાં તેમની નેતા તરીકે પસંદગી કરાઈ હતી. 

કોણ છે પુષ્કર ધામી 
પુષ્કર ધામી ઉધમ સિંહ નગર જિલ્લાની ખાતિમાના ધારાસભ્ય છે અને તે ભગતસિંહ કોશિયારીની ખૂબ નજીકના નેતા છે. તેઓ ભાજપ યુવા મોરચના અધ્યક્ષ છે. તેઓ આરએસએસની પણ નજીકના નેતા ગણાય છે. તેઓ રાજ્યના સૌથી યુવા મુખ્યમંત્રી બનશે.