કામની વાત / પ્રોપર્ટી વિવાદ, લગ્ન સમસ્યા..., જેવાં દરેક પ્રશ્નોનું સમાધાન હવે WhatsApp પર!

Nyaya Setu Chatbot: આમ તો દરેક માણસ એવું ઈચ્છતો હોય છે કે તે કોર્ટ કચેરીથી દૂર રહે પણ છતાંય ક્યારેક તો આપણને સૌને કાયદાકીય સહાયતાની જરૂર પડે જ છે. પછી તે મુદ્દો જમીન-જાયદાદનો હોય કે પારિવારિક મામલો હોય. અને આ બધા પ્રશ્નોના જવાબ માટે લોકોને કોર્ટ અને વકીલોના ચક્કર લગાવવા પડે છે. આમાંથી છુટકારો મળે એ માટે ભારત સરકારે નાગરિકોને અલગ અલગ કાયદાકીય સવાલોના જવાબો માટે એક ખાસ સુવિધા પૂરી પાડી છે. હવે કોઈપણ કાનૂનને લગતા જવાબ તમને આંગળીના ટેરવે WhatsApp પર જ મળી જશે. ભારત સરકારે સામાન્ય જનતાની રાહત માટે એક ન્યાય સેતુ (Nyaya Setu) AI Chatbot લોન્ચ કર્યું છે જે પ્રોપર્ટી, લગ્ન કે અન્ય કાનૂની મામલામાં સલાહ ઘર બેઠા મેળવવા માટે એક ડિજિટલ કનેક્શનની જેમ કામ કરશે.

કેવી રીતે આ કરશે મદદ?

હકીકતમાં ન્યાય સેતુ Nyaya Setu AI Chatbot તમારા ફોનમાં દરેક કાયદાકીય જાણકારી તમને આપશે જે તમારે જોઈએ છીએ. એ કઈંક એવી રીતે ડિઝાઇન કરવામાં આવ્યું છે કે તમને મફતમાં જ આ સેવા તમારા ફોનમાં મળશે. આ ચેટબોટ તમને જમીન જાયદાદથી સંલગ્ન કાગળિયા વિશે જાણકારી આપશે, લગ્નમાં વિવાદ કે પછી ભરણપોષણ અને કસ્ટડી જેવા મુદ્દા, ફ્રોડ કે ખરાબ સર્વિસ રિલેટેડ કોઈપણ ફરિયાદ કેવી રીતે કરવી તેની જાણકારી કે પછી FIR કેવી રીતે રજીસ્ટર કરવીથી માંડીને તમામ કાયદાકીય સહાયતા માટેની સંપૂર્ણ જાણકારી આપશે.

આ પણ વાંચો: ભક્તો મુંબઈના સિદ્ધિવિનાયકની મુખ્ય મૂર્તિના દર્શન નહીં કરી શકે, જાણો કેમ અને ક્યાં સુધી

જાણકારી મેળવવા માટે શું કરવું?

આ AI ચેટબોટને ઉપયોગ કરવા માટે તમારે WhatsApp પર 7217711814 નંબર પર મેસેજ કરવાનો રહેશે. આ Tele Law ના નામથી નંબર બતાવશે. તમારો મોબાઈલ નંબર વેરીફાય થયા પછી તમને ચેટબોટનું એક્સેસ મળશે જે AI ટેકનોલોજીથી ચાલે છે. આ સુવિધા સંપૂર્ણ રીતે મફત છે. આ સર્વિસ સરળ પ્રશ્નોના જવાબ માટે AI નો ઉપયોગ કરે છે અને શરૂઆતની સલાહ મફતમાં આપ્યા પછી વધુ જાણકારી માટે તમને વકીલ સાથે જોડે છે.

આ સર્વિસ તમારા ફોનમાં ચાલુ કરવા માટે:

• સૌ પહેલા તમારા ફોનમાં ઓફિશિયલ નંબર 7217711814 સેવ કરી અને આ નંબર પર WhtasApp માં Hi લખીને મેસેજ મોકલો.
• chatbot તમને અમુક સવાલ પૂછશે જેના જવાબ તમારે આપવાના રહેશે.
• ત્યારબાદ તે તમને સ્ટેપ બાય સ્ટેપ લીગલ પ્રોસેસની જાણકારી આપશે.
• આમ તમને કોર્ટ કે વકીલ પાસે ગયા પહેલા પ્રાથમિક જાણકારી ઘેર બેઠા મળશે.
• આ ચેટબોટ સાથે કરવામાં આવેલી તમામ ચેટ સેફ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ