તમારા કામનું / માત્ર 5000ના રોકાણ પર 92 લાખનો ફાયદો? બદલાઈ ગઈ NPS સિસ્ટમ

પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA)એ થોડા દિવસો પહેલા જ પ્રાઇવેટ સેક્ટરના કર્મચારીઓ માટે NPSમાં મોટા ફેરફારની માહિતી આપી હતી. એ પ્રમાણે, હવે નોન-ગવર્નમેન્ટ એમ્પ્લોય NPSમાં પોતાના કુલ રોકાણના 80 ટકા રકમ રિટાયરમેન્ટના સમયે એક સાથે ઉપાડી શકે છે અને 20 ટકાની એન્યુટી ખરીદી શકે છે, જેના પર પછીથી પેન્શન મળતું રહેશે. પહેલા આ 60 અને 40 ટકાનો નિયમ હતો.

આ નિયમ બદલાયા પછી હવે પેન્શનની રકમ ઘટી જશે પણ એક સાથ ઉપાડી શકાતી રકમ વધી જશે. ચાલો હવે આને દર મહિને 5000 રૂપિયાના રોકાણ પ્રમાણે ગણતરી કરીએ. જો અત્યારે દર મહિને 5000 રૂપિયાનું રોકાણ કરવાનું શરૂ કરશો, તો રિટાયરમેન્ટ વખતે કેટલા રૂપિયા મળશે અને પેન્શન એમાઉન્ટ કેટલી હશે એ વિશે ગણતરી કરીએ.

ધારો કે જો પ્રાઇવેટ સેક્ટરનો કર્મચારી દર મહિને 5000 રૂપિયાનું રોકાણ કરે છે, તો વાર્ષિક રોકાણ 60 હજાર રૂપિયા થશે. હવે સરેરાશ 10 ટકા વ્યાજ અને 60 વર્ષ રિટાયરમેન્ટની ઉંમર માની લઈને અને સાથે જ એન્યુટી ખરીદ્યા પછી માટે વાર્ષિક રિટર્ન સરેરાશ 6% પણ માની લઈને, તો આ બધી જ શરતો પછી ગણતરી આ પ્રકારે થશે.

જો કોઈ 30 વર્ષની ઉંમરથી રોકાણ શરૂ કરે છે તો -

• રોકાણનો સમયગાળો - 30 વર્ષ
• કુલ રોકાણ - 18 લાખ રૂપિયા
• રિટર્ન - સરેરાશ 10 ટકા
• કુલ કોપર્સ - લગભગ 1.15 કરોડ રૂપિયા

30 વર્ષની ઉંમરમાં 5000 રૂપિયાનું દર મહિને રોકાણ શરૂ કર્યા પછી 60 વર્ષની ઉંમર સુધીમાં કુલ કોપર્સ 1.15 કરોડ રૂપિયા જમા થઈ જશે. હવે નવા નિયમ પ્રમાણે, રોકાણકાર કુલ કોપર્સમાંથી 80 ટકા રકમ ઉપાડી શકે છે, એટલે કે 1.15 કરોડ રૂપિયામાંથી 92 લાખ રૂપિયા એક સાથે ઉપાડી શકાશે, પરંતુ 23 લાખ રૂપિયાની એન્યુટી ખરીદવી પડશે, જે કુલ કોપર્સના 20 ટકા છે. 23 લાખ રૂપિયાની એન્યુટી પર સરેરાશ 6 ટકાનું રિટર્ન મળે તો રિટાયરમેન્ટ પછી પણ રોકાણકારોને 11000થી 12000 રૂપિયાનું પેન્શન દર મહિને મળતું રહેશે.

આ પણ વાંચો: ભેગું થઇ જશે રૂ. 25 લાખનું ફંડ! પોસ્ટ ઓફિસ તમારા માટે લઇને આવી 'ધુરંધર' સ્કીમ

એ જ રીતે જો કોઈ 40 વર્ષની ઉંમરે રોકાણ શરૂ કરે છે તો -

• રોકાણનો સમયગાળો - 20 વર્ષ
• કુલ રોકાણ - 12 લાખ રૂપિયા
• કુલ કોપર્સ - 48-50 લાખ રૂપિયા

પછી 60 વર્ષની ઉંમર થયા પછી એકસાથે 38થી 40 લાખ રૂપિયા ઉપાડી શકાય છે. જ્યારે 9-10 લાખ રૂપિયાની એન્યુટી ખરીદી શકાય છે. એવામાં માસિક પેન્શન 4,500-5,000 રૂપિયાનું મળતું રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ