તમારા કામનું / આધાર કાર્ડના નિયમો બદલાયા, જો આ કામ નહીં કરો તો બંધ થઈ જશે!

Chintan Chavda

Last Updated: 09:33 PM, 15 July 2025

FOLLOW ON

શેર કરો

Biometric Update in Aadhaar: કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રાલયે બાળકોના આધાર કાર્ડ સંબંધિત નવા અપડેટ વિશે માહિતી આપી છે. મંત્રાલયે કહ્યું છે કે UIDAI એ 7 વર્ષની ઉંમર પ્રાપ્ત કરનારા તમામ બાળકો માટે બાયોમેટ્રિક અપડેટ ફરજિયાત બનાવવાનો નિર્દેશ આપ્યો છે.

ભારતમાં આધાર કાર્ડ એક જરૂરી ડોક્યુમેન્ટ બની ગયું છે. આધાર કાર્ડ વગર કોઈ પણ કામ થઈ શકતું નથી. બાળકનું એડમિશન હોય કે આઈડી બનાવવા જેવું બીજું કોઈ કામ હોય, દરેક જગ્યાએ આધાર જરૂરી છે. શાળામાં બાળકોના એડમિશન વાત આવે ત્યારે, પાંચ વર્ષથી ઓછી ઉંમરના બાળકો માટે પણ આધાર કાર્ડ જરૂરી છે. બાળકોનું APAAR ID આધાર કાર્ડના આધારે બનાવવામાં આવે છે, જેને બધી શાળાઓ દ્વારા ફરજિયાત બનાવવામાં આવ્યું છે. આવી સ્થિતિમાં, સરકારે બાળકોના આધાર કાર્ડ બનાવવા માટે નવી સૂચનાઓ જારી કરી છે.

બાળકોના આધારને લઈને નવું અપડેટ

કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રાલયે બાળકોના આધાર કાર્ડ સંબંધિત નવા અપડેટ વિશે માહિતી આપી છે. મંત્રાલયે કહ્યું છે કે UIDAI એ 7 વર્ષની ઉંમર પૂર્ણ કરનારા તમામ બાળકો માટે બાયોમેટ્રિક અપડેટ ફરજિયાત બનાવવાનો નિર્દેશ આપ્યો છે. ઇલેક્ટ્રોનિક્સ અને માહિતી ટેકનોલોજી મંત્રાલયે કહ્યું છે કે, 'યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) એ 7 વર્ષની ઉંમર પ્રાપ્ત કરનારા પરંતુ હજુ સુધી આધારમાં તેમના બાયોમેટ્રિક્સ અપડેટ ન કરેલા બાળકો માટે ફરજિયાત બાયોમેટ્રિક અપડેટ (MBU) પૂર્ણ કરવાના મહત્વ પર ભાર મૂક્યો છે. આ આધાર હેઠળ હાલની આવશ્યકતા છે અને માતાપિતા અથવા વાલીઓ કોઈપણ આધાર સેવા કેન્દ્ર અથવા નિયુક્ત આધાર કેન્દ્ર પર તેમના બાળકની વિગતો અપડેટ કરી શકે છે.'

The Unique Identification Authority of India (UIDAI) has reiterated the importance of completing the Mandatory Biometric Update (MBU) for children who have attained the age of seven but have not yet updated their biometrics in Aadhaar. This is an existing requirement under… pic.twitter.com/PG2OrjEDao
— ANI (@ANI) July 15, 2025

UIDAI એ માતાપિતા અને વાલીઓને કરી વિનંતી

UIDAI એ માતાપિતા અને વાલીઓને બાળકોના આધાર કાર્ડ અપડેટ કરવા વિનંતી કરી છે. 5 થી 7 વર્ષની ઉંમરના બાળકો માટે બાયોમેટ્રિક્સ અપડેટ સંપૂર્ણપણે મફત છે. ફરજિયાત બાયોમેટ્રિક અપડેટ શાળા પ્રવેશ, પ્રવેશ પરીક્ષા, શિષ્યવૃત્તિ અને DBT લાભોમાં મદદ કરે છે. UIDAI એ 7 વર્ષના થઈ ગયેલા પરંતુ હજુ સુધી આધાર કાર્ડમાં તેમના બાયોમેટ્રિક્સ અપડેટ ન કરેલા બાળકો માટે ફરજિયાત બાયોમેટ્રિક અપડેટ (MBU) પૂર્ણ કરવાના મહત્વ પર ભાર મૂક્યો છે.

આ પણ વાંચો : બિટકોઇને કરાવી તાબડતોડ કમાણી, તો IT રિટર્નને અપડેટ કરાવી દેજો, નહીંતર...!

બાળકોના આધાર બાયોમેટ્રીક્સ ફ્રી

5 વર્ષથી ઓછી ઉંમરનો બાળક ફોટો, નામ, જન્મ તારીખ, લિંગ, સરનામું અને પુરાવા દસ્તાવેજો આપીને આધાર માટે એનરોલ કરાવી શકે છે. 5 વર્ષથી ઓછી ઉંમરના બાળકના આધાર નોંધણી માટે ફિંગરપ્રિન્ટ્સ અને આઇરિસ બાયોમેટ્રિક્સ લેવામાં આવતા નથી કારણ કે તે ઉંમર સુધીમાં તે પરિપક્વ થતા નથી. વર્તમાન નિયમો મુજબ, બાળક 5 વર્ષનું થાય ત્યારે આધારમાં ફિંગરપ્રિન્ટ્સ, આઇરિસ અને ફોટો અપડેટ કરવો ફરજિયાત છે. આને પ્રથમ ફરજિયાત બાયોમેટ્રિક અપડેટ (MBU) કહેવામાં આવે છે. જો બાળક 5 થી 7 વર્ષની વય વચ્ચે MBU કરાવે છે, તો તે મફત છે, પરંતુ 7 વર્ષની ઉંમર પછી, ફક્ત 100 રૂપિયાની નિશ્ચિત ફી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Utility News UIDAI Children Aadhar Card